വ്യാപാര ലൈസൻസ്​; സമയപരിധി സെപ്​റ്റം.30 വരെ നീട്ടി

തി​രു​വ​ന​ന്ത​പു​രം: കെ-​സ്മാ​ർ​ട്ടി​ലെ നി​ബ​ന്ധ​ന​ക​ൾ കാ​ര​ണം യ​ഥാ​സ​മ​യം ലൈ​സ​ൻ​സ്​ പു​തു​ക്കാ​ൻ ക​ഴി​യാ​ത്ത വ്യാ​പാ​രി​ക​ൾ​ക്ക്​ ആ​ശ്വാ​സ​മാ​യി സ​ർ​ക്കാ​ർ ഉ​ത്ത​ര​വ്. പി​ഴ​യി​ല്ലാ​തെ ലൈ​സ​ൻ​സ്​ പു​തു​ക്കാ​നു​ള്ള അ​വ​സാ​ന തീ​യ​തി സെ​പ്​​റ്റം​ബ​ർ 30 വ​രെ നീ​ട്ടി​ ത​ദ്ദേ​ശ വ​കു​പ്പ്​ ഉ​ത്ത​ര​വ്​ പു​റ​പ്പെ​ടു​വി​ച്ചു. നേ​ര​ത്തേ ജൂ​ൺ 30 വ​രെ​യാ​യി​രു​ന്നു സ​മ​യ​പ​രി​ധി. ത​ദ്ദേ​ശ സ്ഥാ​പ​ന​ങ്ങ​ളി​ൽ ന​ട​പ്പാ​ക്കി​യ ​കെ-​സ്മാ​ർ​ട്ടി​ലെ നി​ബ​ന്ധ​ന​ക​ൾ വ്യാ​പ​രി​ക​ളു​ടെ ലൈ​സ​ൻ​സ്​ പു​തു​ക്ക​ലി​ന്​ തി​രി​ച്ച​ടി​യാ​യി​രു​ന്നു.

കെ​ട്ടി​ട നി​കു​തി അ​ട​ച്ച ര​സീ​ത്​ ഉ​ൾ​പ്പെ​ടെ അ​പ്​​ലോ​ഡ്​ ചെ​യ്യ​ണ​മെ​ന്ന നി​ബ​ന്ധ​ക​ൾ ചെ​റു​കി​ട വ്യാ​പാ​രി​ക​ൾ​ക്ക്​ ഊ​രാ​ക്കു​ടു​ക്കാ​യി. കോ​ർ​പ​റേ​ഷ​ൻ, മു​നി​സി​പ്പാ​ലി​റ്റി പ​രി​ധി​യി​ലെ വ്യാ​പാ​രി​ക​ളാ​ണ്​ വ​ല​ഞ്ഞ​ത്. പ്ര​തി​സ​ന്ധി​ക്ക്​ പ​രി​ഹാ​രം കാ​ണാ​മെ​ന്ന്​ മ​ന്ത്രി എം.​ബി. രാ​ജേ​ഷ്​ ഉ​റ​പ്പു​ന​ൽ​കി​യെ​ങ്കി​ലും ന​ട​പ​ടി​ക്ര​മ​ങ്ങ​ളി​ൽ ഇ​ള​വ്​ വ​രു​ത്താ​ത്ത​ത്​ പ്ര​തി​ഷേ​ധ​ത്തി​നി​ട​യാ​ക്കി​യി​രു​ന്നു. അ​തി​ന്‍റെ കൂ​ടി അ​ടി​സ്ഥാ​ന​ത്തി​ല​ണ്​ ലൈ​സ​ൻ​സ്​ പു​തു​ക്ക​ലി​നു​ള്ള തീ​യ​തി നീ​ട്ടി​യ​ത്. എ​ന്നാ​ൽ, ലൈ​സ​ൻ​സ്​ പു​തു​ക്ക​ലി​ന്​ കെ-​സ്മാ​ർ​ട്ടി​ൽ കൊ​ണ്ടു​വ​ന്ന നി​ബ​ന്ധ​ന​ക​ൾ ല​ഘൂ​ക​രി​ക്കു​ന്ന കാ​ര്യ​ത്തി​ൽ തീ​രു​മാ​ന​മു​ണ്ടാ​യി​ല്ല.

ലൈ​സ​ൻ​സ്​ പു​തു​ക്ക​ലി​ന്​ അ​പേ​ക്ഷ​യോ​ടൊ​പ്പം സ​ത്യ​വാ​ങ്​​മൂ​ലം ഒ​പ്പി​ട്ട്​ ന​ൽ​ക​ണം, സെ​പ്​​റ്റം​ബ​ർ വ​രെ​യു​ള്ള കെ​ട്ടി​ട​നി​കു​തി അ​ട​ച്ച ര​സീ​ത്​ അ​പ്​​ലോ​ഡ്​ ചെ​യ്യ​ണം, മാ​ലി​ന്യം നി​ക്ഷേ​പി​ക്കാ​ൻ ജൈ​വം-​അ​ജൈ​വം-​അ​പ​ക​ട​ക​ര​മാ​യ മാ​ലി​ന്യം എ​ന്നി​ങ്ങ​നെ ബി​ന്നു​ക​ൾ സ്ഥാ​പി​ക്ക​ണം തു​ട​ങ്ങി​യ നി​ബ​ന്ധ​ന​ക​ളാ​ണ്​ വ്യാ​പാ​രി​ക​ളെ വ​ല​ച്ച​ത്.