ആവശ്യത്തിന് ഡോക്ടർമാരില്ല; പുനലൂർ താലൂക്ക് ആശുപത്രിയുടെ പ്രവർത്തനം താളംതെറ്റുന്നു

പു​ന​ലൂ​ർ: സം​സ്ഥാ​ന​ത്തെ മി​ക​ച്ച​തെ​ന്ന് ഖ്യാ​തി നേ​ടി​യ പു​ന​ലൂ​ർ താ​ലൂ​ക്കാ​ശു​പ​ത്രി​യി​ൽ ആ​വ​ശ്യ​ത്തി​ന് ഡോ​ക്ട​ർ​മാ​രി​ല്ലാ​ത്ത​ത് രോ​ഗി​ക​ളെ വ​ല​ക്കു​ന്നു. ദി​വ​സ​വും 2500 ഓ​ളം രോ​ഗി​ക​ൾ ഒ.​പി​യി​ലും 300 ഓ​ളം രോ​ഗി​ക​ൾ കി​ട​ത്തി​ചി​കി​ത്സ​ക്കും ഉ​ണ്ടാ​കു​ന്ന ഈ ​ആ​ശു​പ​ത്രി​യി​ൽ ആ​വ​ശ്യ​മു​ള്ള നാ​ൽ​പ​തോ​ളം ഡോ​ക്ട​ർ​മാ​രി​ൽ പ​ത്തു​പേ​രു​ടെ കു​റ​വാ​ണു​ള്ള​ത്. ഇ​തു​കാ​ര​ണം ഏ​റ്റ​വും കൂ​ടു​ത​ൽ രോ​ഗി​ക​ൾ ആ​ശ്ര​യി​ക്കു​ന്ന​തും ദി​വ​സം മു​ഴു​വ​ൻ പ്ര​വ​ർ​ത്തി​ക്കു​ന്ന​തു​മാ​യ അ​ത്യാ​ഹി​ത​വി​ഭാ​ഗ​ത്തി​ലെ​ത്തു​ന്ന​വ​ർ​ക്കാ​ണ്​ കൂ​ടു​ത​ൽ ദു​രി​തം. ഈ ​വി​ഭാ​ഗ​ത്തി​ൽ മാ​ത്രം എ​ട്ട് ഡോ​ക്ട​ർ​മാ​രു​ടെ കു​റു​വു​ണ്ട്.

കി​ഴ​ക്ക​ൻ മ​ല​യോ​ര മേ​ഖ​ല ഉ​ൾ​പ്പെ​ടു​ന്ന ഭാ​ഗ​മാ​യ​തി​നാ​ൽ വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തി​ലും മ​റ്റ് അ​പ​ക​ട​ങ്ങ​ളി​ലും​പെ​ട്ട് ദി​വ​സ​വും പ​രി​ക്കേ​ൽ​ക്കു​ന്ന​വ​ർ എ​ത്തു​ന്ന​ത് ഈ ​ആ​ശു​പ​ത്രി​യി​ലാ​ണ്. ദി​വ​സ​വും ശ​രാ​ശ​രി 1200 പേ​ർ അ​ത്യാ​ഹി​ത​വി​ഭാ​ഗ​ത്തി​ൽ ഇ​വി​ടെ ചി​കി​ത്സ​ക്ക് എ​ത്തു​ന്നു​ണ്ട്. എ​പ്പോ​ഴും തി​ര​ക്ക് അ​നു​ഭ​വ​പ്പെ​ടു​ന്ന അ​ത്യാ​ഹി​ത​വി​ഭാ​ഗ​ത്തി​ൽ ഡോ​ക്ട​ർ​മാ​രു​ടെ കു​റ​വ് ഗൗ​ര​വ​ത​ര​മാ​ണ്.

