തിരുവനന്തപുരം: വിമാനത്താവള നടത്തിപ്പ് അദാനി ഗ്രൂപ്പിന് കൈമാറിയതിനെതിരെ സംസ്ഥാന സർക്കാർ ഹൈകോടതിയെ സമീപിച്ചു. അദാനി ഗ്രൂപ്പിന് കൈമാറാനുള്ള കേന്ദ്രത്തിെൻറ നടപടികൾ സ്റ്റേ ചെയ്യണമെന്നാണ് സർക്കാറിെൻറ ആവശ്യം. കേസ് തീർപ്പാക്കുന്നതിന് മുമ്പ് വിമാനത്താവളം കൈമാറിയത് ഹരജിയിൽ ചോദ്യം ചെയ്തു. ഹരജി തിങ്കളാഴ്ച പരിഗണിക്കും.
വിമാനത്താവളം പൊതുമേഖലയിൽ നിലനിർത്തണമെന്നാണ് കേരളത്തിെൻറ പൊതു അഭിപ്രായമെന്ന് വ്യാഴാഴ്ച ചേർന്ന സർവകക്ഷിയോഗം വിലയിരുത്തിയിരുന്നു. യോഗത്തിെൻറ പശ്ചാത്തലത്തിൽ മുഖ്യമന്ത്രി വീണ്ടും പ്രധാനമന്ത്രിക്ക് കത്തയക്കുകയും ചെയ്തിരുന്നു. വിമാനത്താവള നടത്തിപ്പ് സംസ്ഥാന സർക്കാറിനെ ഏൽപ്പിക്കണമെന്ന ആവശ്യം കേന്ദ്രം നിരാകരിച്ചതിൽ സർവകക്ഷിയോഗത്തിൽ വിവിധ രാഷ്ട്രീയ പാർട്ടികൾ അതൃപ്തി രേഖെപ്പടുത്തിയതായും കത്തിൽ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.