ജല അതോറിറ്റിയുടെ പണം സ്വകാര്യ ബാങ്കുകളിലേക്ക്​; വിവാദം

തി​രു​വ​ന​ന്ത​പു​രം: എ​സ്.​ബി.​ഐ​യി​ൽ​നി​ന്ന്​ സ്വ​കാ​ര്യ ബാ​ങ്കു​ക​ളി​ലേ​ക്ക്​ ജ​ല അ​തോ​റി​റ്റി​യു​ടെ നി​​​ക്ഷേ​പം മാ​റ്റാ​നു​ള്ള തീ​രു​മാ​നം വി​വാ​ദ​ത്തി​ൽ. ഇ​തി​ന​കം 200 കോ​ടി രൂ​പ​ ര​ണ്ട്​ ബാ​ങ്കു​ക​ളി​​ലേ​ക്ക്​ മാ​റ്റി​യെ​ന്നാ​ണ്​ അ​നൗ​ദ്യോ​ഗി​ക വി​വ​രം. ഇ​തു​സം​ബ​ന്ധി​ച്ച ഉ​ത്ത​ര​വോ രേ​ഖാ​മൂ​ല​മു​ള്ള അ​റി​യി​പ്പു​ക​ളോ ജ​ല അ​തോ​റി​റ്റി പു​റ​ത്തി​റ​ക്കി​യി​ട്ടി​ല്ല. സം​സ്ഥാ​ന​ത്ത്​ പ​രി​മി​ത ശാ​ഖ​ക​ളും ബി​സി​ന​സു​മു​ള്ള പു​തു​ത​ല​മു​റ ബാ​ങ്കി​ന്‍റെ​യും മ​റ്റൊ​രു സ്വ​കാ​ര്യ ബാ​ങ്കി​ന്‍റെ​യും അ​ക്കൗ​ണ്ടു​ക​ളി​ലേ​ക്കാ​ണ്​ ​നൂ​റ്​ കോ​ടി രൂ​പ വീ​തം കൈ​മാ​റി​യ​ത്. ര​ണ്ട്​ ബാ​ങ്കു​ക​ളും കൂ​ടു​ത​ൽ പ​ലി​ശ വാ​ഗ്ദാ​നം ചെ​യ്ത​ത​തി​നാ​ലാ​ണ്​ പ​ണം കൈ​മാ​റി​യ​തെ​ന്ന്​​ ജ​ല അ​തോ​റി​റ്റി​യി​ലെ ധ​ന​വി​നി​​യോ​ഗ​വു​മാ​യി ബ​ന്ധ​​പ്പെ​ട്ട വി​ഭാ​ഗ​ത്തി​ലു​ള്ള​വ​ർ പ​റ​യു​ന്നു.

പൊ​തു​മേ​ഖ​ല ബാ​ങ്കു​ക​ൾ ധാ​രാ​ള​മു​ള്ള​പ്പോ​ൾ സ്വ​കാ​ര്യ ബാ​ങ്കു​ക​ളി​ലേ​ക്ക്​ പ​ണം മാ​റ്റു​ന്ന​തി​നെ​തി​രെ യൂ​നി​യ​നു​ക​ൾ രം​ഗ​ത്തെ​ത്തി. സി.​ഐ.​ടി.​യു നേ​തൃ​ത്വ​ത്തി​ലു​ള്ള വാ​ട്ട​ർ അ​തോ​റി​റ്റി എം​പ്ലോ​യീ​സ്​ യൂ​നി​യ​നും ഐ.​എ​ൻ.​ടി.​യു.​സി നേ​തൃ​ത്വ​ത്തി​ലു​ള്ള വാ​ട്ട​ർ അ​തോ​റി​റ്റി സ്റ്റാ​ഫ്​ അ​സോ​സി​യേ​ഷ​നും മാ​നേ​ജ്​​മെ​ന്‍റി​നെ ​പ്ര​തി​ഷേ​ധം അ​റി​യി​ച്ചു. അം​ഗീ​കൃ​ത സം​ഘ​ട​ന​ക​ളു​ടെ യോ​ഗം ഉ​ട​ൻ വി​ളി​ക്ക​ണ​മെ​ന്ന്​ ആ​വ​ശ്യ​പ്പെ​ട്ടാ​ണ്​ എം.​ഡി​ക്ക്​ ക​ത്ത്​ ന​ൽ​കി​യ​തെ​ന്ന്​ എം​പ്ലോ​യീ​സ്​ യൂ​നി​യ​ൻ ജ​ന​റ​ൽ സെ​ക്ര​ട്ട​റി പി. ​ബി​ജു പ​റ​ഞ്ഞു.

വെ​ള്ള​ക്ക​രം വ​ർ​ധി​പ്പി​ച്ച​ശേ​ഷം വ​രു​മാ​ന​ത്തി​ൽ വ​ർ​ധ​ന വ​ന്നെ​ങ്കി​ലും ഏ​റെ ബാ​ധ്യ​ത​ക​ൾ ജ​ല അ​തോ​റി​റ്റി​ക്ക്​ മു​ന്നി​ലു​ണ്ട്. ​വൈ​ദ്യു​തി നി​ര​ക്ക്​ കു​ടി​ശ്ശി​ക ഇ​ന​ത്തി​ൽ കൂ​ടു​ത​ൽ പ​ണം വേ​ണ​മെ​ന്ന സ​മ്മ​ർ​ദം കെ.​എ​സ്.​ഇ.​ബി ശ​ക്ത​മാ​ക്കി. സ​മീ​പ​കാ​ല​ത്ത്​ വി​ര​മി​ച്ച​വ​ർ​ക്ക്​ ന​ൽ​​കേ​ണ്ട ആ​നൂ​കൂ​ല്യ​ങ്ങ​ളു​ടെ വി​ത​ര​ണ​വും പൂ​ർ​ത്തി​യാ​ക്കാ​നാ​യി​ല്ല. ധ​ന​വ​കു​പ്പി​ന്‍റെ അ​നു​മ​തി കി​ട്ടി​യാ​ൽ വൈ​കാ​തെ പെ​ൻ​ഷ​ൻ പ​രി​ഷ്​​ക​ര​ണ​വും ന​ട​പ്പാ​ക്കേ​ണ്ട​തു​ണ്ട്. ധ​ന​വി​നി​യോ​ഗ​ത്തി​ലും നി​ക്ഷേ​പ​ത്തി​ലും സൂ​ക്ഷ്​​മ​ത പു​ല​ർ​​ത്തേ​ണ്ട സാ​ഹ​ച​ര്യ​ത്തി​ൽ സ്വ​കാ​ര്യ ബാ​ങ്കു​ക​ളി​ലേ​ക്ക്​ വ​ലി​യ​​തോ​തി​ൽ പ​ണം കൈ​മാ​റു​ന്ന​ത്​ സ്​​ഥാ​പ​ന​ത്തി​ന്​ ഗു​ണ​ക​ര​മാ​വി​ല്ലെ​ന്ന ആ​ശ​ങ്ക​യാ​ണു​യ​രു​ന്ന​ത്.