റെയിൽവേ: സ​ബ്​​സി​ഡി വെ​ട്ടാ​ൻ നീ​ക്കം

തി​രു​വ​ന​ന്ത​പു​രം: പാ​ർ​ല​മെ​ന്‍റ്​ സ്റ്റാ​ൻ​ഡി​ങ്​ ക​മ്മി​റ്റി റി​പ്പോ​ർ​ട്ടി​ന്‍റെ ചു​വ​ടു​പി​ടി​ച്ച്​ യാ​​​ത്രാ സ​ബ്​​സി​ഡി പു​നഃ​പ​രി​ശോ​ധി​ക്കാ​ൻ റെ​യി​ൽ​വേ. ഇ​തോ​ടെ, ടി​ക്ക​റ്റ്​ നി​ര​ക്ക്​ ഉ​യ​രാ​നു​ള്ള സാ​ഹ​ച​ര്യ​ത്തി​ന്​​ ക​ള​മൊ​രു​ങ്ങു​ന്നു. നി​ല​വി​ൽ ​ആ​കെ ടി​ക്ക​റ്റ്​ നി​ര​ക്കി​ന്‍റെ 47 ശ​ത​മാ​ന​മാ​ണ്​ സ​ബ്​​സി​ഡി​യാ​യി റെ​യി​ൽ​വേ വ​ഹി​ക്കു​ന്ന​ത്.

യാ​ത്ര​ക്കാ​രി​ൽ​നി​ന്ന്​ ഈ​ടാ​ക്കു​ന്ന​ത്​ ശേ​ഷി​ക്കു​ന്ന 53 ശ​ത​മാ​ന​വും. ഇ​ത്ത​രം സാ​മൂ​ഹി​ക​ബാ​ധ്യ​ത​ക​ൾ ക​ന​ത്ത ഭാ​ര​മാ​കു​ന്നു​വെ​ന്ന വി​ല​യി​രു​ത്ത​ലി​ലാ​ണ്​ സ​ബ്​​സി​ഡി നി​ര​ക്കു​ക​ളി​ലെ പു​നഃ​പ​രി​ശോ​ധ​ന​ക്ക്​ റെ​യി​ൽ​വേ ത​യാ​റെ​ടു​ക്കു​ന്ന​ത്. സ​ബ്​​സി​ഡി​യി​ൽ കു​റ​വ്​ വ​രു​ത്തി​യാ​ൽ അ​ത്​ പ്ര​തി​ഫ​ലി​ക്കു​ക ടി​ക്ക​റ്റ്​ നി​ര​ക്കി​ലാ​കും.

2022-23 സാ​മ്പ​ത്തി​ക വ​ർ​ഷ​ത്തെ റെ​യി​ൽ​വേ​യു​ടെ സാ​മൂ​ഹി​ക സേ​വ​ന ബാ​ധ്യ​ത 40,190 കോ​ടി രൂ​പ​യാ​ണെ​ന്നും ലാ​ഭ​ക​ര​മ​ല്ലാ​ത്ത പ്ര​വ​ർ​ത്ത​ന​ങ്ങ​ളും ഇ​ക്കൂ​ട്ട​ത്തി​ലു​ണ്ടെ​ന്നും ഇ​ക്കാ​ര്യം പ​രി​ശോ​ധി​ക്ക​ണ​മെ​ന്നും ഡി​സം​ബ​ർ ആ​ദ്യം സ​മ​ർ​പ്പി​ച്ച റി​പ്പോ​ർ​ട്ടി​ൽ സ്റ്റാ​ൻ​ഡി​ങ്​ ക​മ്മി​റ്റി ചൂ​ണ്ടി​ക്കാ​ട്ടി​യി​രു​ന്നു. ഇ​താ​ണ്​ റെ​യി​ൽ​വേ പി​ടി​വ​ള്ളി​യാ​ക്കു​ന്ന​തും.

