വ​ട​ക​ര താ​ലൂ​ക്ക് ഓ​ഫി​സ് തീ​വെ​പ്പ്; പ്ര​തി ര​ക്ഷ​പ്പെ​ട്ട​ത് പ്രോ​സി​ക്യൂ​ഷ​ൻ പ​രാ​ജ​യം

വ​ട​ക​ര: വ​ട​ക​ര താ​ലൂ​ക്ക് ഓ​ഫി​സ് തീ​വെ​ച്ച് ന​ശി​പ്പി​ച്ച കേ​സി​ൽ പ്ര​തി ര​ക്ഷ​പ്പെ​ട്ട​ത് കേ​സ് തെ​ളി​യി​ക്കു​ന്ന​തി​ൽ പ്രോ​സി​ക്യൂ​ഷ​നു​ണ്ടാ​യ വീ​ഴ്ചമൂലം. ദൃ​ക്സാ​ക്ഷി​ക​ളി​ല്ലാ​ത്ത കേ​സി​ൽ സാ​ഹ​ച​ര്യ​ത്തെ​ളി​വു​ക​ളു​ടെ അ​ടി​സ്ഥാ​ന​ത്തി​ലാ​ണ് പ്ര​തി​ക്കെ​തി​രെ പൊ​ലീ​സ് കേ​സെ​ടു​ത്ത​ത്. സാ​ഹ​ച​ര്യ​ത്തെ​ളി​വു​ക​ൾ കോ​ട​തി​ക്ക് മു​മ്പി​ൽ തെ​ളി​യി​ക്കാ​ൻ പ്രോ​സി​ക്യൂ​ഷ​ന് ക​ഴി​ഞ്ഞി​ല്ല. ലോ​ക്ക​ൽ പൊ​ലീ​സ് അ​ന്വേ​ഷി​ച്ച കേ​സി​ൽ അ​ന്ധ്ര​പ്ര​ദേ​ശ് സ്വ​ദേ​ശി സ​തീ​ശ് നാ​രാ​യ​ണ​നെ അ​റ​സ്റ്റ് ചെ​യ്ത് കേ​സ് ജി​ല്ല ക്രൈം​ബ്രാ​ഞ്ചി​ന് കൈ​മാ​റി​യി​രു​ന്നു.

സം​ഭ​വ​ത്തി​ൽ ഒ​റ്റ ദൃ​ക്സാ​ക്ഷി​ക​ളെ​യും പൊ​ലീ​സി​ന് ക​ണ്ടെ​ത്താ​നാ​യി​ല്ല. 2021 ഡി​സം​ബ​ർ 17 ന് ​പു​ല​ർ​ച്ച​യോ​ടെ​യാ​ണ് വ​ട​ക​ര താ​ലൂ​ക്ക് ഓ​ഫി​സ് കെ​ട്ടി​ടം തീ​വെ​ച്ച് ന​ശി​പ്പി​ച്ച​ത്. സം​ഭ​വ ദി​വ​സം പു​ല​ർ​ച്ച പ്ര​തി​യെ സ്ഥ​ല​ത്ത് ക​ണ്ട​താ​യി സ​മീ​പ​ത്തെ ചാ​യ​ക്ക​ട​ക്കാ​ര​ൻ മൊ​ഴി ന​ൽ​കി​യി​രു​ന്നു.

എ​ന്നാ​ൽ, പ്ര​തി​യെ തീ​വെ​പ്പു​മാ​യി ബ​ന്ധി​പ്പി​ക്കാ​ൻ പ്രോ​സി​ക്യൂ​ഷ​ന് ക​ഴി​ഞ്ഞി​ല്ല. താ​ലൂ​ക്ക് ഓ​ഫി​സ് പ​രി​സ​ര​ത്തെ ജീ​പ്പി​ലു​ണ്ടാ​യി​രു​ന്ന ട​ർ​ക്കി പ്ര​തി​യു​ടെ താ​മ​സ സ്ഥ​ല​ത്തു​വെ​ച്ച് ക​ണ്ടെ​ത്തി​യി​രു​ന്നു. ഇ​ത് തീ​വെ​ച്ച​ത് പ്ര​തി​യാ​ണെ​ന്ന​തി​ന് തെ​ളി​വാ​യി കോ​ട​തി അം​ഗീ​ക​രി​ച്ചി​ല്ല.