സ്ഥി​രം ഉ​ൾ​പ്പെ​ടെ മു​മ്പ് ആ​വ​ശ്യ​ത്തി​ന് ഡോ​ക്ട​ർ​മാ​ർ ഈ ​വി​ഭാ​ഗ​ത്തി​ലു​ണ്ടാ​യി​രു​ന്നു. എ​ല്ലാ​വി​ഭാ​ഗ​ത്തി​ലു​മാ​യി പ​തി​ന​ഞ്ചി​ല​ധി​കം ഡോ​ക്ട​ർ​മാ​രു​ടെ സേ​വ​നം അ​ത്യാ​ഹി​ത​ത്തി​ൽ ല​ഭി​ച്ചി​രു​ന്നു. എ​ന്നാ​ൽ താ​ൽ​ക്കാ​ലി​ക നി​യ​മ​ന​ത്തി​ലു​ണ്ടാ​യി​രു​ന്ന ഭൂ​രി​ഭാ​ഗം ഡോ​ക്ട​ർ​മാ​രും മ​റ്റ് ആ​ശു​പ​ത്രി​ക​ളി​ലേ​ക്ക് പോ​യ​താ​ണ് പ്ര​ശ്നം സൃ​ഷ്ടി​ക്കു​ന്ന​ത്. ഈ ​കു​റ​വ് പ​രി​ഹ​രി​ക്കാ​ൻ ആ​രോ​ഗ്യ​വ​കു​പ്പി​നോ ആ​ശു​പ​ത്രി മാ​നേ​ജ്മ​ന്‍റെ് ക​മ്മി​റ്റി​ക്കോ ക​ഴി​ഞ്ഞി​ട്ടി​ല്ല.

താ​ൽ​ക്കാ​ലി​ക​മാ​യി എ​ടു​ക്കു​ന്ന ഡോ​ക്ട​ർ​മാ​ർ​ക്ക് എ​ച്ച്.​എം.​എ​സി​യാ​ണ് വേ​ത​നം ന​ൽ​കു​ന്ന​ത്. ആ​ക​ർ​ഷ​ണീ​യ​മാ​യ വേ​ത​നം ഇ​ല്ലാ​ത്ത​ത് കാ​ര​ണം ജോ​ലി ഉ​പേ​ക്ഷി​ച്ചു​പോ​യ ഡോ​ക്ട​ർ​മാ​രു​മു​ണ്ട്. ഹൈ​ടെ​ക് ആ​ശു​പ​ത്രി​യാ​യ​തോ​ടെ വൈ​ദ്യു​തി ചാ​ർ​ജ് അ​ട​ക്കം ഭീ​മ​മാ​യി ചെ​ല​വ് ഉ​യ​ർ​ന്ന​തി​ന​നു​രി​ച്ച് വ​രു​മാ​ന​വ​ർ​ധ​ന​യി​ല്ല. ഇ​തു​കാ​ര​ണം ആ​ക​ർ​ഷ​ക​മാ​യ വേ​ത​നം ന​ൽ​കാ​ൻ എ​ച്ച്.​എം.​സി​ക്ക് ക​ഴി​യു​ന്നി​ല്ലെ​ന്നാ​ണ് ആ​ശു​പ​ത്രി അ​ധി​കൃ​ത​ർ പ​റ​യു​ന്ന​ത്. താ​ൽ​ക്കാ​ലി​ക ഡോ​ക്ട​ർ​മാ​ർ​ക്കാ​യി ര​ണ്ടു​ത​വ​ണ അ​പേ​ക്ഷ ക്ഷ​ണി​ച്ചെ​ങ്കി​ലും ആ​രും എ​ത്തി​യി​ല്ല.

ഇ​പ്പോ​ൾ ഒ.​പി​യി​ൽ സേ​വ​നം ചെ​യ്യേ​ണ്ട ഡോ​ക്ട​ർ​മാ​രെ ഉ​ൾ​പ്പെ​ടു​ത്തി​യാ​ണ് അ​ത്യാ​ഹി​ത വി​ഭാ​ഗം പ്ര​വ​ർ​ത്തി​ക്കു​ന്ന​ത്. ഇ​തു​കാ​ര​ണം ഒ.​പി​യി​ൽ എ​ത്തു​ന്ന രോ​ഗി​ക​ൾ​ക്കും സ​മ​യ​ത്തി​ന് ചി​കി​ത്സ ല​ഭി​ക്കു​ന്നി​ല്ല. ഡോ​ക്ട​ർ​മാ​രു​ടെ കു​റ​വ് ആ​ശു​പ​ത്രി അ​ധി​കൃ​ത​ർ ആ​രോ​ഗ്യ​വ​കു​പ്പ് അ​ധി​കൃ​ത​രെ ഉ​ൾ​പ്പെ​ടെ പ​ല​ത​വ​ണ അ​റി​യി​ച്ചി​ട്ടും ഫ​ല​മു​ണ്ടാ​യി​ല്ല. 