സ​ബ്​​സി​ഡി അ​നു​വ​ദി​ക്കു​​ന്നെ​ന്ന്​ അ​വ​കാ​ശ​പ്പെ​ടു​മ്പോ​ൾ ത​ന്നെ സ്​​പെ​ഷ​ൽ-​ഫ്ല​ക്സി ഫെ​യ​റി​ലും ത​ത്​​ക്കാ​ൽ നി​ര​ക്കി​ലും യാ​ത്ര​ക്കാ​രെ റെ​യി​ൽ​വേ പി​ഴി​യു​ക​യാ​ണ്. ഇ​തി​നൊ​പ്പം സ​ബ്​​സി​ഡി കൂ​ടി വെ​ട്ടി​ക്കു​റ​ച്ചാ​ൽ യാ​ത്ര​ക്കാ​ർ​ക്ക്​ വ​ലി​യ തി​രി​ച്ച​ടി​യാ​കും.

ഏ​താ​നും വ​ർ​ഷ​ങ്ങ​ളാ​യി റെ​യി​ൽ​വേ ടി​ക്ക​റ്റു​ക​ളി​ൽ ചാ​ർ​ജി​നൊ​പ്പം ആ​കെ യാ​ത്രാ​ച്ചെ​ല​വും സ​ർ​ക്കാ​ർ വ​ഹി​ക്കു​ന്ന സ​ബ്സി​ഡി നി​ര​ക്കും കൂ​ടി രേ​ഖ​പ്പെ​ടു​ത്തു​ന്നു​ണ്ട്. ഓ​രോ റെ​യി​ൽ​വേ യാ​ത്ര​ക്കാ​ര​നും സ​ർ​ക്കാ​ർ ചെ​ല​വ​ഴി​ക്കു​ന്ന തു​ക​യും ഇ​തു​വ​ഴി​യു​ള്ള ‘ഭാ​ര’​വും വ്യ​ക്ത​മാ​ക്കു​ക​യാ​ണ് ല​ക്ഷ്യം. നി​ര​ക്കു​വ​ർ​ധ​ന​ക്ക് അ​നു​കൂ​ല​മാ​യ സാ​ഹ​ച​ര്യ​മൊ​രു​ക്കാ​നാ​ണ്​ റെ​യി​ൽ​വേ​യു​ടെ നീ​ക്ക​മെ​ന്ന്​ അ​ന്നേ ആ​ക്ഷേ​പ​മു​യ​ർ​ന്നി​രു​ന്നു.

അ​തേ​സ​മ​യം, യാ​ത്ര​ക്കാ​ർ​ക്കു​ള്ള സ​ബ്സി​ഡി​യു​ൾ​പ്പെ​ടെ ന​ൽ​കു​ക വ​ഴി ന​ഷ്​​ടം പ​രി​ഹ​രി​ക്കു​ന്ന​ത് ച​ര​ക്കു​നീ​ക്ക​ത്തി​ലെ ക്രോ​സ്​ സ​ബ്സി​ഡി​യി​ലൂ​ടെ​യാ​ണെ​ന്നാ​ണ്​ റെ​യി​ൽ​വേ വാ​ദം. ടി​ക്ക​റ്റ്​ ഇ​ന​ത്തി​ലെ ന​ഷ്ട​ത്തി​ന്​ പു​റ​മെ, പാ​ർ​സ​ൽ ചാ​ർ​ജ്, ല​ഗേ​ജ്, ത​പാ​ൽ, കാ​റ്റ​റി​ങ്​ സേ​വ​ന​ങ്ങ​ൾ, സ​ബ​ർ​ബെ​ൻ സേ​വ​ന​ങ്ങ​ൾ എ​ന്നി​വ​യും ന​ഷ്ട​മാ​ണെ​ന്നാ​ണ്​ റെ​യി​​ൽ​വേ​യു​ടെ വി​ല​യി​രു​ത്ത​ൽ. ഇ​ത​ട​ക്കം ന​ഷ്ട​ങ്ങ​ൾ കു​റ​ക്കു​ന്ന​തി​ന്​ റെ​യി​ൽ​വേ സ​മ​ഗ്ര പു​നഃ​പ​രി​ശോ​ധ​ന ന​ട​ത്ത​ണ​മെ​ന്ന ശി​പാ​ർ​ശ സ്റ്റാ​ൻ​ഡി​ങ്​ ക​മ്മി​റ്റി റി​പ്പോ​ർ​ട്ട്​ മു​ന്നോ​ട്ടു​വെ​ച്ചി​രു​ന്നു. 

