കൂടല്ലൂരിൽ കാട്ടാനശല്യം രൂക്ഷം; വീട് തകർത്തു

സു​ൽ​ത്താ​ൻ ബ​ത്തേ​രി: വാ​കേ​രി, മൂ​ട​ക്കൊ​ല്ലി, കൂ​ട​ല്ലൂ​ർ പ്ര​ദേ​ശ​ത്ത് കാ​ട്ടാ​ന ശ​ല്യം രൂ​ക്ഷം. കാ​ടി​റ​ങ്ങു​ന്ന ആ​ന​ക​ൾ നാ​ട്ടി​ലൂ​ടെ ചു​റ്റി​ക്ക​റ​ങ്ങു​ക​യാ​ണ്. കൃ​ഷി​യി​ട​ങ്ങ​ളി​ൽ വ​ൻ നാ​ശ​മാ​ണ് കാ​ട്ടാ​ന​ക​ൾ വ​രു​ത്തി​വെ​ക്കു​ന്ന​ത്. ക​ഴി​ഞ്ഞ ദി​വ​സം കാ​ട്ടാ​ന കൂ​ട​ല്ലൂ​ർ മേ​ടാ​ട്ട് കൃ​ഷ്ണന്റെ വീ​ടി​ന്റെ ഒ​രു​ഭാ​ഗം ത​ക​ർ​ത്തു. വ​നം വ​കു​പ്പി​ന്റെ അ​നാ​സ്ഥ​യും കെ​ടു​കാ​ര്യ​സ്ഥ​ത​യു​മാ​ണ് ആ​ന​ക​ൾ വ്യാ​പ​ക​മാ​യി നാ​ട്ടി​ലേ​ക്ക് ഇ​റ​ങ്ങാ​ൻ കാ​ര​ണ​മെ​ന്ന് നാ​ട്ടു​കാ​ർ പ​റ​ഞ്ഞു.

സു​ൽ​ത്താ​ൻ ബ​ത്തേ​രി സ​ത്രം​കു​ന്ന് മു​ത​ൽ മൂ​ട​കൊ​ല്ലി വ​രെ റെ​യി​ൽ വേ​ലി നി​ർ​മി​ച്ചി​ട്ടു​ണ്ട്. ഇ​ത് ത​ക​ർ​ത്താ​ണ് ആ​ന​ക​ൾ നാ​ട്ടി​ലേ​ക്ക് ഇ​റ​ങ്ങു​ന്ന​ത്. ഏ​താ​നും വ​ർ​ഷം മു​മ്പാ​ണ് റെ​യി​ൽ​വേ​ലി നി​ർ​മി​ച്ച​ത്. നി​ർ​മാ​ണ​ത്തി​ലെ അ​പാ​ക​ത അ​ന്നു​ത​ന്നെ നാ​ട്ടു​കാ​ർ ചൂ​ണ്ടി​ക്കാ​ട്ടി​യി​രു​ന്നു​വെ​ങ്കി​ലും വ​നം വ​കു​പ്പ് കാ​ര്യ​മാ​ക്കി​യി​ല്ല.

അ​താ​ണ് ഇ​പ്പോ​ൾ പ്ര​ശ്ന​മാ​യി​രി​ക്കു​ന്ന​ത്. റെ​യി​ൽ​വേ​ലി ത​ക​ർ​ത്തും ചാ​ടി​ക്ക​ട​ന്നു​മാ​ണ് ആ​ന​ക​ൾ കാ​ടി​ന് പു​റ​ത്തി​റ​ങ്ങു​ന്ന​ത്. ക​ഴി​ഞ്ഞ ദി​വ​സം വാ​കേ​രി ര​ണ്ടാം ന​മ്പ​ർ തേ​ൻ​കു​ഴി​യി​ൽ കാ​ട്ടാ​ന റെ​യി​ൽ​വേ​ലി ചാ​ടിക്ക​ട​ക്കു​ന്ന​തി​ന്റെ വി​ഡി​യോ പു​റ​ത്തു​വ​ന്നി​രു​ന്നു. തേ​ൻ​കു​ഴി​ക്ക് പു​റ​മെ മ​റ്റി​ട​ങ്ങ​ളി​ലും റെ​യി​ൽ​വേ​ലി ത​ക​ർ​ക്ക​പ്പെ​ട്ടി​ട്ടു​ണ്ട്.

ക​ടു​വ​ശ​ല്യ​ത്തി​ന് പേ​രു​കേ​ട്ട സ്ഥ​ല​മാ​ണ് മൂ​ട​ക്കൊ​ല്ലി കൂ​ട​ല്ലൂ​ർ. നാ​ലു​മാ​സം മു​മ്പ് ക​ടു​വ യു​വാ​വി​നെ കൊ​ന്നു​തി​ന്ന​ത് ഇ​വി​ടെ നി​ന്നാ​ണ്. അ​ന്ന് കാ​ട്ടാ​ന​ശ​ല്യം ഉ​ണ്ടാ​യി​രു​ന്നി​ല്ല. ക​ടു​വ പോ​യ​തോ​ടെ കാ​ട്ടാ​ന​ക​ൾ ഇ​റ​ങ്ങാ​നും തു​ട​ങ്ങി.