ഡോക്ടർമാരുടെ കുറവ്; താലൂക്ക് ആശുപത്രിയിൽ ഒ.പി പരിശോധനക്ക് പെടാപ്പാട്

സു​ൽ​ത്താ​ൻ ബ​ത്തേ​രി: താ​ലൂ​ക്ക് ഹെ​ഡ് ക്വാ​ർ​ട്ടേ​ഴ്സ് ആ​ശു​പ​ത്രി​യി​ൽ ഒ.​പി പ​രി​ശോ​ധ​ന​ക്ക് രോ​ഗി​ക​ൾ​ക്ക് പെ​ടാ​പ്പാ​ട്. ഡോ​ക്ട​ർ​മാ​രു​ടെ കു​റ​വും അ​നാ​സ്ഥ​യും രോ​ഗി​ക​ളെ വ​ല​ക്കു​ക​യാ​ണ്. ഗ​ത്യ​ന്ത​ര​മി​ല്ലാ​തെ മ​റ്റ് ആ​ശു​പ​ത്രി​ക​ളെ തേ​ടി​പ്പോ​കു​ന്ന​തും പ​തി​വാ​യി.

ദി​വ​സ​വും രാ​വി​ലെ 11 ആ​കു​മ്പോ​ഴേ​ക്കും 500ലേ​റെ രോ​ഗി​ക​ൾ എ​ത്താ​റു​ണ്ട്. തി​ങ്ക​ളാ​ഴ്ച പ്ര​ധാ​ന ഒ.​പി​യി​ൽ മൂ​ന്നു ഡോ​ക്ട​ർ​മാ​ർ മാ​ത്ര​മാ​ണ് ഉ​ണ്ടാ​യി​രു​ന്ന​ത്. ഇ​തി​ൽ കൃ​ത്യ​മാ​യി രോ​ഗി​ക​ളെ നോ​ക്കി​യ​ത് ഒ​രാ​ൾ മാ​ത്രം. സ്പെ​ഷ​ലി​സ്റ്റ് ഒ.​പി​യി​ൽ ദ​ന്ത ഡോ​ക്ട​ർ മാ​ത്ര​മേ ഉ​ണ്ടാ​യി​രു​ന്നു​ള്ളൂ. ഇ.​എ​ൻ.​ടി, എ​ല്ല് ഡോ​ക്ട​ർ​മാ​രെ കാ​ണാ​ൻ നി​ര​വ​ധി രോ​ഗി​ക​ൾ എ​ത്തി​യി​രു​ന്നു​വെ​ങ്കി​ലും ഡോ​ക്ട​ർ​മാ​ർ വൈ​കി എ​ത്തു​ക​യും നേ​ര​ത്തേ പോ​കു​ക​യും ചെ​യ്തു. ഇ​തോ​ടെ നി​ര​വ​ധി രോ​ഗി​ക​ൾ​ക്ക് മ​റ്റ് ആ​ശു​പ​ത്രി​ക​ളി​ലേ​ക്ക് പോ​കേ​ണ്ടി​യും വ​ന്നു.

ആ​ശു​പ​ത്രി​യു​ടെ പ​ഴ​യ ബ്ലോ​ക്കി​ലാ​ണ് ഇ​പ്പോ​ൾ ഒ.​പി പ്ര​വ​ർ​ത്തി​പ്പി​ക്കു​ന്ന​ത്. നി​ന്നു​തി​രി​യാ​ൻ ഇ​ട​മി​ല്ലാ​ത്ത ഇ​വി​ടെ കു​റെ ക​സേ​ര​ക​ളും നി​ര​ത്തി​യി​ട്ടു​ണ്ട്. പ​രി​ശോ​ധ​ന മു​റി​ക്ക് മു​ന്നി​ൽ രോ​ഗി​ക​ൾ തി​ങ്ങി​നി​ൽ​ക്കു​ക​യാ​ണ്. മ​ണി​ക്കൂ​റു​ക​ൾ കാ​ത്തു​നി​ന്ന നി​ര​വ​ധി രോ​ഗി​ക​ൾ തി​ങ്ക​ളാ​ഴ്ച ത​ള​ർ​ന്നു​വീണ സാ​ഹ​ച​ര്യമുണ്ടാ​യി. ഒ.​പി ബ്ലോ​ക്ക് പ​ഴ​യ കെ​ട്ടി​ട​ത്തി​ലേ​ക്ക് ത​ന്നെ താ​ൽ​ക്കാ​ലി​ക​മാ​യി മാ​റ്റി​യ​തി​ന് അ​ധി​കാ​രി​ക​ൾ പ​ല ന്യാ​യ​ങ്ങ​ളും പ​റ​യു​ന്നു​ണ്ടെ​ങ്കി​ലും രോ​ഗി​ക​ൾക്ക് അ​നു​ഭ​വി​ക്കേ​ണ്ടി​വ​രു​ന്ന​ത് വ​ലി​യ ബു​ദ്ധി​മു​ട്ടാ​ണ്. സ​മീ​പ​ത്ത് ആ​ധു​നി​ക രീ​തി​യി​ലു​ള്ള കെ​ട്ടി​ട​ങ്ങ​ൾ ഉ​ള്ള​പ്പോ​ഴാ​ണ് ഒ.​പി രോ​ഗി​ക​ൾ​ക്ക് അ​തി​ന്റെ ഗു​ണം കി​ട്ടാ​തെവ​രു​ന്ന​ത്. ഇ.​എ​ൻ.​ടി, കു​ട്ടി​ക​ളു​ടെ വി​ഭാ​ഗം, എ​ല്ല്, ഗൈ​ന​ക്കോ​ള​ജി എ​ന്നി​ങ്ങ​നെ​യു​ള്ള സേ​വ​ന​ങ്ങ​ൾ പ്ര​തീ​ക്ഷി​ച്ചാ​ണ് കൂ​ടു​ത​ൽ രോ​ഗി​ക​ൾ എ​ത്തു​ന്ന​ത്. എ​ന്നാ​ൽ, കൃ​ത്യ​മാ​യ പ​രി​ശോ​ധ​ന ല​ഭ്യ​മാ​കാ​ൻ സ്വ​കാ​ര്യ ക്ലിനിക്കുക​ളി​ലേ​ക്ക് പോ​കാ​ൻ നി​ർ​ബ​ന്ധി​ത​രാ​കു​ന്നു. മു​നി​സി​പ്പാ​ലി​റ്റി​യി​ലാ​ണെ​ങ്കി​ലും ആ​ശു​പ​ത്രി നി​യ​ന്ത്ര​ണം ബ​ത്തേ​രി ബ്ലോ​ക്ക് പ​ഞ്ചാ​യ​ത്തി​നാ​ണ്. ഒ.​പി കാ​ര്യ​ക്ഷ​മ​മാ​ക്കാ​ൻ ബ്ലോ​ക്ക് പ​ഞ്ചാ​യ​ത്തി​ന്റെ അ​ടി​യ​ന്ത​ര ശ്ര​ദ്ധ​യാ​ണ് ഉ​ണ്ടാ​വേ​ണ്ട​ത്.