ഉത്തം ദാസ്
അഞ്ചാലുംമൂട്: ഇറച്ചിക്കോഴികളെ വാങ്ങാൻ തമിഴ്നാട്ടിലേക്ക് പോകുംവഴി രണ്ടരലക്ഷം രൂപയുമായി മുങ്ങിയ അസം സ്വദേശിക്കായി അഞ്ചാലുംമൂട് പൊലീസ് തിരച്ചിൽ ഊർജിതമാക്കി.
അസം സ്വദേശി ഉത്തം ദാസാണ് പണവുമായി കടന്നത്. കോഴിക്കട നടത്തുന്ന അഞ്ചാലുംമൂട് സ്വദേശി സിദ്ദിഖിന് വേണ്ടി ഉത്തംദാസായിരുന്നു സ്ഥിരമായി കോഴിയെ വാങ്ങാൻ പോയിരുന്നത്. ഇയാളും മറ്റ് രണ്ടുപേരുമായി ചെങ്കോട്ടയിൽനിന്ന് ഭക്ഷണം കഴിച്ചിറങ്ങുംവഴി പണവുമായി കടന്നുകളയുകയായിരുന്നു.
തുടർന്ന് ഇയാൾക്കൊപ്പമുള്ളവർ ചെങ്കോട്ടയിലും അഞ്ചാലുംമൂട് പൊലീസ് സ്റ്റേഷനിലും പരാതി നൽകി. ഉത്തംദാസിനെക്കുറിച്ച് വിവരം ലഭിക്കുന്നവർ 04742552682 എന്ന നമ്പറിൽ അറിയിക്കണമെന്ന് അഞ്ചാലുംമൂട് പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.