മാള: തോറ്റിടത്തുനിന്ന് ഉയർത്തെഴുന്നേൽക്കുന്നതാണ് യഥാർഥ വിജയമെന്നും ജീവിതത്തോട് പൊരുതിജയിക്കുന്നതാണ് വിപ്ലവമെന്നും കലക്ടർ വി.ആർ. കൃഷ്ണതേജ. മാള കാർമൽ കോളജിലെ 2023-24 അധ്യയനവർഷത്തെ കോളജ് യൂനിയൻ ‘ലെനോറ2 കെ 23’ ഉദ്ഘാടനം ചെയ്യുകയായിരുന്നു അദ്ദേഹം.
അത്തരം ഒരു വിജയമാണ് തന്റെ ജീവിതാനുഭവമെന്നും അദ്ദേഹം വിശദീകരിച്ചു. പ്രിൻസിപ്പൽ ഡോ. സിസ്റ്റർ സീന സി.എം.സി അധ്യക്ഷത വഹിച്ചു.
സെവൻ കേരള ഗേൾസ് ബറ്റാലിയൻ എൻ.സി.സി തൃശൂർ ലഫ്റ്റനന്റ് കേണൽ ബി. ബിജോയ് മുഖ്യപ്രഭാഷണം നടത്തി.
അധ്യാപകരായ ഡോ. കെ.ബി. ബിന്ദു, ടി.കെ. റീന, യൂനിയൻ അധ്യക്ഷ ഫാത്തിമത്ത് റിസ്‌വാന എന്നിവർ സംസാരിച്ചു. തുടർന്ന് പുതിയ കോളജ് യൂനിയൻ സത്യപ്രതിജ്ഞ നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.