കേ​ര​ള​ത്തി​ൽ ഇ​നി പി​ടി​കി​ട്ടാ​ൻ ര​ണ്ട് മാ​വോ​വാ​ദി​ക​ൾ മാ​ത്രം

ക​ൽ​പ​റ്റ: വ​യ​നാ​ട് സ്വ​ദേ​ശി​യാ​യ മാ​വോ​വാ​ദി നേ​താ​വ് സോ​മ​ൻ തീ​വ്ര​വാ​ദ​വി​രു​ദ്ധ സേ​ന​യു​ടെ (എ.​ടി.​എ​സ്) പി​ടി​യി​ലാ​യ​തോ​ടെ ഇ​നി കേ​ര​ള​ത്തി​ൽ അ​വ​ശേ​ഷി​ക്കു​ന്ന​ത് ര​ണ്ട് മാ​വോ​വാ​ദി​ക​ൾ. ഷൊ​ർ​ണൂ​ർ റെ​യി​ൽ​വേ സ്റ്റേ​ഷ​ൻ പ​രി​സ​ര​ത്തു​നി​ന്ന് ശ​നി​യാ​ഴ്ച രാ​ത്രി 11ഓ​ടെ​യാ​ണ് വ​യ​നാ​ട് നാ​ടു​കാ​ണി ദ​ളം ക​മാ​ൻ​ഡ​റാ​യ സോ​മ​ൻ പി​ടി​യി​ലാ​കു​ന്ന​ത്.

മാ​വോ​വാ​ദി​ക​ളു​ടെ വ​യ​നാ​ട് -ക​ണ്ണൂ​ർ പ്ര​ദേ​ശ​ങ്ങ​ളി​ലെ വി​ഭാ​ഗ​മാ​യ ക​ബ​നീ​ദ​ള​ത്തി​ന്റെ നേ​താ​വാ​യ സി.​പി. മൊ​യ്തീ​ൻ, ത​മി​ഴ്നാ​ട് സ്വ​ദേ​ശി​യാ​യ സ​ന്തോ​ഷ് എ​ന്നി​വ​രാ​ണ് ഇ​നി ശേ​ഷി​ക്കു​ന്ന​വ​ർ. പ​ശ്ചി​മ​ഘ​ട്ട​ത്തി​ലെ പീ​പ്പി​ൾ​സ് ലി​ബ​റേ​ഷ​ൻ ഗ​റി​ല്ല ആ​ർ​മി​യി​ലു​ള്ള​വ​രാ​ണ് ഇ​വ​രെ​ന്നാ​ണ് പൊ​ലീ​സ് പ​റ​യു​ന്ന​ത്. 2012ലാ​ണ് വ​യ​നാ​ട്ടി​ൽ മാ​വോ​വാ​ദി സാ​ന്നി​ധ്യം പൊ​ലീ​സ് സ്ഥി​രീ​ക​രി​ക്കു​ന്ന​ത്. വി​ക്രം ഗൗ​ഡ​യു​ടെ നേ​തൃ​ത്വ​ത്തി​ലാ​യി​രു​ന്നു പ്ര​വ​ർ​ത്ത​നം. പൊ​ലീ​സ് ന​ട​പ​ടി​ക​ൾ ഊ​ർ​ജി​ത​മാ​യ​തോ​ടെ ഇ​യാ​ൾ ക​ർ​ണാ​ട​ക​യി​ലേ​ക്ക് ക​ട​ന്നു.

പി​ന്നീ​ട് സി.​പി. മൊ​യ്തീ​ന്റെ കീ​ഴി​ൽ എ​ട്ടം​ഗ സം​ഘ​മാ​ണ് ഉ​ണ്ടാ​യി​രു​ന്ന​ത്. ഇ​തി​ൽ ക​ർ​ണാ​ട​ക സ്വ​ദേ​ശി​യാ​യ സു​രേ​ഷ് കാ​ട്ടാ​ന​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ​തോ​ടെ അ​ധി​കൃ​ത​ർ​ക്ക് മു​ന്നി​ൽ കീ​ഴ​ട​ങ്ങി. 2018ൽ ​വൈ​ത്തി​രി ഉ​പ​വ​ൻ റി​സോ​ർ​ട്ടി​ൽ പൊ​ലീ​സി​ന്റെ വെ​ടി​യേ​റ്റ് മൊ​യ്തീ​ന്റെ സ​ഹോ​ദ​ര​നാ​യ സി.​പി. ജ​ലീ​ലും തു​ട​ർ​ന്ന് പ​ടി​ഞ്ഞാ​റ​ത്ത​റ വാ​ളാ​രം​കു​ന്നി​ൽ​വെ​ച്ച് വേ​ൽ​മു​രു​ക​നും കൊ​ല്ല​പ്പെ​ട്ടു. കു​പ്പു ദേ​വ​രാ​ജ്, അ​ജി​ത എ​ന്നി​വ​രെ നി​ല​മ്പൂ​ർ ക​രു​ളാ​യി വ​ന​ത്തി​ൽ പൊ​ലീ​സ് വെ​ടി​വെ​ച്ചു​കൊ​ന്നു. ല​ത​യും സ​നോ​ജും കാ​ട്ടാ​ന​ക​ളു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ടു. ക​വി​ത 2023ൽ ​ക​ണ്ണൂ​രി​ലെ ഇ​രു​ട്ടി​ക്ക​ടു​ത്ത് പൊ​ലീ​സ് വെ​ടി​വെ​പ്പി​ൽ കൊ​ല്ല​പ്പെ​ട്ടു. ജി​ഷ, ജ​യ​ണ്ണ എ​ന്നി​വ​ർ ക​ർ​ണാ​ട​ക​യി​ലേ​ക്ക് ക​ട​ന്നു​വെ​ന്നും ക​രു​തു​ന്നു.

