കൽപറ്റ: ചൂരൽമല ദുരന്ത ബാധിതർക്ക്‌ നൽകിയത് ഭക്ഷ്യയോഗ്യമല്ലാത്ത വസ്തുക്കളെന്ന് ആക്ഷേപം. പുഴുവരിച്ച ഭക്ഷ്യവസ്തുക്കളാണ് മേപ്പാടി പഞ്ചായത്ത് വിതരണം ചെയ്തതെന്നാണ് പരാതി.
അരി, റവ ഉൾപ്പെടെയുള്ള സാധനങ്ങൾ ഉപയോഗിക്കാനാവില്ലെന്ന് ഗുണഭോക്താക്കൾ പറയുന്നു. മൃഗങ്ങള്‍ക്ക് പോലും നല്‍കാന്‍ കഴിയാത്ത ഭക്ഷ്യവസ്തുക്കളാണ് നല്‍കിയിരിക്കുന്നതെന്നും വസ്ത്രങ്ങള്‍ ഉപയോഗിച്ചവയാണെന്നും ദുരന്ത ബാധിതർ ആരോപിച്ചു. സന്നദ്ധ സംഘടനകളും റവന്യൂ വകുപ്പും നൽകിയ ഭക്ഷ്യ കിറ്റുകളാണ് ദുരന്ത ബാധിതർക്ക്‌ നൽകിയത് എന്നാണ് മേപ്പാടി പഞ്ചായത്ത് അധികൃതരുടെ വിശദീകരണം.
സംഭവത്തില്‍ പ്രസിഡന്‍റിന്‍റെ ഓഫിസിലേക്ക് ഡി.വൈ.എഫ്.ഐ പ്രവർത്തകരും ദുരന്തബാധിതരും അതിക്രമിച്ചു കയറിയത് സംഘർഷത്തിനിടയാക്കി. ഓഫിസിലെ സാധനങ്ങൾ പ്രതിഷേധക്കാർ അടിച്ചുതകർത്തു. ഭക്ഷ്യവസ്തുക്കളുമായി ഡി.വൈ.എഫ്.ഐ പ്രവർത്തകർ ഓഫിസിൽ കുത്തിയിരുന്ന് പ്രതിഷേധിക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.