മേപ്പാടി ടൗണിൽ തുറന്ന പീപ്ൾസ് ഫൗണ്ടേഷൻ ദുരിതാശ്വാസ സെൽ
മേപ്പാടി: ചൂരൽമല, മുണ്ടക്കൈ ഉരുൾപൊട്ടലിൽ ദുരിതമനുഭവിക്കുന്നവരെ സഹായിക്കുന്നതിനുള്ള പീപ്ൾസ് ഫൗണ്ടേഷന്റെ ദുരിതാശ്വാസ സെൽ മേപ്പാടിയിൽ പ്രവർത്തനമാരംഭിച്ചു. ജമാഅത്തെ ഇസ്ലാമി കേരള അമീർ പി. മുജീബുറഹ്മാൻ ഉദ്ഘാടനം ചെയ്തു. സംസ്ഥാനത്തിന്റെ വിവിധ ഭാഗങ്ങളിൽനിന്നെത്തുന്ന അവശ്യസാധനങ്ങൾ ശേഖരിക്കാനും വേർതിരിക്കാനും വിതരണം ചെയ്യാനുമുള്ള സൗകര്യം, ആംബുലൻസ്, വളന്റിയർ സേവനം, ദുരിതാശ്വാസ ക്യാമ്പുകൾക്കാവശ്യമായ മറ്റു സൗകര്യങ്ങൾ, മെഡിക്കൽ, നിയമ സഹായങ്ങൾ എന്നിവ സെല്ലിൽ ലഭ്യമാക്കും. ജമാഅത്തെ ഇസ്ലാമി സംസ്ഥാന സെക്രട്ടറി ശിഹാബ് പൂക്കോട്ടൂർ, സോളിഡാരിറ്റി സംസ്ഥാന പ്രസിഡന്റ് സി.ടി. ശുഹൈബ്, ടി.പി. സാലിഹ്, വി.പി. റാഷിദ്, ടി.പി. യൂനുസ്, സി.കെ. ഷമീർ തുടങ്ങിയവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.