ക​ഴി​ഞ്ഞ ജൂ​ലൈ 18ന് ​തൃ​ശൂ​രി​ൽ പി​ടി​യി​ലാ​യ മ​നോ​ജ് എ​ന്ന ആ​ശി​ഖി​ൽ​നി​ന്ന് കി​ട്ടി​യ വി​വ​ര​ത്തി​ന്റെ അ​ടി​സ്ഥാ​ന​ത്തി​ലാ​ണ് സോ​മ​ൻ പി​ടി​യി​ലാ​കു​ന്ന​ത്. ക​ഴി​ഞ്ഞ ജൂ​ൺ 25ന് ​മാ​ന​ന്ത​വാ​ടി ത​ല​പ്പു​ഴ മ​ക്കി​മ​ല​യി​ലെ ക​മ്പ​മ​ല​യി​ൽ മാ​വോ​ദി​ക​ൾ സ്ഥാ​പി​ച്ച കു​ഴി​ബോം​ബ് പൊ​ലീ​സ് ക​ണ്ടെ​ത്തി​യ​താ​യി​രു​ന്നു ഒ​ടു​വി​ല​ത്തെ മാ​വോ​വാ​ദി സം​ഭ​വം. ഞാ​യ​റാ​ഴ്ച പി​ടി​യി​ലാ​യ സോ​മ​ൻ ക​ൽ​പ​റ്റ ചു​ഴ​ലി സ്വ​ദേ​ശി​യാ​ണ്. ക​ൽ​പ​റ്റ ഗ​വ. കോ​ള​ജി​ൽ പ്രീ​ഡി​ഗ്രി​ക്ക് പ​ഠി​ക്കു​മ്പോ​ൾ എ.​ബി.​വി.​പി​യി​ലാ​ണ് പ്ര​വ​ർ​ത്തി​ച്ച​ത്. പ​ഠ​ന​ശേ​ഷം പു​സ്ത​ക വി​ൽ​പ​ന ന​ട​ത്തി.

തു​ട​ർ​ന്ന്, 2007ൽ ​ക​ൽ​പ​റ്റ ആ​സ്ഥാ​ന​മാ​യി ‘ഞാ​യ​റാ​ഴ്ച പ​ത്രം’ എ​ന്ന പേ​രി​ൽ നാ​ലു​പേ​ജു​ള്ള പ്ര​സി​ദ്ധീ​ക​ര​ണം ന​ട​ത്തി. ചി​ട്ടി ക​മ്പ​നി​യാ​യ ‘മാ​രു​തി ചി​റ്റ്സി’​നെ​തി​രെ വാ​ർ​ത്ത​ക​ൾ ന​ൽ​കി​യ​തോ​ടെ സോ​മ​നെ​തി​രെ വി​വി​ധ​യി​ട​ങ്ങ​ളി​ൽ സ്ഥാ​പ​നം കേ​സ് കൊ​ടു​ക്കു​ക​യും ജ​യി​ലി​ലാ​കു​ക​യും ചെ​യ്തു. ഏ​റെ പേ​രെ വ​ഞ്ചി​ച്ച വ​യ​നാ​ട് ആ​സ്ഥാ​ന​മാ​യ ‘മാ​രു​തി ചി​റ്റ്സ്’ പി​ന്നീ​ട് പൂ​ട്ടി​പ്പോ​യി. ജ​യി​ൽ മോ​ചി​ത​നാ​യ​ശേ​ഷം ‘പോ​രാ​ട്ടം’ സം​ഘ​ട​ന​യി​ൽ പ്ര​വ​ർ​ത്തി​ച്ച സോ​മ​ൻ 2010ലാ​ണ് മാ​വോ​വാ​ദി സം​ഘ​ട​ന​യി​ൽ ചേ​ർ​ന്ന​തും വീ​ട് വി​ടു​ന്ന​തും.