മീ​ന​ങ്ങാ​ടി ശ്രീ​ക​ണ്ഠ​പ്പ സ്റ്റേ​ഡി​യ​ത്തോ​ട് അ​വ​ഗ​ണ​ന

സു​ൽ​ത്താ​ൻ ബ​ത്തേ​രി: വി​ശാ​ല​മാ​യ സ്ഥ​ല സൗ​ക​ര്യ​മു​ള്ള മീ​ന​ങ്ങാ​ടി ശ്രീ​ക​ണ്ഠ​പ്പ സ്റ്റേ​ഡി​യം അ​വ​ഗ​ണി​ക്ക​പ്പെ​ടു​ന്ന​താ​യി ആ​ക്ഷേ​പം. സ്റ്റേ​ഡി​യ​ത്തോ​ട​നു​ബ​ന്ധി​ച്ചു​ള്ള ഡ്ര​സി​ങ് റൂ​മി​ന്റെ കാ​ടു പി​ടി​ച്ചു കി​ട​ക്കു​ന്ന പ​രി​സ​രം അ​ധി​കൃ​ത​ർ​ക്ക് സ്റ്റേ​ഡി​യ​ത്തോ​ട് പൊ​തു​വേ​യു​ള്ള മ​നോ​ഭാ​വം വ്യ​ക്ത​മാ​ക്കു​ന്ന​താ​ണ്.

കാ​ടി​നു​പു​റ​മേ മ​ലി​ന​ജ​ല​വും ഇ​വി​ടെ കെ​ട്ടി​ക്കി​ട​ക്കു​ന്നു​ണ്ട്. ഏ​ഴേ​ക്ക​റോ​ളം സ്ഥ​ല​ത്താ​ണ് മീ​ന​ങ്ങാ​ടി പ​ഞ്ചാ​യ​ത്തി​ന്റെ ശ്രീ​ക​ണ്ഠ​പ്പ സ്റ്റേ​ഡി​യ​മു​ള്ള​ത്. 400 മീ​റ്റ​ർ ട്രാ​ക്കി​നു​ള്ള സൗ​ക​ര്യം ഇ​വി​ടെ​യു​ണ്ട്. എ​ന്നാ​ൽ, ഒ​രു ഫു​ട്ബാ​ൾ മൈ​താ​ന​ത്തി​ന്റെ വി​സ്താ​ര​ത്തി​ൽ മാ​ത്ര​മാ​ണ് ഇ​പ്പോ​ൾ വ​ലി​യ കു​ഴ​പ്പ​മി​ല്ലാ​തെ കി​ട​ക്കു​ന്ന​ത്. സ​ക​ല കാ​യി​ക പ​രി​ശീ​ല​ന​ങ്ങ​ളും ഏ​ക​ദേ​ശം ര​ണ്ട് ഏ​ക്ക​റോ​ളം ഭാ​ഗ​ത്ത് ഒ​തു​ക്കേ​ണ്ടി വ​രു​ന്നു.

ര​ണ്ട് പ്ര​വേ​ശ​ന ക​വാ​ട​ങ്ങ​ളാ​ണ് സ്റ്റേ​ഡി​യ​ത്തി​ലേ​ക്കു​ള്ള​ത്. ര​ണ്ടി​ട​ത്തും ചളി​ക്ക​ളം താ​ണ്ടി വേ​ണം ക​ട​ക്കാ​ൻ. പ​ന​മ​രം റോ​ഡി​ൽ നി​ന്നു​ള്ള പ്ര​വേ​ശ​ന ക​വാ​ട​ത്തി​ലൂ​ടെ സ്റ്റേ​ഡി​യ​ത്തി​ലേ​ക്ക് പ്ര​വേ​ശി​ക്കാ​മെ​ന്ന് ക​രു​തി​യാ​ൽ ന​ഗ​ര​ത്തി​ലെ ഓ​ട​യി​ൽനി​ന്നു​ള്ള മാ​ലി​ന്യ​ത്തി​ലൂ​ടെ വേ​ണം അ​ക​ത്തേ​ക്ക് ക​ട​ക്കാ​ൻ.

