ശാരീരികഅകലം പഴയ അയിത്തമല്ല; ദുരുപയോഗശ്രമം ചെറുക്കണമെന്ന്​ മുഖ്യമന്ത്രി

തി​രു​വ​ന​ന്ത​പു​രം: കോ​വി​ഡ്​ പ​ശ്ചാ​ത്ത​ല​ത്തി​ൽ പാ​ലി​ക്കു​ന്ന ശാ​രീ​രി​ക​അ​ക​ലം പ​ഴ​യ ​അ​യി​ത്ത​മ​ല്ലെ​ന്നും ​അ​യി​ത്ത​ത്തി​നു​ള്ള ന്യാ​യീ​ക​ര​ണ​മാ​യി ഇ​ത്​ മാ​റു​ന്നി​ല്ലെ​ന്നും മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. പ​ഴ​യ അ​യി​ത്ത​ത്തി​െൻറ​യും തൊ​ട്ടു​കൂ​ടാ​യ്​​മ​യു​ടെ​യ​ും ന്യാ​യീ​ക​രി​ക്ക​ലി​നാ​യി കോ​വി​ഡ്​ പ്രോ​േ​ട്ടാ​കോ​ളി​നെ ഉ​പ​യോ​ഗി​ക്കാ​ൻ ചി​ല​ർ കാ​ട്ടു​ന്ന വ്യ​ഗ്ര​ത​യും ​സ​വ​ർ​ണാ​ധി​പ​ത്യ​ത്തി​െൻറ പു​ന​രു​ദ്ധാ​ര​ണ​ത്തി​ന്​ വാ​ദി​ക്കു​ന്ന​വ​ർ ജീ​വി​ത​ത്തി​ലെ വ​ക്രീ​ക​ര​ണ​ത്തി​ന്​ ന​ട​ത്തു​ന്ന ശ്ര​മ​വും ചെ​റു​ക്ക​ണം.

ആ ​ചെ​റു​ക്ക​ൽ ഗു​രു​വി​നു​ള്ള ആ​ദ​രാ​ഞ്​​ജ​ലി​യാ​ണെ​ന്നും മു​ഖ്യ​മ​ന്ത്രി പ​റ​ഞ്ഞു. ശ്രീ​നാ​രാ​യ​ണ​ഗു​രു ജ​യ​ന്തി സ​മ്മേ​ള​നം ചെ​മ്പ​ഴ​ന്തി ഗു​രു​കു​ല​ത്തി​ൽ ഒാ​ൺ​ലൈ​നാ​യി ഉ​ദ്​​ഘാ​ട​നം ചെ​യ്യു​ക​യാ​യി​രു​ന്നു മു​ഖ്യ​മ​ന്ത്രി. മ​നു​ഷ്യ​നെ കേ​ന്ദ്ര​സ്ഥാ​ന​ത്ത്​ നി​ർ​ത്തി മാ​ത്ര​മേ ഗു​രു ചി​ന്തി​ച്ചു​ള്ളൂ. മ​നു​ഷ്യ​ൻ ന​ന്നാ​യാ​ൽ മ​തി​യെ​ന്ന ത​ത്ത്വം അ​തി​ൽ​നി​ന്ന്​ രൂ​പ​പ്പെ​ട്ട​താ​ണ്. ഗു​രു ചി​ന്തി​ച്ച​ത് ​മ​ര​ണാ​ന​ന്ത​ര മോ​ക്ഷ​മ​ല്ല, ജീ​വി​ത​ത്തി​ൽ​ത​ന്നെ​യു​ള്ള മെ​ച്ച​പ്പെ​ട്ട അ​വ​സ്ഥ​യാ​ണ്. മ​നു​ഷ്യ​നെ മ​നു​ഷ്യ​ന​ല്ലാ​താ​ക്കു​ന്ന കൊ​ടും വി​പ​ത്ത്​ ജാ​തി​യാ​ണെ​ന്ന്​ ഗു​രു ക​ണ്ടെ​ത്തി.