ഇ​ന്ധ​ന​മോ മ​റ്റ് രാ​സ​വ​സ്തു​ക​ളോ സം​ഭ​വ​സ്ഥ​ല​ത്തു​നി​ന്ന് ല​ഭി​ച്ച​താ​യി ശാ​സ്ത്രീ​യ പ​രി​ശോ​ധ​ന റി​പ്പോ​ർ​ട്ടി​ലി​ല്ല. മേ​ഖ​ല​യി​ൽ​നി​ന്ന് ല​ഭി​ച്ച സി.​സി.​ടി.​വി ദൃ​ശ്യ​ങ്ങ​ളി​ൽ ക​ണ്ട മു​ഖം വ്യ​ക്ത​ത​യി​ല്ലാ​ത്ത​തി​നാ​ൽ പ്ര​തി​യു​ടെ​താ​ണെ​ന്ന് തി​രി​ച്ച​റി​യാ​ൻ ക​ഴി​ഞ്ഞി​ല്ല. ടൗ​ണി​ന്റെ പ​ല​പ്പോ​ഴാ​യി ഭാ​ഗ​ത്ത് തീ​യി​ട്ട​ത് ഇ​യാ​ളാ​ണെ​ന്ന് പൊ​ലീ​സ് മൊ​ഴി ന​ൽ​കി​യെ​ങ്കി​ലും താ​ലൂ​ക്ക് ഓ​ഫി​സ് തീ​വെ​പ്പി​ൽ പ്ര​തി​യു​ടെ സാ​ന്നി​ധ്യം തെ​ളി​യി​ക്കാ​നാ​യി​ല്ല.

പേ​പ്പ​റു​ക​ൾ കൂ​ട്ടി​യി​ട്ട് ക​ത്തി​ച്ച​താ​ണ് തീ​പി​ടി​ത്ത​ത്തി​ന് ഇ​ട​യാ​ക്കി​യ​തെ​ന്ന പ്രോ​സി​ക്യൂ​ഷ​ൻ വാ​ദം കോ​ട​തി അം​ഗീ​ക​രി​ച്ചി​ല്ല. പ്ര​തി​ക്ക് നേ​ര​ത്തേ മാ​ന​സി​ക പ്ര​ശ്ന​ങ്ങ​ളു​ണ്ടാ​യി​രു​ന്ന​താ​യി ഡോ​ക്ട​ർ മൊ​ഴി ന​ൽ​കി​യി​രു​ന്നു. താ​ലൂ​ക്ക് ഓ​ഫി​സ് തീ​വെ​പ്പ് കേ​സ് പ​രി​ശോ​ധ​ന റി​പ്പോ​ർ​ട്ട് ര​ണ്ട് വ​ർ​ഷ​മാ​യി​ട്ടും കോ​ട​തി​യി​ൽ ഹാ​ജ​രാ​ക്കാ​ൻ പ്രോ​സി​ക്യൂ​ഷ​ന് ക​ഴി​ഞ്ഞി​ല്ല.

റീ​ജ​ന​ൽ ഫോ​റ​ൻ​സി​ക് സ​യ​ൻ​സ് ല​ബോ​റ​ട്ട​റി​യി​ലേ​ക്ക് അ​യ​ച്ച സീ​ഡി, പെ​ൻ ഡ്രൈ​വ് എ​ന്നി​വ​യു​ടെ പ​രി​ശോ​ധ​നാ റി​പ്പോ​ർ​ട്ട് വ​രാ​ത്ത​തി​നെ തു​ട​ർ​ന്ന് കോ​ട​തി വി​ധി പ​റ​യു​ന്ന​ത് മാ​റ്റി​വെ​ച്ചി​രു​ന്നു.