കരിപ്പൂർ: ഇടത്തരം-വലിയ വിമാനങ്ങൾക്ക്​ അനുമതിയായി

കരിപ്പൂർ: റൺവേ നവീകരണത്തി​​​െൻറ പേരിൽ കരിപ്പൂർ​ വിമാനത്താവളത്തിൽ​ മൂന്നുവർഷം​ മുമ്പ്​ നിർത്തിവെച്ച ഇടത്തരം-വലിയ വിമാനങ്ങളുടെ സർവിസിന്​ വീണ്ടും അനുമതിയായി. ജിദ്ദ, റിയാദ്​ സെക്​ടറിൽ സർവിസ്​ ആരംഭിക്കാൻ സൗദി എയർലൈൻസ്​ സമർപ്പിച്ച റിപ്പോർട്ടിലാണ്​ ഡയറക്​ടറേറ്റ്​ ജനറൽ ഒാഫ്​ സിവിൽ ഏവിയേഷൻ (ഡി.ജി.സി.എ) നടപട​ിക്രമങ്ങൾ പൂർത്തീകരിച്ച്​ വ്യോമയാന മന്ത്രാലയത്തിന്​ കൈമാറിയത്​. വിഷയത്തിൽ ഒൗദ്യോഗിക പ്രഖ്യാപനം ഡൽഹിയിൽ വ്യാ​ഴാഴ്​ചയുണ്ടാകു​െമന്നാണ്​ സൂചന. സർവിസ്​ ആരംഭിക്കാൻ ഡി.ജി.സി.എ അനുമതി ലഭിച്ചതായി വിമാനത്താവള അതോറിറ്റിയിലെ ഉന്നത ഉദ്യോഗസ്ഥരും സ്ഥിരീകരിച്ചു. 

341 പേർക്ക്​ സഞ്ചരിക്കാവുന്ന കോഡ്​ ‘ഇ’യിലെ ബി 777^200 ഇ.ആർ, 298 പേർക്ക്​ സഞ്ചരിക്കാവുന്ന എ 330^300 എന്നീ വിമാനങ്ങൾ ഉപയോഗിച്ച്​ ജിദ്ദയിലേക്ക്​ സർവിസ്​ നടത്താൻ​ ‘സൗദിയ’ക്ക്​ അനുമതി ലഭിച്ചെന്നാണ്​​ വിവരം. ഹജ്ജ്​ സീസൺ പൂർത്തിയായശേഷം സെപ്​റ്റംബർ പകുതിയോടെ സർവിസ്​ പുനരാരംഭിക്കാനാകുമെന്ന്​​ പ്രതീക്ഷിക്കുന്നു. ഇതോടെ, കരിപ്പൂരിൽനിന്ന്​ ജിദ്ദ സെക്​ടറിൽ നേരിട്ട്​ സർവിസില്ലാത്തതിന്​ പരിഹാരമാകും. റിയാദിലേക്കും വലിയ വിമാനങ്ങൾ സർവിസ്​ ആരംഭിക്കുന്നതോടെ ഇൗ സെക്​ടറിലെ യാത്രദുരിതത്തിന്​ അറുതിയാകും. കൂടാതെ മലബാറിൽനിന്ന്​ ഹജ്ജ്​, ഉംറ സർവിസുകൾ പുനരാരംഭിക്കാനും സാധിക്കും. 

സർവിസ്​ നടത്താനുള്ള നടപടിക്രമങ്ങളുടെ ഭാഗമായി ഡി.ജി.സി.എയിലെ ഫ്ലൈറ്റ്​ ഒാപറേറ്റിങ്​ ഇൻസ്​പെക്​ടർ ആവശ്യപ്പെട്ടതി​​​െൻറ അടിസ്ഥാനത്തിൽ പുതിയ നടത്തിപ്പു​ക്രമം (ഒാപറേഷനൽ പ്രൊസീജ്യർ), സുരക്ഷ വിലയിരുത്തൽ റിപ്പോർട്ട്​ എന്നിവ സൗദിയ കരിപ്പൂർ വിമാനത്താവള ഡയറക്​ടർക്ക്​ കൈമാറിയിരുന്നു. തുടർന്ന്,​ ഇവിടെനിന്ന്​ ഏപ്രിൽ രണ്ടിന്​​ വിമാനത്താവള അതോറിറ്റി ആസ്ഥാനത്തേക്ക്​ കൈമാറി. മൂന്നുമാസം അതോറിറ്റി ആസ്ഥാനത്ത്​ പിടിച്ചുവെച്ച ഇൗ റിപ്പോർട്ട്​ ജൂലൈ നാലിനാണ്​ ഡി.ജി.സി.എക്ക്​ കൈമാറിയത്​. 

ജനുവരി രണ്ടിന്​ വലിയ വിമാനങ്ങളുടെ സർവിസ്​ ആരംഭിക്കുന്നതിന്​ അനുകൂലമായി കരിപ്പൂ​രിൽനിന്ന്​ 71 പേജുള്ള വിശദ പഠനറിപ്പോർട്ട്​ എയർപോർട്ട്​ അതോറിറ്റി കേന്ദ്ര കാര്യാലയത്തിന്​ സമർപ്പിച്ചിരുന്നു. ഇൗ റിപ്പോർട്ടി​​​െൻറ അടിസ്ഥാനത്തിലാണ്​ ഇപ്പോൾ ഇടത്തരം-വലിയ വിമാനങ്ങൾക്ക്​ അനുമതി ലഭിക്കാൻ നടപടി അവസാനഘട്ടത്തിൽ എത്തിയിരിക്കുന്നത്​.