അ​ന്ധ​വി​ശ്വാ​സ​ത്തിനും അ​നാ​ചാ​രത്തിനുമെ​തി​രെ സർക്കാർ നിയമനിർമാണത്തിന്

തി​രു​വ​ന​ന്ത​പു​രം: അ​ന്ധ​വി​ശ്വാ​സ​ങ്ങ​ൾ​ക്കും അ​നാ​ചാ​ര​ങ്ങ​ൾ​ക്കു​മെ​തി​രെ നി​യ​മ​നി​ർ​മാ​ണ​വു​മാ​യി മു​ന്നോ​ട്ടു​​പോ​കാ​ൻ സ​ർ​ക്കാ​ർ. ഇ​തു​സം​ബ​ന്ധി​ച്ച കാ​ര്യ​ങ്ങ​ളി​ൽ ആ​ഭ്യ​ന്ത​ര-​നി​യ​മ​വ​കു​പ്പു​ക​ൾ ച​ർ​ച്ച​ക​ൾ ആ​രം​ഭി​ച്ചു.

വി​ഷ​യ​ത്തി​ൽ പൊ​തു​ജ​നാ​ഭി​പ്രാ​യ​വും തേ​ടും. അ​ടു​ത്ത നി​യ​മ​സ​ഭ സ​മ്മേ​ള​ന​ത്തി​ൽ ഈ ​ബി​ൽ​ കൊ​ണ്ടു​വ​രാ​ൻ സാ​ധി​ക്കു​മോ​യെ​ന്ന കാ​ര്യ​മാ​ണ്​ പ​രി​ശോ​ധി​ക്കു​ന്ന​ത്. പ​ല ത​ര​ത്തി​ലു​ള്ള വി​മ​ർ​ശ​ന​ങ്ങ​ൾ സ​മൂ​ഹ​ത്തി​ൽ നി​ന്നു​ണ്ടാ​യേ​ക്കാ​മെ​ന്ന വി​ല​യി​രു​ത്ത​ലി​ന്‍റെ അ​ടി​സ്ഥാ​ന​ത്തി​ൽ വ​ള​രെ ക​രു​ത​ലോ​ടെ​യാ​ണ്​ സ​ർ​ക്കാ​ർ മു​ന്നോ​ട്ടു​പോ​കു​ന്ന​ത്​. സ​ർ​വ​ക​ക്ഷി യോ​ഗം ഉ​ൾ​പ്പെ​ടെ വി​ളി​ച്ചേ​ക്കും.

വ​ർ​ഷ​ങ്ങ​ൾ​ക്കു​മു​മ്പു​ത​ന്നെ അ​ന്ധ​വി​ശ്വാ​സ​ങ്ങ​ൾ​ക്കെ​തി​രെ നി​യ​മം കൊ​ണ്ടു​വ​രാ​ൻ സ​ർ​ക്കാ​ർ ന​ട​പ​ടി സ്വീ​ക​രി​ച്ചി​രു​ന്നെ​ങ്കി​ലും അ​ത്​ ഫ​ലം ക​ണ്ടി​രു​ന്നി​ല്ല.വി​ശ​ദ​മാ​യ റി​പ്പോ​ർ​ട്ട്​​ നി​യ​മ​പ​രി​ഷ്കാ​ര ക​മീ​ഷ​ൻ നി​യ​മ​വ​കു​പ്പി​ന്​ കൈ​മാ​റി​യി​രു​ന്നു. പി​ന്നീ​ട്,​ നി​യ​മ​വ​കു​പ്പ്​ ച​ട്ട​ങ്ങ​ൾ ത​യാ​റാ​ക്കി​യെ​ങ്കി​ലും ആ​ഭ്യ​ന്ത​ര​വ​കു​പ്പി​ന്‍റെ നി​ല​പാ​ട്​ ല​ഭി​ച്ചി​ല്ല. വ​ള​രെ പ്ര​ശ്ന​ങ്ങ​ളു​ണ്ടാ​കാ​ൻ സാ​ധ്യ​ത​യു​ള്ള വി​ഷ​യ​മാ​യ​തി​നാ​ലാ​ണ്​ എ​ടു​ത്തു​ചാ​ടി ന​ട​പ​ടി​യി​ലേ​ക്ക്​ സ​ർ​ക്കാ​ർ നീ​ങ്ങാ​ത്ത​ത്. എ​ന്നാ​ൽ, ന​ര​ബ​ലി​യുടെ പ​ശ്ചാ​ത്ത​ല​ത്തി​ൽ ഈ ​നി​യ​മം ന​ട​പ്പാ​ക്കു​ന്ന​ത്​ സ​ർ​ക്കാ​ർ വീ​ണ്ടും സ​ജീ​വ​മാ​യി പ​രി​ഗ​ണി​ക്കു​ക​യാ​ണ്.

