വി.എഫ്.എമാരുടെ കൂട്ട സ്ഥലംമാറ്റം വിവാദത്തിൽ

പാ​ല​ക്കാ​ട്: വി​ല്ലേ​ജ് ഓ​ഫി​സു​ക​ളി​ൽ മൂ​ന്ന് വ​ർ​ഷ​ത്തി​ല​ധി​ക​മാ​യി ജോ​ലി​ചെ​യ്യു​ന്ന 25 ഫീ​ൽ​ഡ് അ​സി​സ്റ്റ​ന്റു​മാ​രെ (വി.​എ​ഫ്.​എ) സ്ഥ​ലം മാ​റ്റി​യ​ത് വി​വാ​ദ​ത്തി​ൽ. ഒ​റ്റ​പ്പാ​ലം താ​ലൂ​ക്കി​ലെ വി​വി​ധ വി​​ല്ലേ​ജു​ക​ളി​ൽ മൂ​ന്ന് വ​ർ​ഷ​ത്തി​ല​ധി​കം ജോ​ലി ചെ​യ്തു​വ​രു​ന്ന 25 വി.​എ​ഫ്.​എ​മാ​രെ സ്ഥ​ലം​മാ​റ്റി ചൊ​വ്വാ​ഴ്ച​യാ​ണ് പാ​ല​ക്കാ​ട് ഡെ​പ്യൂ​ട്ടി ക​ല​ക്ട​ർ (ജ​ന​റ​ൽ) ഉ​ത്ത​ര​വി​ട്ട​ത്. വി.​എ​ഫ്.​എ​മാ​രു​ടെ കൂ​ട്ട സ്ഥ​ലം​മാ​റ്റം നി​രോ​ധി​ച്ചും ജി​ല്ല ത​ല​ത്തി​ൽ എ​ച്ച്.​ആ​ർ.​എം.​എ​സ് പ്ലാ​റ്റ്ഫോ​മി​ൽ ഓ​ൺ​ലൈ​ൻ വ​ഴി പൊ​തു സ്ഥ​ലം​മാ​റ്റം അ​നു​വ​ദി​ച്ചും 2024 ന​വം​ബ​ർ 11ന് ​കേ​ര​ള അ​ഡ്മി​നി​സ്ട്രേ​റ്റി​വ് ട്രൈ​ബ്യൂ​ണ​ൽ ഉ​ത്ത​ര​വി​ട്ടി​രു​ന്നു. വി.​എ​ഫ്.​എ​മാ​രു​ടെ പൊ​തു സ്ഥ​ലം​മാ​റ്റം 2025 മേ​യ് 31ന​കം ന​ട​ത്ത​ണ​മെ​ന്നും അ​ടി​യ​ന്ത​ര ഘ​ട്ട​ത്തി​ൽ മാ​ത്ര​മേ ഒ​റ്റ​പ്പെ​ട്ട സ്ഥ​ലം​മാ​റ്റ​ത്തി​ന് ഉ​ത്ത​ര​വി​ടാ​വൂ എ​ന്നും വി​ധി​ന്യാ​യ​ത്തി​ൽ പ​റ​ഞ്ഞി​രു​ന്നു. ഇ​ക്കാ​ര്യം ചൂ​ണ്ടി​ക്കാ​ട്ടി കോ​ട​തി ഉ​ത്ത​ര​വ് ലം​ഘി​ച്ച് അ​ന​ധി​കൃ​ത​മാ​യി സ്ഥ​ലം​മാ​റ്റം ന​ട​ത്തി​യെ​ന്ന് കാ​ണി​ച്ച് ഡെ​പ്യൂ​ട്ടി ക​ല​ക്ട​റു​ടെ ന​ട​പ​ടി​ക്കെ​തി​രെ കേ​ര​ള റ​വ​ന്യൂ വി​ല്ലേ​ജ് സ്റ്റാ​ഫ് ഓ​ർ​ഗ​നൈ​സേ​ഷ​ൻ ഭാ​ര​വാ​ഹി​ക​ൾ ജി​ല്ല ക​ല​ക്ട​ർ​ക്ക് പ​രാ​തി ന​ൽ​കി.

