സുൽത്താൻ ബത്തേരി നഗരത്തിലെ ബോഗൺവില്ല
സുൽത്താൻ ബത്തേരി: കഴിഞ്ഞ വേനൽ മഴയിൽ മറിഞ്ഞുവീണ സുൽത്താൻ ബത്തേരിയിലെ ബോഗൺവില്ലക്ക് മഴയിൽ പുത്തനുണർവ്. മറിഞ്ഞുവീണ സമയത്ത് ഉണ്ടായിരുന്നത് പോലെ ഇപ്പോൾ വളർന്നിരിക്കുകയാണ്. പൂക്കളായിട്ടില്ലെന്ന് മാത്രം.
ട്രാഫിക് ജംങ്ഷനിൽ സ്വതന്ത്ര മൈതാനിയോട് ചേർന്നാണ് ബോഗൺ വില്ലയുള്ളത്. പൂക്കളുമായി നിൽക്കുന്ന ചെടി ഇതിലൂടെ പോകുന്നവർക്ക് വേറിട്ട കാഴ്ചയായിരുന്നു. കാറ്റത്ത് ഇരുമ്പ് തൂൺ ഒടിഞ്ഞുപോയതാണ് ചെടി നിലംപതിക്കാൻ കാരണം. ഒടിഞ്ഞ തൂൺ വെൽഡ് ചെയ്ത് രണ്ടാമതും സ്ഥാപിക്കുകയായിരുന്നു.
നടപ്പാതയിലെ കൈവരികളിൽ ചെടികൾ സ്ഥാപിച്ച നഗരസഭക്ക് ബോഗൺ വില്ലയുടെ സാന്നിധ്യം ഇരട്ടി മധുരമായിരുന്നു. നാലഞ്ച് വർഷം മുമ്പ് ഓട്ടോ തൊഴിലാളികളാണ് ഈ വള്ളിച്ചെടി നട്ടത്. പിന്നീട് നഗരസഭ ഏറ്റെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.