സുൽത്താൻ ബത്തേരി: മുത്തങ്ങ എക്സൈസ് ചെക്പോസ്റ്റിൽ വ്യാഴാഴ്ച രാത്രി എക്സൈസ് നടത്തിയ വാഹന പരിശോധനയിൽ 18 കിലോ കഞ്ചാവ് പിടികൂടി. മലപ്പുറം ഏറനാട് പാണ്ടിക്കാട് കുന്നുമ്മൽ മുഹമ്മദ് മുബഷീനെ (28) അറസ്റ്റ് ചെയ്തു.
കെ.എൽ 06 എച്ച് 4760 നമ്പർ ഇന്നോവ കാറും കസ്റ്റഡിയിലെടുത്തിട്ടുണ്ട്. മലപ്പുറം എക്സൈസ് ഇന്‍റലിജൻസ് ബ്യൂറോയുടെ രഹസ്യ വിവരത്തി‍െൻറ അടിസ്ഥാനത്തിലായിരുന്നു പരിശോധന.
ഇന്നോവ കാറിന്‍റ മുന്നിലെ ബോണറ്റിനുള്ളിലും അകത്ത് സീറ്റിനടിയിലെ രഹസ്യ അറകളിലുമാണ് കഞ്ചാവ് സൂക്ഷിച്ചിരുന്നത്. ആകെ ഏഴ് പാക്കറ്റുകൾ കണ്ടെത്തി.
പ്രതിയെയും തൊണ്ടിമുതലും സുൽത്താൻ ബത്തേരി ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയതായി എക്സൈസ് അറിയിച്ചു. പ്രതിയെ കോടതി റിമാൻഡ് ചെയ്തു.
സർക്കിൾ ഇൻസ്പെക്ടർ ആർ. നിഗീഷ്, പ്രിവന്‍റിവ് ഓഫിസർ പി.എ. പ്രകാശ്, സിവിൽ എക്സൈസ് ഓഫിസർ മൻസൂർഅലി, എം.സി. സനൂപ് എന്നിവരാണ് പരിശോധന സംഘത്തിൽ ഉണ്ടായിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.