അ​ങ്ങ​നെ​യാ​ണ്​ മ​നു​ഷ്യ​ർ ഒ​രു ജാ​തി​യേ​യു​ള്ളൂ​വെ​ന്നും അ​ത്​ മ​നു​ഷ്യ​ത്വ​മെ​ന്ന ജാ​തി​യാ​ണെ​ന്നും പ​ഠി​പ്പി​ച്ച​ത്. പ്ര​ത്യാ​ശ​യു​​ടെ​യും പ്ര​തീ​ക്ഷ​യു​ടെ​യും പ്ര​കാ​ശ​മാ​ണ്​ ഗു​രു​വി​െൻറ ത​ത്ത്വ​ചി​ന്ത​ക​ൾ പ​ക​രു​ന്ന​ത്. ന​ര​നും ന​ര​നും ത​മ്മി​ൽ സാ​ഹോ​ദ​ര്യം ഉ​ദി​ക്ക​ണം. അ​തി​ന്​ വി​ഘ്​​ന​മാ​യ​തെ​ല്ലാം ഇ​ല്ലാ​തെ​യാ​ക​ണം എ​ന്ന ചി​ന്ത​യു​ടെ പ്ര​കാ​ശ​മാ​ണ്​​ മ​ഹാ​ഗു​രു പ്ര​സ​രി​പ്പി​ച്ച​ത്. ലോ​ക​ത്തെ​യാ​കെ ആ​കെ വേ​ട്ട​യാ​ടു​ന്ന മ​ഹാ​രോ​ഗം ന​ര​നെ ന​ര​നി​ൽ നി​ന്ന്​ അ​ക​റ്റു​ക​യാ​ണ്.

വ​ലി​യ വി​ഘ്​​ന​ങ്ങ​ൾ ബ​ന്ധ​ങ്ങ​ൾ​ക്കി​ട​യി​ൽ പോ​ലും ഉ​ണ്ടാ​കു​ന്നു. ആ ​വി​ഘ്​​ന​ങ്ങ​ളെ​ല്ലാം നീ​ങ്ങി മ​നു​ഷ്യ​നും മ​നു​ഷ്യ​നും ത​മ്മി​ലെ ബ​ന്ധം പ​ഴ​യ​പ​ടി​യാ​ക​ണം. ഇ​ക്കാ​ല​ത്ത്​ വ​ലി​യ വി​ഘ്​​നം കോ​വി​ഡാ​െ​ണ​ന്നും അ​തി​ല്ലാ​താ​ക്കാ​നു​ള്ള ശ്ര​മ​ങ്ങ​ൾ ഒ​രു​മി​ച്ച്​ ന​ട​ത്ത​ണ​മെ​ന്നും അ​താ​ണ്​​ ഗു​രു​വി​ന്​ ഇ​ത്ത​വ​ണ ന​ൽ​കാ​ൻ ക​ഴി​യു​ന്ന വി​ല​പി​ടി​പ്പു​ള്ള ആ​ദ​രാ​ഞ്​​ജ​ലി​യെ​ന്നും മു​ഖ്യ​മ​ന്ത്രി പ​റ​ഞ്ഞു.

മ​ന്ത്രി ക​ട​കം​പ​ള്ളി സു​രേ​ന്ദ്ര​ൻ അ​ധ്യ​ക്ഷ​ത വ​ഹി​ച്ചു. സ്വാ​മി സൂ​ക്ഷ്മാ​ന​ന്ദ, സ്വാ​മി ശു​ഭാം​ഗാ​ന​ന്ദ, മേ​യ​ർ കെ. ​ശ്രീ​കു​മാ​ർ, കൗ​ൺ​സി​ല​ർ​മാ​രാ​യ സി. ​സു​ദ​ർ​ശ​ന​ൻ, കെ.​എ​സ്. ഷീ​ല എ​ന്നി​വ​രും പ​െ​ങ്ക​ടു​ത്തു.

മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി ഉ​ൾ​പ്പെ​ടെ രാ​ഷ്​​ട്രീ​യ-​സാ​മൂ​ഹി​ക മേ​ഖ​ല​യി​ലെ പ്ര​മു​ഖ​ർ ഗു​രു​വി​െൻറ ജ​ന്മ​ഗൃ​ഹ​ത്തി​ൽ പു​ഷ്പാ​ർ​ച്ച​ന ന​ട​ത്തി. ജ​യ​ന്തി​യോ​ട​നു​ബ​ന്ധി​ച്ച മ​റ്റ്​ ച​ട​ങ്ങു​ക​ളും ന​ട​ന്നു.

