കല്പ്പറ്റ: ഉരുള്പൊട്ടല് ദുരന്തമുണ്ടായ മുണ്ടക്കൈ, ചൂരല്മല, പുഞ്ചിരിമട്ടം മേഖലയില് ജീവന്റെ തുടിപ്പ് കണ്ടെത്താൻ റഡാര് പരിശോധന. സ്ഥലത്ത് നിന്ന് ആളുകളെ മാറ്റിയശേഷമാണ് രക്ഷാപ്രവര്ത്തകര് പരിശോധന ഏജന്സി ഉദ്യോഗസ്ഥരും പരിശോധന നടത്തുന്നത്. പുഞ്ചിരിമട്ടത്തെ തെര്മല് ഇമേജ് റഡാര് പരിശോധനക്കുശേഷമാണ് മുണ്ടക്കൈയിൽ പരിശോധന ആരംഭിച്ചത്.
കോൺക്രീറ്റിനുള്ളിലും മറ്റും കുടുങ്ങിയവരെ വേഗത്തിലും കൃത്യമായും കണ്ടെത്താൻ ഇത് വഴി കഴിയും. മുണ്ടക്കൈയില് റഡാറിൽ നിന്നും സിഗ്നല് ലഭിച്ച കെട്ടിടത്തില് പരിശോധന നടത്തുകയാണ്. സിഗ്നല് ലഭിച്ച സ്ഥലം എൻ.ഡി.ആർ.എഫ് കുഴിച്ച് പരിശോധന നടത്തും. ശ്വാസം, അനക്കം തുടങ്ങിയവ ഉള്പ്പെടെ റഡാറില് വ്യക്തമാകും.
കെട്ടിടങ്ങളില് ഇനിയും ആളുകള് കുടുങ്ങികിടക്കുന്നുണ്ടോയെന്ന് കണ്ടെത്താനാണ് റഡാർ പരിശോധന. സിഗ്നല് ലഭിച്ച സ്ഥലത്ത് കെട്ടിടം പകുതി തകര്ന്ന നിലയിലാണുള്ളത്. അതിനാല് തന്നെ വളരെ സൂക്ഷമമായിട്ടാണ് പരിശോധന. കെട്ടിടത്തിനുള്ളില് ആരെങ്കിലും ജീവനോടെ ഉണ്ടോയെന്ന് അറിയാനാണ് പരിശോധന നടത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.