കല്‍പറ്റ: കഞ്ചാവ് കൈവശം വെച്ച കേസില്‍ പ്രതിക്ക് രണ്ടു വര്‍ഷം കഠിനതടവും 20,000 രൂപ പിഴയും. സുൽത്താൻ ബത്തേരി, നെന്മേനി, രാംനിവാസില്‍ തിലകനെ (56) ആണ് കല്‍പറ്റ അഡീഷനല്‍ സെഷന്‍സ് കോടതി നാര്‍കോട്ടിക് സ്‌പെഷല്‍ ജഡ്ജ് എസ്.കെ. അനില്‍കുമാർ ശിക്ഷിച്ചത്.
2017 ജൂലൈയിലാണ് കേസിനാസ്പദമായ സംഭവം. 1.600 കി.ഗ്രാം കഞ്ചാവുമായി നെന്മേനി വില്ലേജിലെ കൃഷ്ണപുരം ബസ് സ്‌റ്റോപ്പിനു മുന്‍വശത്ത് നിന്ന് ഇയാളെ അമ്പലവയല്‍ പൊലീസ് പിടികൂടുകയായിരുന്നു. അന്നത്തെ ബത്തേരി സര്‍ക്കിള്‍ ഇന്‍സ്‌പെക്ടറായിരുന്ന എം.ഡി. സുനിലാണ് കേസില്‍ അന്വേഷണം പൂര്‍ത്തിയാക്കി കോടതിയില്‍ കുറ്റപത്രം സമര്‍പ്പിച്ചത്. പ്രോസിക്യൂഷന് വേണ്ടി അഡീഷനല്‍ പബ്ലിക് പ്രോസിക്യൂട്ടര് അഡ്വ. എ.യു. സുരേഷ്‌കുമാര്‍ ഹാജരായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.