പ​ന​മ​രം റോ​ഡി​ൽ​നി​ന്ന് 50 മീ​റ്റ​ർ ദൂ​ര​മാ​ണ് സ്റ്റേ​ഡി​യ​ത്തി​ലേ​ക്കു​ള്ള​ത്. റോ​ഡി​ന്റെ ന​ടു​വി​ലൂ​ടെ​യാ​ണ് അ​ഴു​ക്കു​ചാ​ലും സ്ലാ​ബു​മു​ള്ള​ത്. പ​തി​റ്റാ​ണ്ടു​ക​ൾ പ​ഴ​ക്ക​മു​ള്ള സ്ലാ​ബു​ക​ൾ ത​ക​ർ​ന്നു കി​ട​ക്കു​ക​യാ​ണ്. റോ​ഡി​ലാ​കെ വൃ​ത്തി​ഹീ​ന​മാ​യ ചു​റ്റു​പാ​ടാ​ണ്. റോ​ഡ് അ​വ​സാ​നി​ക്കു​ന്ന​തി​ന് സ​മീ​പ​മാ​ണ് ഡ്ര​സി​ങ് റൂം. ​ഇ​തി​ന്റെ മു​ൻ​വ​ശം മാ​ത്ര​മാ​ണ് കാ​ട് പി​ടി​ക്കാ​ത്ത അ​വ​സ്ഥ​യി​ലു​ള്ള​ത്. പു​റ​കു​വ​ശ​ത്ത് ടൗ​ണി​ൽ നി​ന്നു​ള്ള അ​ഴു​ക്കു​ചാ​ലാ​ണ്. ഈ ​ഭാ​ഗ​ത്ത് വ​ലി​യ ദു​ർ​ഗ​ന്ധ​മാ​ണ്. ചെ​റി​യ മ​ഴ​പെ​യ്താ​ൽ പോ​ലും സ്റ്റേ​ഡി​യ​മാ​കെ വെ​ള്ള​ക്കെ​ട്ടാ​കു​ന്ന സാ​ഹ​ച​ര്യ​മാ​ണ് നി​ല​വി​ലു​ള്ള​ത്. സു​ര​ക്ഷാ മ​തി​ലും വേ​ലി​യും പ​ല​യി​ട​ത്തും ത​ക​ർ​ന്നു കി​ട​ക്കു​ക​യാ​ണ്. ദേ​ശീ​യ​ത​ല​ത്തി​ൽ ഒ​ട്ടേ​റെ കാ​യി​ക​താ​ര​ങ്ങ​ൾ ക​ളി​ച്ചു വ​ള​ർ​ന്ന മൈ​താ​ന​മാ​ണ് മീ​ന​ങ്ങാ​ടി​യി​ലേ​ത്. ദേ​ശീ​യ സം​സ്ഥാ​ന ത​ല​ത്തി​ലെ ഒ​ട്ടേ​റെ ഫു​ട്ബാ​ൾ ക്ല​ബ്ബു​ക​ളി​ൽ മീ​ന​ങ്ങാ​ടി സ്റ്റേ​ഡി​യ​ത്തി​ൽ​നി​ന്ന് ക​ളി​പ​ഠി​ച്ച താ​ര​ങ്ങ​ളു​ണ്ട്. നി​ല​വി​ൽ ജി​ല്ല​യി​ലെ ഏ​റ്റ​വും മി​ക​ച്ച ഫു​ട്ബാ​ൾ അ​ക്കാ​ദ​മി​ക​ളി​ലൊ​ന്ന് ഇ​വി​ടെ​യാ​ണ്. ജി​ല്ല സ്കൂ​ൾ കാ​യി​ക മേ​ള, കേ​ര​ളോ​ത്സ​വ​ങ്ങ​ൾ എ​ന്നി​വ​യൊ​ക്കെ ഇ​വി​ടെ ന​ട​ത്തി​യി​ട്ടു​ണ്ട്.

സ്റ്റേ​ഡി​യ​ത്തി​ന്റെ ന​വീ​ക​ര​ണ​ത്തി​നും വി​വി​ധ പ്ര​വൃ​ത്തി​ക​ൾ​ക്കു​മാ​യി അ​ഞ്ചു കോ​ടി​യു​ടെ ഭ​ര​ണാ​നു​മ​തി ല​ഭി​ച്ച​താ​യി മാ​സ​ങ്ങ​ൾ​ക്ക് മു​മ്പ് വാ​ർ​ത്ത​യു​ണ്ടാ​യി​രു​ന്നു. പി​ന്നീ​ട് ന​ട​പ​ടി​ക​ളൊ​ന്നു​മു​ണ്ടാ​യി​ല്ല.

ഫ​ണ്ട് ല​ഭ്യ​മാ​ക്കി​യാ​ൽ രാ​ജ്യാ​ന്ത​ര നി​ല​വാ​ര​ത്തി​ലു​ള്ള 400 മീ​റ്റ​ർ ട്രാ​ക്ക്, ഫു​ട്ബാ​ൾ കോ​ർ​ട്ട് തു​ട​ങ്ങി​യ സൗ​ക​ര്യ​ങ്ങ​ളൊ​ക്കെ സ്റ്റേ​ഡി​യ​ത്തി​ൽ വ​രും. അ​ത്യാ​വ​ശ്യം വേ​ണ്ട ഗ്യാ​ല​റി​യും നി​ർ​മി​ക്കാ​നു​കു​മെ​ന്നാ​ണ് ക​രു​തു​ന്ന​ത്.