മ​ന്ത്രി​യു​ടെ ഉ​റ​പ്പും പാ​ഴാ​യി; ഹൃ​ദ്രോ​ഗ വി​ദ​ഗ്ധ​ൻ എ​ത്തി​യി​ല്ല

പു​ന​ലൂ​ർ: പു​ന​ലൂ​ർ താ​ലൂ​ക്ക് ആ​ശു​പ​ത്രി​യി​ൽ അ​ടി​യ​ന്ത​ര​മാ​യി ഹൃ​ദ്രോ​ഗ വി​ദ​ഗ്ധ​നെ നി​യ​മി​ക്കു​മെ​ന്ന ആ​രോ​ഗ്യ​മ​ന്ത്രി​യു​ടെ ഉ​റ​പ്പും പാ​ലി​ച്ചി​ല്ല. ര​ണ്ടു​വ​ർ​ഷം മു​മ്പ് ഇ​വി​ടെ കാ​ർ​ഡി​യോ​ള​ജി വി​ഭാ​ഗം ആ​രോ​ഗ്യ​വ​കു​പ്പ് അ​നു​വ​ദി​ച്ചി​രു​ന്നു. ഇ​തി​നാ​വ​ശ്യ​മാ​യ സം​വി​ധാ​ന​വും ആ​ശു​പ​ത്രി​യി​ൽ ഒ​രു​ക്കി. എ​ന്നാ​ൽ, സാ​ങ്കേ​തി​ക കാ​ര​ണ​ങ്ങ​ളാ​ൽ ഡോ​ക്ട​ർ എ​ത്തി​യി​ല്ല. സാ​ങ്കേ​തി​ക പ്ര​ശ്ന​ങ്ങ​ൾ പ​രി​ഹ​രി​ച്ച് ക​ഴി​ഞ്ഞ ന​വം​ബ​റി​ൽ ഉ​ത്ത​ര​വ് ഇ​റ​ങ്ങി​യെ​ങ്കി​ലും ഫ​ല​മു​ണ്ടാ​യി​ല്ല. ഇ​ക്ക​ഴി​ഞ്ഞ ന​വം​ബ​ർ 13ന് ​ആ​ശു​പ​ത്രി​യി​ൽ എ​ത്തി​യ മ​ന്ത്രി വീ​ണാ ജോ​ർ​ജി​നോ​ട് പി.​എ​സ്. സു​പാ​ൽ എം.​എ​ൽ.​എ അ​ട​ക്കം ഇ​ത് ചൂ​ണ്ടി​ക്കാ​ട്ടി. വ​ർ​ക്കി​ങ് അ​റേ​ഞ്ച്​​മെൻറി​ൽ ഡോ​ക്ട​റെ ഉ​ട​ൻ നി​യ​മി​ക്കു​മെ​ന്നും മ​ന്ത്രി ഉ​റ​പ്പു​ന​ൽ​കി. ഒ​പ്പ​മു​ണ്ടാ​യി​രു​ന്ന വ​കു​പ്പ് ഉ​ന്ന​ത​അ​ധി​കൃ​ത​ർ​ക്ക് ഇ​തി​നു​ള്ള നി​ർ​ദേ​ശ​വും അ​പ്പോ​ൾ​ത്ത​ന്നെ മ​ന്ത്രി ന​ൽ​കി. എ​ന്നാ​ൽ, ഒ​രു​മാ​സം ക​ഴി​ഞ്ഞി​ട്ടും ഇ​വി​ടെ ഡോ​ക്ട​ർ എ​ത്തി​യി​ല്ല. ദി​വ​സ​വും നി​ര​വ​ധി ആ​ളു​ക​ളാ​ണ് പെ​ട്ടെ​ന്നു​ള്ള ആ​ഘാ​തം ഉ​ൾ​പ്പെ​ടെ ഹൃ​ദ്രോ​ഗ​ചി​കി​ത്സ​ക്ക് ഇ​വി​ടെ എ​ത്തു​ന്ന​ത്. പ്രാ​ഥ​മി​ക ചി​കി​ത്സ ന​ൽ​കി മ​റ്റ് ആ​ശു​പ​ത്രി​ക​ളി​ലേ​ക്ക് പ​റ​ഞ്ഞു​വി​ടു​ക​യാ​ണ് പ​തി​വ്. ഈ ​ആ​ശു​പ​ത്രി​യി​ൽ എ​ത്തി​യി​ട്ടും മ​തി​യാ​യ ചി​കി​ത്സ സ​മ​യ​ത്തി​ന്കി​ട്ടാ​തെ ജീ​വ​ൻ വെ​ടി​ഞ്ഞ പ​ല​രു​മു​ണ്ട്.