നാ​വി​നെ നി​യ​ന്ത്രി​ക്കാ​നായില്ല; ക​സേ​ര പാ​ർ​ട്ടി​ ത​ന്നെ തി​രി​ച്ചെ​ടു​ത്തു

തി​രു​വ​ന​ന്ത​പു​രം: വാ​വി​ട്ട വാ​ക്കും കൈ​വി​ട്ട ആ​യു​ധ​വും തി​രി​ച്ചെ​ടു​ക്കാ​ൻ ക​ഴി​യി​ല്ലെ​ന്നൊ​രു ചൊ​ല്ലു​ണ്ട് നാ​ട്ടി​ൽ. ഈ ​ചൊ​ല്ല് തി​രി​ച്ച​റി​യാ​തെ പോ​യ​താ​ണ് സി.​പി.​എം കേ​ന്ദ്ര ക​മ്മി​റ്റി അം​ഗ​മാ​യ എം.​സി. ജോ​സ​ഫൈ​ന് വി​ന​യാ​യ​ത്. പ​ല​ത​വ​ണ നേ​താ​ക്ക​ൾ മു​ന്ന​റി​യി​പ്പ് ന​ൽ​കി​യെ​ങ്കി​ലും നാ​വി​നെ നി​യ​ന്ത്രി​ക്കാ​ൻ ജോ​സ​ഫൈ​ന് ക​ഴി​യാ​തെ​വ​ന്ന​തോ​ടെ ന​ൽ​കി​യ ക​സേ​ര പാ​ർ​ട്ടി​ത​ന്നെ തി​രി​ച്ചെ​ടു​ത്തു.

സി.​പി.​എം നേ​താ​വും മു​ൻ എം.​എ​ൽ.​എ​യു​മാ​യ പി.​കെ. ശ​ശി​ക്കെ​തി​രെ ഡി.​വൈ.​എ​ഫ്‌.​ഐ വ​നി​ത പ്ര​വ​ര്‍ത്ത​ക പ​രാ​തി ന​ല്‍കി​യ​തി​നെ​ക്കു​റി​ച്ച് ജോ​സ​ഫൈ​ന്‍ ന​ട​ത്തി​യ പ​രാ​മ​ര്‍ശം ഏ​റെ വി​വാ​ദ​മാ​യി​രു​ന്നു. സ്ത്രീ​ക​ളു​ടെ നീ​തി​ക്കും അ​വ​കാ​ശ​ത്തി​നും വേ​ണ്ടി സ്ത്രീ​ക​ള്‍ക്കൊ​പ്പം നി​ല്‍ക്കേ​ണ്ട ക​മീ​ഷ​ന്‍ അ​ധ്യ​ക്ഷ അ​ന്ന് പ​റ​ഞ്ഞ​ത് 'പാ​ര്‍ട്ടി ത​ന്നെ​യാ​ണ് പൊ​ലീ​സും, പാ​ർ​ട്ടി ത​ന്നെ​യാ​ണ് കോ​ട​തി​യും' എ​ന്നാ​യി​രു​ന്നു.

അ​ന്ന് മ​ഹി​ള കോ​ണ്‍ഗ്ര​സ് നേ​താ​വാ​യി​രു​ന്ന ല​തി​ക സു​ഭാ​ഷ് അ​ധ്യ​ക്ഷ സ്ഥാ​ന​ത്തു​നി​ന്ന് ജോ​സ​ഫൈ​നെ നീ​ക്ക​ണ​മെ​ന്നാ​വ​ശ്യ​പ്പെ​ട്ട് ഹൈ​കോ​ട​തി​യി​ല്‍ ഹ​ര​ജി​വ​രെ ഫ​യ​ല്‍ ചെ​യ്തെ​ങ്കി​ലും കോ​ട​തി തു​ട​രാ​ൻ അ​നു​വ​ദി​ക്കു​ക​യാ​യി​രു​ന്നു. ര​മ്യ ഹ​രി​ദാ​സ് എം.​പി​ക്കെ​തി​രെ തെ​ര​ഞ്ഞെ​ടു​പ്പ് കാ​ല​ത്ത് എ​ൽ.​ഡി.​എ​ഫ് ക​ൺ​വീ​ന​ർ എ. ​വി​ജ​യ​രാ​ഘ​വ​ന്‍ ന​ട​ത്തി​യ അ​ശ്ലീ​ല പ​രാ​മ​ര്‍ശ​ത്തെ​യും ജോ​സ​ഫൈ​ന്‍ പ്ര​തി​രോ​ധി​ച്ച​ത് പാ​ര്‍ട്ടി പ്ര​വ​ര്‍ത്ത​ക​യാ​യി നി​ന്നാ​യി​രു​ന്നു. ര​മ്യ ന​ൽ​കി​യ പ​രാ​തി​പോ​ലും ക​മീ​ഷ​ൻ പ​രി​ഗ​ണി​ച്ചി​ല്ല.

