ബംഗളൂരു: ബംഗളൂരുവിൽ 16കാരിയെ ബലാത്സംഗം ചെയ്ത 73 കാരനെ പെൺകുട്ടിയുടെ ബന്ധുക്കൾ തല്ലിക്കൊന്നു. ഈസ്റ്റ് ബംഗളൂരുവിലെ കുപ്പണ്ണയാണ് കൊല്ലപ്പെട്ടത്. കഴിഞ്ഞ ഞായറാഴ്ച രാത്രിയാണ് സംഭവം. പെൺകുട്ടിയുടെ വീടിനടുത്താണ് കുപ്പണ്ണ താമസിച്ചിരുന്നത്. രാത്രി ഒമ്പതിന് ഉണങ്ങാനിട്ടിരുന്ന യൂനിഫോം എടുക്കാൻ പോയതായിരുന്നു പെൺകുട്ടി. പെൺകുട്ടിയെ വശീകരിച്ച് വീട്ടിലേക്ക് കൊണ്ടുപോയ ലുപ്പണ്ണ മയക്കു മരുന്ന് നൽകി അബോധാവസ്ഥയിലാക്കി ബലാത്സംഗം ചെയ്യുകയായിരുന്നു.
വസ്ത്രമെടുക്കാൻ പോയ പെൺകുട്ടിയെ കാണാതായതിനെ തുടർന്ന് അച്ഛനും അമ്മയും ഭയചകിതരായി. താമസിയാതെ ബന്ധുക്കളെ വിവരമറിയിക്കുകയും എല്ലാവതും നടത്തിയ തെരച്ചിലിൽ പെൺകുട്ടിയെ കുപ്പണ്ണയുടെ വീട്ടിൽ നഗ്നമായ നിലയിൽ കണ്ടെത്തുകയുമായിരുന്നു.
നടന്ന കാര്യങ്ങൾ പെൺകുട്ടി ബന്ധുക്കളോട് പറഞ്ഞു. തുടർന്ന് പെൺകുട്ടിയുടെ ബന്ധുക്കൾ കുപ്പണ്ണയെ മർദ്ദിക്കുകയായിരുന്നു. വിവരങ്ങൾ ബന്ധുക്കൾ പൊലീസ് സ്റ്റേഷനിൽ അറിയിക്കുകയും ചെയ്തു. മർദ്ദനമേറ്റ കുപ്പണ്ണയെ പൊലീസ് എത്തി ആശുപത്രിയിൽ പ്രവേശിപ്പിച്ചെങ്കിലും ഡോക്ടർമാർ മരിച്ചതായി സ്ഥിരീകരിച്ചു. കുപ്പണ്ണയുടെ പേരിൽ ബലാത്സംഗത്തിന് കേസെടുത്ത പൊലീസ് പെൺകുട്ടിയുടെ ബന്ധുക്കൾക്കെതിരെ കൊലപാതകത്തിനും കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.