തിരുവനന്തപുരം: ലൈഫ് മിഷന്‍ പദ്ധതിയുമായി ബന്ധപ്പെട്ട് മാധ്യമപ്രവർത്തകരിൽ നിന്നുയർന്ന ചോദ്യങ്ങളില്‍ നിന്നും ഒഴിഞ്ഞുമാറിയ മുഖ്യമന്ത്രി പിണറായി വിജയനെ പരിഹസിച്ച് വിടി ബല്‍റാം എംഎല്‍എ. പദ്ധതിയുമായി ബന്ധപ്പെട്ട് ആവർത്തിച്ചുള്ള ചോദ്യങ്ങൾക്ക് 'ഒരാള്‍ തന്നെ എല്ലാം ചോദിച്ചാല്‍ താൻ മറുപടി പറയില്ലെന്ന്' മുഖ്യമന്ത്രി പറഞ്ഞതിെൻറ വിഡിയോ ഫേസ്ബുക്കിൽ പങ്കുവെച്ചുകൊണ്ടാണ് ബൽറാമിെൻറ പരിഹാസം.
'മാസ് മറുപടി. ചോദ്യകര്‍ത്താവ് കണ്ടം വഴി ഓടി. പത്രക്കാരുടെ ഏത് ചോദ്യങ്ങള്‍ക്ക് മുന്‍പിലും ഇങ്ങനെ പതറാതെ കിറുകൃത്യമായി മറുപടി പറയണമെങ്കില്‍ അയാളുടെ പേര് പിണറായി വിജയന്‍ എന്നാകണം.' വിഡിയോ പങ്കുവച്ച് ബല്‍റാം ഫേസ്ബുക്കിൽ കുറിച്ചു.
ലൈഫ് മിഷന്‍ പദ്ധതിയുമായി സംബന്ധിച്ച രേഖകള്‍ നല്‍കണമെന്ന് ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല പലതവണ കത്ത് നല്‍കിയിട്ടും എന്താണ് മറുപടി കൊടുക്കാത്തത് എന്ന ചോദ്യത്തിന് 'അതൊക്കെ അതിെൻറ ഘട്ടത്തില്‍ വന്നോളും' എന്നായിരുന്നു മുഖ്യമന്ത്രിയുടെ ആദ്യ മറുപടി. ഇതേ ചോദ്യത്തിന് വ്യക്തത വേണമെന്ന് മാധ്യമപ്രവര്‍ത്തക ആവർത്തിച്ചെങ്കിലും, കുറച്ച് നിമിഷത്തെ മൗനത്തിന് ശേഷം 'ഒരാള്‍ തന്നെ എല്ലാം ചോദിച്ചാല്‍ ഞാന്‍ മറുപടി പറയില്ല എന്ന് മുന്‍പേ പറഞ്ഞിട്ടുണ്ട്'. എന്നായിരുന്നു അദ്ദേഹം പ്രതികരിച്ചത്. തൊട്ടുപിന്നാലെ എത്തിയ ചോദ്യത്തിനും നിങ്ങള്‍ മുന്‍പ് ചോദിച്ചതല്ലേ എന്ന് പറഞ്ഞ് മുഖ്യമന്ത്രി ഒഴിഞ്ഞുമാറുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.