വി​വി​ധ രാ​ഷ്ട്രീ​യ-​സം​ഘ​ട​ന​ക​ളു​മാ​യി കൂ​ടി​യാ​ലോ​ചി​ക്കും. നി​യ​മ​നി​ർ​മാ​ണ​ത്തെ​ക്കാ​ൾ ബോ​ധ​വ​ത്​​ക​ര​ണ പ്ര​വ​ർ​ത്ത​ന​ങ്ങ​ൾ​ക്കാ​യി​രി​ക്കും കൂ​ടു​ത​ൽ ഊ​ന്ന​ൽ. മ​ത​പ​ര​മാ​യ കാ​ര്യ​മാ​യി വ്യാ​ഖ്യാ​നി​ച്ച്​ ഈ ​നി​യ​മ​ത്തി​നെ​തി​രെ പ്ര​തി​ഷേ​ധം ഉ​യ​ർ​ത്തി​ക്കൊ​ണ്ടു​വ​രാ​ൻ വ​ർ​ഗീ​യ​ശ​ക്തി​ക​ൾ ശ്ര​മി​ക്കു​മോ​യെ​ന്ന ആ​ശ​ങ്ക​യും നി​ല​വി​ലു​ണ്ട്.

അ​ന്ധ​വി​ശ്വാ​സ​ം തടയാൻ നി​യ​മ​നി​ർ​മാ​ണം വേ​ണ​മെ​ന്ന അ​ഭി​പ്രാ​യ​മാ​ണ്​ സി.​പി.​എ​മ്മി​നു​ള്ള​ത്. അ​നാ​ചാ​ര​ങ്ങ​ൾ​ക്കെ​തി​രെ ബ​ഹു​ജ​ന മു​ന്നേ​റ്റ​വും ബോ​ധ​വ​ത്ക​ര​ണ​വു​മു​ണ്ടാ​ക​ണ​മെ​ന്നും പാ​ർ​ട്ടി അ​ഭി​പ്രാ​യ​പ്പെ​ടു​ന്നു. ആ ​സാ​ഹ​ച​ര്യ​ങ്ങ​ളെ​ല്ലാം പ​രി​ശോ​ധി​ച്ച ശേ​ഷ​മാ​കും നി​യ​മ​നി​ർ​മാ​ണ​ത്തി​ൽ അ​ന്തി​മ തീ​രു​മാ​ന​മെ​ടു​ക്കു​ക.

അ​ന്ധ​വി​ശ്വാ​സ​ങ്ങ​ളും അ​നാ​ചാ​ര​ങ്ങ​ളും ഇ​ല്ലാ​താ​ക്കാ​ന്‍ അ​ടി​യ​ന്ത​ര നി​യ​മ​നി​ർ​മാ​ണം ന​ട​ത്ത​ണ​മെ​ന്ന്​ പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ ആവശ്യപ്പെട്ടിട്ടുണ്ട്. നി​യ​മം കൊ​ണ്ടു​വ​രാ​ന്‍ പ്ര​തി​പ​ക്ഷം എ​ല്ലാ പി​ന്തു​ണ​യും ന​ല്‍കുമെന്ന് അദ്ദേഹം വ്യക്തമാക്കി.

ഇ​തു​സം​ബ​ന്ധി​ച്ച ബി​ല്‍ പി.​ടി. തോ​മ​സ് ഉ​ള്‍പ്പെ​ടെ​യു​ള്ള​വ​ര്‍ നി​യ​മ​സ​ഭ​യി​ല്‍ അ​വ​ത​രി​പ്പി​ച്ചി​ട്ടു​ണ്ട്. നി​യ​മ​പ​രി​ഷ്‌​ക​ര​ണ ക​മീ​ഷ​ന്‍ 2019ല്‍ ​ന​ല്‍കി​യ റി​പ്പോ​ര്‍ട്ടും സ​ര്‍ക്കാ​റി​ന് മു​ന്നി​ലു​ണ്ട്. നി​യ​മ നി​ർ​മാ​ണ​ത്തി​നാ​യി സ​ര്‍ക്കാ​റി​ല്‍ സ​മ്മ​ര്‍ദം ചെ​ലു​ത്തു​മെ​ന്നും അ​ദ്ദേ​ഹം മാ​ധ്യ​മ​ങ്ങ​ളോ​ട്​ പ​റ​ഞ്ഞു.