തിരുവനന്തപുരം: ടോക്കിയോ ഒളിമ്പിക്സിൽ സ്വര്‍ണ മെഡല്‍ നേടിയ നീരജ് ചോപ്രയെ കേരള നിയമസഭ അഭിനന്ദിച്ചു. രാജ്യത്തിന് അഭിമാനകരമായ നേട്ടം സമ്മാനിച്ച നീരജിനെ സഭ അഭിനന്ദിക്കുന്നതായും ആധുനിക ഒളിമ്പിക്സില്‍ ഇന്ത്യ നേടുന്ന ആദ്യത്തെ അത്ലറ്റിക്സ് സ്വര്‍ണ മെഡല്‍ എന്ന നിലയില്‍ എത്രയോ തലമുറകളുടെ സ്വപ്നമാണ് ടോക്കിയോയില്‍ സാക്ഷാത്കരിച്ചതെന്നും സ്പീക്കർ എം.ബി. രാജേഷ് പറഞ്ഞു.
ഇന്ത്യ നേടുന്ന ആദ്യത്തെ അത്ലറ്റിക്സ് സ്വർണമെഡൽ എന്ന നിലയിൽ എത്രയോ തലമുറകളുടെ സ്വപ്നമാണ് നീരജ് ടോക്കിയോയിൽ സാക്ഷാത്കരിച്ചത്. ഒളിമ്പിക്സിലെ പുരുഷ വിഭാഗം 65 കിലോ ഫ്രീസ്റ്റൈല്‍ ഗുസ്തിയില്‍ വെങ്കല മെഡല്‍ നേടിയ ബജ്രംഗ് പുനിയയേയും സഭ അഭിനന്ദിച്ചു. കൂടാതെ ടോക്കിയോ ഒളിമ്പിക്സില്‍ രാജ്യത്തിന് വേണ്ടി മികച്ച വിജയങ്ങള്‍ നേടിയ എല്ലാ കായിക താരങ്ങളെയും സഭ അഭിനന്ദിച്ചു.
പുരുഷവിഭാഗം ജാവലിന്‍ ത്രോയില്‍ 87.58 മീറ്റര്‍ എറിഞ്ഞാണ് നീരജ് ഇന്ത്യക്ക് അഭിമാനകരമായ വിജയം സമ്മാനിച്ചത്. അഭിനവ് ബിന്ദ്രക്കു ശേഷം ഇന്ത്യ വ്യക്തിഗത ഇനങ്ങളില്‍ നേടുന്ന സ്വര്‍ണമെഡല്‍ കൂടിയാണിത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.