ഗ​ർ​ഭി​ണി​യാ​യ മു​ള്ള​ൻ​പ​ന്നി​യെ വേട്ടയാടിയയാൾ ​തോക്കുമായി അറസ്​റ്റിൽ

തി​രു​വ​മ്പാ​ടി: ജീ​ര​ക​പ്പാ​റ എ​ലി​ക്കോ​ട് പു​ലി​ക്കോ​ട് വ​ന​ത്തി​ൽ മു​ള്ള​ൻ​പ​ന്നി​യെ വേ​ട്ട​യാ​ടി​യ ഒ​രാ​ളെ വ​ന​പാ​ല​ക​ർ അ​റ​സ്​​റ്റ്​ ചെ​യ്തു. ജീ​ര​ക​പ്പാ​റ പെ​രു​മ്പ​ള്ളി ഷാ​ജി​യാ​ണ്​ (47) നാ​ട​ൻ​തോ​ക്കും തി​ര​ക​ളു​മാ​യി പി​ടി​യി​ലാ​യ​ത്. ഗ​ർ​ഭി​ണി​യാ​യി​രു​ന്ന മു​ള്ള​ൻ​പ​ന്നി​യു​ടെ ജ​ഡ​വും ക​ണ്ടെ​ത്തി.

ആ​ന​ക്കാം​പൊ​യി​ൽ എ​ട​ത്ത​റ സെ​ക്​​ഷ​ൻ ഫോ​റ​സ്​​റ്റ്​ ഓ​ഫി​സ​ർ എ. ​പ്ര​സ​ന്ന​കു​മാ​റി​​െൻറ നേ​തൃ​ത്വ​ത്തി​ൽ വ​ന​ത്തി​ൽ ന​ട​ത്തി​യ പ​ട്രോ​ളി​ങ്ങി​നി​ടെ​യാ​ണ്​ ഇ​യാ​ളെ പി​ടി​കൂ​ടി​യ​ത്. വ​ന​ത്തി​ൽ​നി​ന്ന് വെ​ടി​യൊ​ച്ച കേ​ട്ട​തി​നെ തു​ട​ർ​ന്നാ​ണ് ​തി​ര​ച്ചി​ൽ ന​ട​ത്തി​യ​ത്. താ​മ​ര​ശ്ശേ​രി റേ​ഞ്ച്​ ഫോ​റ​സ്​​റ്റ്​ ഓ​ഫി​സ​ർ ടി.​കെ. രാ​ജീ​വ് കു​മാ​റി​െൻറ നേ​തൃ​ത്വ​ത്തി​ൽ ശ​നി​യാ​ഴ്ച രാ​ത്രി ജീ​ര​ക​പ്പാ​റ, വ​ട്ട​ച്ചി​റ, കൂ​രോ​ട്ടു​പാ​റ തു​ട​ങ്ങി​യ വ​ന​മേ​ഖ​ല​യി​ൽ വ​ന​പാ​ല​ക​ർ വ്യ​ത്യ​സ്ത സം​ഘ​ങ്ങ​ളാ​യി പ​രി​ശോ​ധ​ന ന​ട​ത്തി​യി​രു​ന്നു.

ബീ​റ്റ് ഫോ​റ​സ്​​റ്റ്​ ഓ​ഫി​സ​ർ സി. ​ആ​ന​ന്ദ രാ​ജ്, ഫോ​റ​സ്​​റ്റ്​ വാ​ച്ച​ർ​മാ​രാ​യ ഉ​ണ്ണി​കൃ​ഷ്ണ​ൻ, ബി​നീ​ഷ്, ഷ​ബീ​ർ, അ​ബ്​​ദു​ന്നാ​സ​ർ, ലൂ​യി​സ് എ​ന്നി​വ​ർ പ​രി​ശോ​ധ​ന​യി​ൽ പ​ങ്കെ​ടു​ത്തു. പ്ര​തി​യെ താ​മ​ര​ശ്ശേ​രി ജു​ഡീ​ഷ്യ​ൽ മ​ജി​സ്ട്രേ​റ്റ് കോ​ട​തി റി​മാ​ൻ​ഡ്​ ചെ​യ്തു. ക​ഴി​ഞ്ഞ ദി​വ​സം കൂ​ട​ര​ഞ്ഞി പൂ​വാ​റം​തോ​ടി​ൽ​നി​ന്ന് 49 കി​ലോ കാ​ട്ടു​പോ​ത്തി​റ​ച്ചി​യും ര​ണ്ടു നാ​ട​ൻ​തോ​ക്കും വ​ന​പാ​ല​ക​ർ പി​ടി​കൂ​ടി​യി​രു​ന്നു. ഈ ​കേ​സി​ൽ പ്ര​തി​യെ പി​ടി​കൂ​ടാ​ൻ ക​ഴി​ഞ്ഞി​ട്ടി​ല്ല.