പ്രിയങ്ക ഇന്ന് പത്രിക നൽകും; റോഡ് ഷോ ആഘോഷമാക്കാൻ കോൺഗ്രസ്

ക​ൽ​പ​റ്റ: വ​യ​നാ​ട് ലോ​ക്സ​ഭ ഉ​പ​തെ​ര​ഞ്ഞെ​ടു​പ്പി​ലെ യു.​ഡി.​എ​ഫ് സ്ഥാ​നാ​ർ​ഥി എ.ഐ.സി.സി ജനറൽ സെക്രട്ടറി പ്രി​യ​ങ്ക ഗാ​ന്ധി ഇന്ന് പ​ത്രി​ക സ​മ​ർ​പ്പി​ക്കും. രണ്ട് കിലോമീറ്റര്‍ റോഡ് ഷോ നടത്തിയ ശേഷമാകും പ്രിയങ്ക പത്രിക സമര്‍പ്പിക്കുക. റോ​ഡ് ഷോ​യി​ൽ പ്രി​യ​ങ്ക ഗാ​ന്ധി, സോ​ണി​യ ഗാ​ന്ധി, രാ​ഹു​ൽ ഗാ​ന്ധി എ​ന്നി​വ​ർ പ​​ങ്കെ​ടു​ക്കും. കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യും എ​ത്തും.

ക​ൽ​പ​റ്റ പു​തി​യ ബ​സ് സ്റ്റാ​ൻ​ഡ് പ​രി​സ​ര​ത്തു​നി​ന്ന് രാ​വി​​ലെ 10.30നാ​ണ് റോ​ഡ് ഷോ ​തു​ട​ങ്ങു​ക. തു​ട​ർ​ന്ന് ക​ല​ക്ട​റേ​റ്റി​ലെ​ത്തി വ​ര​ണാ​ധി​കാ​രി​യാ​യ ജി​ല്ല ക​ല​ക്ട​ർ​ക്ക് പ​ത്രി​ക ന​ൽ​കും. ക​ർ​ണാ​ട​ക മു​ഖ്യ​മ​ന്ത്രി സി​ദ്ദ​രാ​മ​യ്യ, തെ​ല​ങ്കാ​ന മു​ഖ്യ​മ​ന്ത്രി രേ​വ​ന്ദ് റെ​ഡ്ഡി, ഹി​മാ​ച​ൽ പ്ര​ദേ​ശ് മു​ഖ്യ​മ​ന്ത്രി സു​ഖ് വി​ന്ദ​ർ സി​ങ് സു​ഖു എ​ന്നി​വ​രും പ​​ങ്കെ​ടു​ക്കും. 

ദേശീയ രാഷ്ട്രീയത്തിൽ കോൺഗ്രസിന്‍റെ കരുത്തുറ്റ നേതാവായ പ്രിയങ്ക ആദ്യമായി തെരഞ്ഞെടുപ്പിനെ നേരിടുന്ന പശ്ചാത്തലത്തിൽ നിരവധി ദേശീയ നേതാക്കളും ഉത്തരേന്ത്യയിൽ നിന്നുള്ള പ്രവർത്തകരും വരുംനാളുകളിൽ വയനാട്ടിൽ കേന്ദ്രീകരിക്കും. 10 ദിവസം പ്രിയങ്ക മണ്ഡലത്തില്‍ പ്രചാരണം നടത്തും. വിവിധ സംസ്ഥാനങ്ങളിലെ കോണ്‍ഗ്രസ് മുഖ്യമന്ത്രിമാരും ദേശീയ, സംസ്ഥാന നേതാക്കളും എത്തും.

2019ലും ​ക​ഴി​ഞ്ഞ ത​വ​ണ​യും രാ​ഹു​ലി​ന്റെ പ്ര​ചാ​ര​ണ​ത്തി​നാ​യി നി​ര​വ​ധി ത​വ​ണ പ്രിയങ്ക വ​യ​നാ​ട്ടി​ൽ എ​ത്തി​യിരുന്നു. ഇത്തവണ സ്ഥാനാർഥിയായി എത്തിയതോടെ പ്രവർത്തകർ ഏറെ ആവേശത്തിലാണ്. 2019ൽ ​വ​യ​നാ​ട്ടി​ൽ മത്സരിച്ച സ​ഹോ​ദ​ര​ൻ രാ​ഹു​ൽ ഗാ​ന്ധി 4,31,770 എ​ന്ന കേ​ര​ള​ത്തി​ലെ റെ​ക്കോ​ഡ് ഭൂ​രി​പ​ക്ഷ​ത്തി​നാ​ണ് വി​ജ​യി​ച്ച​ത്. പ​ക്ഷേ, ക​ഴി​ഞ്ഞ ത​വ​ണ സി.​പി.​ഐ​യു​ടെ ദേ​ശീ​യ നേ​താ​വ് ആ​നി രാ​ജ വ​ന്ന​തോ​ടെ രാ​ഹു​ലി​ന്റെ ഭൂ​രി​പ​ക്ഷം 3,64,422 ആ​യി കു​റ​ഞ്ഞു. ഇ​ത്ത​വ​ണ ഉ​പ​തെ​ര​ഞ്ഞെ​ടു​പ്പി​ൽ പ്രി​യ​ങ്ക ഗാ​ന്ധി​ക്ക് അ​ഞ്ചു​ല​ക്ഷ​ത്തി​ൽ ക​വി​ഞ്ഞ ഭൂ​രി​പ​ക്ഷം കി​ട്ടു​മെ​ന്നാ​ണ് യു.​ഡി.​എ​ഫി​ന്റെ അ​വ​കാ​ശ​വാ​ദം.

സി.പി.ഐയുടെ സത്യന്‍ മൊകേരിയാണ് വയനാട്ടില്‍ ഇടതുമുന്നണി സ്ഥാനാര്‍ഥി. രാഹുല്‍ ഗാന്ധിക്കെതിരെ മത്സരിച്ച ആനി രാജ ഇത്തവണ മത്സരിക്കാനില്ലെന്ന് നേരത്തേ വ്യക്തമാക്കിയിരുന്നു. നവ്യ ഹരിദാസാണ് ബി.ജെ.പി സ്ഥാനാര്‍ഥി. വയനാട്‌ ലോക്‌സഭാ മണ്ഡലത്തിലേക്കും പാലക്കാട്‌, ചേലക്കര നിയമസഭ മണ്ഡലങ്ങളിലേക്കും നവംബർ 13നാണ് ഉപതെരഞ്ഞെടുപ്പ്‌. നവംബർ 23ന്‌ വോട്ടെണ്ണും.