പൊ​ലീ​സ് സ്​​റ്റേ​ഷ​നു​നേ​രെ അ​ക്ര​മി​ക​ൾ ക​ല്ലെ​റി​ഞ്ഞ​തി​നെ​തു​ട​ർ​ന്ന് സി.​പി.​എം തി​രു​വ​ന​ന്ത​പു​രം ജി​ല്ല ക​മ്മി​റ്റി ഓ​ഫി​സ് റെ​യ്​​ഡ് ചെ​യ്ത എ​സ്.​പി. ചൈ​ത്ര തേ​ര​സ ജോ​ണി​നെ​തി​രെ പ്ര​വ​ർ​ത്ത​ക​രും നേ​താ​ക്ക​ളും അ​ധി​ക്ഷേ​പം ചൊ​രി​ഞ്ഞ​പ്പോ​ഴും 'ചൈ​ത്ര തെ​റ്റ് ചെ​യ്‌​തോ​യെ​ന്ന് സ​ര്‍ക്കാ​ര്‍ അ​ന്വേ​ഷി​ക്ക​ട്ടേ'​യെ​ന്നാ​യി​രു​ന്നു പ്ര​തി​ക​ര​ണം.

89 വ​യ​സ്സു​കാ​രി​യാ​യ വ​യോ​ധി​ക​യെ അ​യ​ൽ​വാ​സി മ​ർ​ദി​ച്ച​തു​മാ​യി ബ​ന്ധ​പ്പെ​ട്ട കേ​സി​ൽ കി​ട​പ്പി​ലാ​യ വ​യോ​ധി​ക നേ​രി​ട്ട് ഹാ​ജ​രാ​ക​ണ​മെ​ന്ന ക​മീ​ഷ​ൻ തീ​രു​മാ​ന​വും വി​മ​ർ​ശി​ക്ക​പ്പെ​ട്ടു. കി​ട​പ്പു​രോ​ഗി​യാ​ണെ​ന്നും അ​തി​നാ​ല്‍ നേ​രി​ട്ട​ല്ലാ​തെ പ​രാ​തി കേ​ള്‍ക്കാ​ന്‍ മ​റ്റ് മാ​ര്‍ഗ​മു​ണ്ടോ എ​ന്നും ആ​രാ​ഞ്ഞ ബ​ന്ധു​വി​നാ​യി​രു​ന്നു അ​ന്ന് ജോ​സ​ഫൈെൻറ ശ​കാ​ര​വ​ര്‍ഷം.

'89 വ​യ​സ്സു​ള്ള ത​ള്ള​യെ​ക്കൊ​ണ്ട് പ​രാ​തി കൊ​ടു​പ്പി​ക്കാ​ന്‍ ആ​രാ​ണ് പ​റ​ഞ്ഞ​ത്. പ​രാ​തി കൊ​ടു​ത്താ​ല്‍ വി​ളി​പ്പി​ക്കു​ന്നി​ട​ത്ത് എ​ത്ത​ണ​മെ​ന്നും​' ജോ​സ​ഫൈ​ൻ ആ​വ​ശ്യ​പ്പെ​ട്ടു. ക​മീ​ഷ​ൻ അ​ധ്യ​ക്ഷ​യു​ടെ ഈ ​പ്ര​തി​ക​ര​ണ​ത്തോ​ടും സാം​സ്‌​കാ​രി​ക കേ​ര​ളം രൂ​ക്ഷ​മാ​യാ​ണ് പ്ര​തി​ക​രി​ച്ച​ത്. കാ​റും ഉ​യ​ര്‍ന്ന ശ​മ്പ​ള​വും ന​ല്‍കി ഇ​വ​രെ നി​യ​മി​ച്ച​ത് എ​ന്തി​നാ​യി​രു​ന്നെ​ന്നാ​ണ്​ എ​ഴു​ത്തു​കാ​ര​ന്‍ ടി. ​പ​ത്മ​നാ​ഭ​ൻ ചോ​ദി​ച്ച​ത്.