സാനിറ്റൈസർ ഉണ്ടാക്കാനുള്ള സ്പിരിറ്റ് തേനിൽ ചേർത്ത് കു​ടി​ച്ച യു​വാ​വ് മരിച്ചു

മൂ​ന്നാ​ർ: ഇടുക്കി ചിത്തിരപുരത്ത് വ്യാജമദ്യം കഴിച്ചതിനെ തുടർന്ന് ചികിത്സയിലായിരുന്ന / മരിച്ചു. ഹോംസ്റ്റേ ജീവനക്കാരൻ കാസർകോട് സ്വദേശി ജോബി എന്ന ഹരീഷ് (33) ആണ് മരിച്ചത്.

കോലഞ്ചേരി മെഡിക്കൽ മിഷൻ ആശുപത്രിയിൽ ഇയാൾ ചികിത്സയിലായിരുന്നു. ഹരീഷിനൊപ്പം ആശുപത്രിയിൽ പ്രവേശിപ്പിച്ച ഹോംസ്റ്റേ ഉടമ തങ്കച്ചന്‍റെ നില ഗുരുതരമായി തുടരുന്നു.

കഴിഞ്ഞ 28ന് ഹോംസ്റ്റേയിൽ വെച്ച് സാനിറ്റൈസർ ഉണ്ടാക്കാൻ ഉപയോഗിക്കുന്ന സ്പിരിറ്റ് തേനിൽ ചേർത്ത് ഇവർ കഴിച്ചിരുന്നു. കുടുംബത്തോടൊപ്പം എത്തിയ തൃശൂർ സ്വദേശിയുമായി ചേർന്നാണ് ഇവർ മദ്യപിച്ചത്.

മദ്യപാനത്തിന് ശേഷം വീട്ടിലേക്ക് മടങ്ങുംവഴി കറുകുറ്റിയിൽവെച്ച് ബോധരഹിതനായ ഹരീഷിനെ ആശുപത്രിയിൽ പ്രവേശിപ്പിപ്പു. പരിശോധനയിൽ ഇയാളുടെ കാഴ്ചശക്തി നഷ്ടപ്പെട്ടതായി കണ്ടെത്തിയിരുന്നു.

ഓ​ൺ​ലൈ​ൻ വ്യാ​പാ​ര സൈ​റ്റി​ൽ നി​ന്നാ​ണ് സാ​നി​റ്റൈ​സ​ർ നി​ർ​മാ​ണ​ത്തി​നു​ള്ള സ്പിരിറ്റ് വാ​ങ്ങി​യ​തെ​ന്ന് പ്രാ​ഥ​മി​ക അ​ന്വേ​ഷ​ണ​ത്തി​ൽ പൊലീസ്  ക​ണ്ടെ​ത്തി​യി​ട്ടുണ്ട്.