മലപ്പുറത്ത് നടന്ന നവകേരള സദസ്സ്
തിരുവനന്തപുരം: മുഖ്യമന്ത്രിയും മന്ത്രിമാരും നടത്തിയ നവകേരള സദസ്സിൽ 35 ലക്ഷം പേരുമായി നേരിട്ട് സംവദിക്കാനായെന്ന് സി.പി.എം വിലയിരുത്തൽ. നേരിട്ട് പങ്കെടുത്തവരിൽ പകുതിയിലധികം സ്ത്രീകളാണ്. നേരിട്ടും സമൂഹമാധ്യമങ്ങളിലുമായി ഒന്നരക്കോടി ജനങ്ങൾക്ക് നവകേരള സദസ്സിന്‍റെ സന്ദേശം എത്തിക്കാനായി.
പ്രഭാതയോഗങ്ങളിൽ കോൺഗ്രസിലെയും ലീഗിലെയും വരെ മുതിർന്ന നേതാക്കൾ പങ്കെടുത്തു.
ലഭിച്ച അപേക്ഷകൾ പരിശോധിക്കാനും തീർപ്പാക്കാനും മുഖ്യമന്ത്രിതന്നെ ഇടപെടും. എല്ലാ ജില്ലകളിലും ഉയർന്ന ഉദ്യോഗസ്ഥരെ ചുമതലപ്പെടുത്തിയിട്ടുണ്ട്. യു.ഡി.എഫ് നടത്തിയ ബദൽപരിപാടി ജനപങ്കാളിത്തമില്ലാതെ പരാജയപ്പെട്ടെന്നും സംസ്ഥാന സമിതി യോഗം വിലയിരുത്തി.
പാർട്ടി മുഖപത്രമായ ദേശാഭിമാനി കന്നട ഭാഷയിൽ പ്രസിദ്ധീകരിക്കാനും തീരുമാനിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.