പാലക്കാട്: യു.ഡി.എഫ് സ്ഥാനാർഥി രാഹുൽ മാങ്കൂട്ടത്തിലിനെ പിന്തുണച്ച പി.വി അൻവറിന്റെ നടപടി സ്വാഗതം ചെയ്യുന്നുവെന്നും ആ നീക്കം തനിക്ക് ഏറെ ആത്മവിശ്വാസം നൽകിയെന്നും എൽ.ഡി.എഫ് സ്വതന്ത്രൻ പി.സരിൻ.
യു.ഡി.എഫിലെത്താൻ അൻവർ ഏത് വഴിയും സ്വീകരിക്കും. സരിൻ ആരാണെന്നും അൻവറാരാണെന്നും ജനങ്ങൾക്ക് അറിയാമെന്നും അൻവറിന്റെ പിന്തുണ രാഹുൽ മാങ്കൂട്ടത്തിലിന് കിട്ടാവുന്ന ഏറ്റവും വലിയ നെഗറ്റീവ് ഹിറ്റാണെന്നും സരിൻ കൂട്ടിച്ചേർത്തു.
സരിൻ പത്രിക സമർപ്പിക്കുന്നതിന് മുന്നോടിയായി കെ.കരുണാകരന്റെയും പത്നി കല്യാണിക്കുട്ടിയമ്മയുടെയും സ്മൃതി മന്ദിരങ്ങൾ സന്ദർശിച്ചു.
അതേസമയം, അൻവറിന്റെ പിന്തുണയിൽ സന്തോഷമുണ്ടെന്ന് യു.ഡി.എഫ് സ്ഥാനാർഥി രാഹുൽ മാങ്കൂട്ടത്തിൽ പ്രതികരിച്ചു. വർഗീയ ശക്തികളെ പരാജയപ്പെടുത്താൻ എല്ലാവരുടെയും പിന്തുണ ആവശ്യമാണെന്നും രാഹുൽ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.