ടി​ക്ക​റ്റ്​ വരുമാന വ​ർ​ധ​ന 57 ശ​ത​മാ​നം

ന​ഷ്ട​മെ​ന്ന്​ റെ​യി​ൽ​വേ ആ​വ​ർ​ത്തി​ക്കു​മ്പോ​ഴും മു​ൻ​വ​ർ​ഷ​ത്തെ അ​പേ​ക്ഷി​ച്ച്​ 73 ശ​ത​മാ​നം വ​ർ​ധ​ന​യാ​ണ്​ ടി​ക്ക​റ്റ്​ വ​രു​മാ​ന​ത്തി​ലു​ണ്ടാ​യ​ത്. മു​ൻ വ​ർ​ഷം 31,634 കോ​ടി രൂ​പ​യാ​യി​രു​ന്ന വ​രു​മാ​നം ക​ഴി​ഞ്ഞ​വ​ർ​ഷം 54733 കോ​ടി​യാ​യാ​ണ്​ ഉ​യ​ർ​ന്ന​ത്. യാ​ത്ര​ക്കാ​രു​ടെ എ​ണ്ണ​ത്തി​ൽ കാ​ര്യ​മാ​യ വ​ർ​ധ​ന കാ​ണു​ന്നി​ല്ലെ​ങ്കി​ലും വ​രു​മാ​ന​ത്തി​ൽ വ​ർ​ധ​ന​യു​ണ്ടാ​യി.

യാ​ത്രാ​ച്ചെ​ല​വ്​ കൂ​ടി​യെ​ന്നാ​ണ്​ ഈ ​ക​ണ​ക്കു​ക​ൾ അ​ടി​വ​ര​യി​ടു​ന്ന​ത്. 2022 ഏ​പ്രി​ൽ മു​ത​ൽ 2023 ജ​നു​വ​രി വ​രെ​യു​ള്ള ക​ണ​ക്ക​നു​സ​രി​ച്ച്​ റി​സ​ർ​വ്​ ചെ​യ്ത യാ​ത്ര​ക്കാ​രി​ൽ​നി​ന്ന്​ കി​ട്ടി​യ വ​രു​മാ​നം 42945 കോ​ടി​യാ​ണ്. തൊ​ട്ടു മു​ൻ​വ​ർ​ഷം ഇ​തേ കാ​ല​യ​ള​വി​ൽ കി​ട്ടി​യ​ത്​ 29,945 കോ​ടി​യും.

തി​ര​ക്കി​ന​നു​സ​രി​ച്ച്​ ഉ​യ​ർ​ന്ന ഫ്ല​ക്​​സി നി​ര​ക്കി​ലെ ട്രെ​യി​നു​ക​ളി​ലൂ​ടെ 2019 മു​ത​ൽ 2022 ഒ​ക്ടോ​ബ​ർ വ​രെ റെ​യി​ൽ​വേ​യു​ടെ അ​ക്കൗ​ണ്ടി​​ലെ​ത്തി​യ​ത്​ 2442 കോ​ടി​യാ​ണ്. മു​തി​ർ​ന്ന പൗ​ര​ന്മാ​ർ​ക്കു​ള്ള യാ​ത്രാ ഇ​ള​വു​ക​ൾ അ​വ​സാ​നി​പ്പി​ച്ച​തി​ലൂ​ടെ ക​ഴി​ഞ്ഞ നാ​ലു​വ​ർ​ഷ​ത്തി​നി​ടെ, റെ​യി​ൽ​വേ​യു​ടെ ലാ​ഭം 5800 കോ​ടി​യാ​ണ്. കോ​വി​ഡി​ന്‍റെ മ​റ​വി​ൽ മു​തി​ർ​ന്ന പൗ​ര​ന്മാ​രു​ടേ​തു​ൾ​പ്പെ​ടെ 53 ഇ​നം ഇ​ള​വു​ക​ളാ​ണ്​ വെ​ട്ടി​ക്കു​റ​ച്ച​ത്.