നന്മണ്ട: സ്കൂട്ടർ അപകടത്തിൽ റിട്ട. അധ്യാപകൻ മരിച്ചു. കുട്ടമ്പൂർ മാണിക്യം ചാലിൽ എം.സി അശോകനാണ് (71) മരിച്ചത്. കുട്ടമ്പൂർ ഹൈസ്കൂൾ റിട്ട. അധ്യാപകനും കോക്കല്ലൂർ പറമ്പിൻമുകൾ കെ.ഇ.ടി ബി.എഡ് കോളജ് മാനേജരുമായിരുന്നു.
വെള്ളിയാഴ്ച രാവിലെ കോഴിക്കോട് പി.വി.എസ് ആശുപത്രിക്കടുത്ത് ഇദ്ദേഹം സഞ്ചരിച്ച സ്കൂട്ടറിൽ ബസ് ഇടിച്ചായിരുന്നു അപകടം. പരേതരായ എം.സി ചന്തൻ മാസ്റ്ററുടെയും ദേവിയുടെയും മകനാണ്.
ഭാര്യ: പരേതയായ നർമദ (റിട്ട. പ്രധാനാധ്യാപിക, കാരപ്പറമ്പ് ഗവ. എൽ.പി സ്കൂൾ). മക്കൾ: അഭിരാം, ആത്മാരാം (ഇരുവരും കാനഡ). മരുമക്കൾ: ലെനി കോശി (കോട്ടയം), നിതുഷ (തളിപ്പറമ്പ്). സഹോദരങ്ങൾ: രവീന്ദ്രൻ, സദാനന്ദൻ (റിട്ട. ഡെപ്യൂട്ടി രജിസ്ട്രാർ, സഹകരണ വകുപ്പ്), ശാന്ത (പനങ്ങാട്), പ്ലെയ്മി (റിട്ട. ഡെപ്യൂട്ടി രജിസ്ട്രാർ കാലിക്കറ്റ് യൂനിവേഴ്സിറ്റി), മേഴ്സി (റിട്ട. അസിസ്റ്റന്റ് സെക്രട്ടറി, കാരന്നൂർ സഹകരണ ബാങ്ക്). സംസ്കാരം പിന്നീട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.