പാ​ല​ക്കാ​ട് പാ​ല​ക്ക​യ​ത്ത് വി​ല്ലേ​ജ് അ​സി​സ്റ്റ​ന്റ് സു​രേ​ഷ്‌​കു​മാ​ര്‍ കൈ​ക്കൂ​ലി വാ​ങ്ങി പി​ടി​യി​ലാ​യ പ​ശ്ചാ​ത്ത​ല​ത്തി​ൽ 2023 മേ​യ് 24നാ​ണ് സം​സ്ഥാ​ന​ത്ത് മു​ഴു​വ​ൻ വി​ല്ലേ​ജ് ഓ​ഫി​സു​ക​ളി​ലും മൂ​ന്ന് വ​ർ​ഷ​ത്തി​ല​ധി​കം ഒ​രേ വി​ല്ലേ​ജ് ഓ​ഫി​സി​ൽ തു​ട​രു​ന്ന ജീ​വ​ന​ക്കാ​രെ അ​ത​ത് ത​സ്തി​ക​യി​ൽ മു​മ്പ് ജോ​ലി​ചെ​യ്യാ​ത്ത വി​ല്ലേ​ജു​ക​ളി​ൽ മാ​റ്റി നി​യ​മി​ക്ക​ണ​മെ​ന്ന് ലാ​ൻ​ഡ് റ​വ​ന്യൂ ക​മീ​ഷ​ണ​ർ ഉ​ത്ത​ര​വി​ട്ട​ത്. 500 മു​ത​ൽ 10,000 രൂ​പ വ​രെ കൈ​ക്കൂ​ലി​യാ​യി വാ​ങ്ങി​യി​രു​ന്ന​താ​യി തെ​ളി​ഞ്ഞ​തി​നെ തു​ട​ർ​ന്ന് സു​രേ​ഷ് കു​മാ​റി​നെ വ​കു​പ്പി​ൽ​നി​ന്ന് സ​സ്‌​പെ​ൻ​ഡ് ചെ​യ്തി​രു​ന്നു. ഈ ​ഉ​ത്ത​ര​വി​ന്റെ പ​ശ്ചാ​ത്ത​ല​ത്തി​ലാ​ണ് ഒ​റ്റ​പ്പാ​ലം താ​ലൂ​ക്കി​ൽ മൂ​ന്ന് വ​ർ​ഷ​ത്തി​ല​ധി​ക​മാ​യി ജോ​ലി ചെ​യ്തു​വ​രു​ന്ന വി.​എ​ഫ്.​എ​മാ​രെ സ്ഥ​ലം​മാ​റ്റി​യ​തെ​ന്ന് ഉ​ത്ത​ര​വി​ൽ വ്യ​ക്ത​മാ​ക്കു​ന്നു​ണ്ട്. മാ​ത്ര​മ​ല്ല, സ്ഥ​ലം​മാ​റ്റ പ​ട്ടി​ക​യി​ലെ ജീ​വ​ന​ക്കാ​രെ ക​ല​ക്ട​റു​ടെ അ​നു​മ​തി​യി​ല്ലാ​തെ താ​ൽ​ക്കാ​ലി​ക​മാ​യോ ജോ​ലി​ക്ര​മീ​ക​ര​ണ വ്യ​വ​സ്ഥ​യി​ലോ മ​റ്റു വി​ല്ലേ​ജു​ക​ളി​ൽ നി​യ​മി​ക്കാ​ൻ പാ​ടി​ല്ലെ​ന്നും പ്ര​ത്യേ​കം സൂ​ചി​പ്പി​ച്ചി​ട്ടു​ണ്ട്. അ​താ​യ​ത് റ​വ​ന്യൂ​വ​കു​പ്പി​ലെ അ​ഴി​മ​തി ത​ട​യാ​നു​ള്ള ന​ട​പ​ടി​യു​ടെ ഭാ​ഗ​മാ​യാ​ണ് ഉ​ത്ത​ര​വി​റ​ക്കി​യ​തെ​ന്നാ​ണ് ഔ​ദ്യോ​ഗി​ക വി​ശ​ദീ​ക​ര​ണം.

സ്ഥ​ലം​മാ​റ്റ ഉ​ത്ത​ര​വു​ക​ൾ പു​നഃ​പ​രി​ശോ​ധി​ച്ച് ഭേ​ദ​ഗ​തി വ​രു​ത്താ​നാ​വ​ശ്യ​മാ​യ ന​ട​പ​ടി സ്വീ​ക​രി​ക്ക​ണ​മെ​ന്ന് കേ​ര​ള റ​വ​ന്യൂ വി​ല്ലേ​ജ് സ്റ്റാ​ഫ് ഓ​ർ​ഗ​നൈ​സേ​ഷ​ൻ സം​സ്ഥാ​ന പ്ര​സി​ഡ​ന്റ് എ​സ്. ര​മേ​ഷ്‍കു​മാ​ർ, ജ​ന​റ​ൽ സെ​ക്ര​ട്ട​റി എ​ൻ.​കെ. പ്ര​വീ​ൺ​കു​മാ​ർ എ​ന്നി​വ​ർ ജി​ല്ല ക​ല​ക്ട​ർ​ക്ക് ന​ൽ​കി​യ നി​വേ​ദ​ന​ത്തി​ൽ ആ​വ​ശ്യ​പ്പെ​ട്ടു.