'ഗുരുദർശനങ്ങൾ ഏറെ പ്രസക്തം'

കോ​വി​ഡ് മ​ഹാ​മാ​രി​യി​ൽ ലോ​കം വി​റ​ങ്ങ​ലി​ച്ചു നി​ൽ​ക്കു​മ്പോ​ൾ മു​ന്നോ​ട്ടു​ള്ള പ്ര​യാ​ണ​ത്തി​ന് ശ്രീ​നാ​രാ​യ​ണ​ഗു​രു​വി​െൻറ വാ​ക്കു​ക​ൾ വ​ഴി​കാ​ട്ടി​യാ​യി മാ​റു​ക​യാ​ണെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. മ​നു​ഷ്യ​ത്വ​ത്തി​െൻറ മ​ഹ​ത്താ​യ മൂ​ല്യ​ങ്ങ​ൾ ഉ​യ​ർ​ത്തി ന​വോ​ത്ഥാ​ന ചി​ന്ത​ക​ൾ​ക്ക് വി​ത്തു​പാ​കി​യ ശ്രീ​നാ​രാ​യ​ണ​ഗു​രു ഒ​രേ​സ​മ​യം ആ​യു​ധ​വും ആ​വ​ശ്യ​വു​മാ​യി ഉ​പ​ദേ​ശി​ച്ച ശീ​ല​മാ​ണ് ശു​ചി​ത്വം. കോ​വി​ഡി​നെ​തി​രാ​യ പോ​രാ​ട്ട​ത്തി​ന്​ ശു​ചി​ത്വ​ബോ​ധ​ത്തി​െൻറ മി​ക​ച്ച അ​ടി​ത്ത​റ​യി​ട്ട​ത് ഗു​രു​വി​െൻറ ഈ ​മാ​തൃ​കാ വി​പ്ല​വ​മാ​യി​രു​ന്നു. മ​നു​ഷ്യ​ർ മ​ത​ത്തി​െൻറ പേ​രി​ൽ വി​ഭ​ജി​ക്ക​പ്പെ​ട്ടു​കൊ​ണ്ടി​രി​ക്കു​ന്ന ഈ ​കാ​ല​ത്ത് മ​ത​മേ​താ​യാ​ലും മ​നു​ഷ്യ​ൻ ന​ന്നാ​യാ​ൽ മ​തി എ​ന്ന മ​ഹ​ത്താ​യ സ​ന്ദേ​ശ​മാ​ണ് ന​മ്മ​ളെ ന​യി​ക്കേ​ണ്ട​ത്.

ഇ​ക്കാ​ല​ത്ത് ന​മ്മു​ടെ ചു​റ്റു​മു​ള്ള​വ​രെ കാ​ണാ​നും അ​വ​ർ​ക്കു​വേ​ണ്ടി പ്ര​വ​ർ​ത്തി​ക്കാ​നും ഗു​രു​ദ​ർ​ശ​ന​ങ്ങ​ൾ പ്ര​ചോ​ദ​നം ന​ൽ​കു​ന്നു. മ​ല​യാ​ളി​യു​ടെ മ​ന​സ്സി​ൽ സ​മ​ത്വ​ചി​ന്ത​ക്ക്​ അ​ടി​ത്ത​റ പാ​കി​യ ശ്രീ​നാ​രാ​യ​ണ​ദ​ർ​ശ​ന​ങ്ങ​ൾ ഇ​വി​ടെ കൂ​ടു​ത​ൽ പ്ര​സ​ക്ത​മാ​കു​ക​യാ​ണ്. അ​വ കെ​ടാ​തെ സൂ​ക്ഷി​ക്കു​മെ​ന്ന് ഓ​രോ​രു​ത്ത​ർ​ക്കും പ്ര​തി​ജ്ഞ​യെ​ടു​ക്കാ​മെ​ന്നും ശ്രീ​നാ​രാ​യ​ണ​ഗു​രു ജ​യ​ന്തി ദി​ന​ത്തി​ൽ മു​ഖ്യ​മ​ന്ത്രി ഫേ​സ്​​ബു​ക്കി​ൽ കു​റി​ച്ചു.