ബംഗളൂരു: ആഭ്യന്തര വിമാന യാത്രക്കാരുടെ എണ്ണത്തിൽ രാജ്യത്ത് കർണാടക മൂന്നാമത്. സംസ്ഥാനത്തെ എല്ലാ എയർപോർട്ടുകളിലെയും യാത്രക്കാരുടെ എണ്ണം പരിഗണിച്ചാണിത്.
2023-24 ൽ 3,51,13,640 പേരാണ് സംസ്ഥാനത്തെ ആഭ്യന്തരയാത്രക്കായി സംസ്ഥാനത്തെ എയർപോർട്ടുകളുപയോഗിച്ചത്. ആഭ്യന്തര യാത്രക്കാരുടെ എണ്ണത്തിൽ കഴിഞ്ഞ വർഷത്തേതിൽനിന്ന് 16.6 ശതമാനത്തിന്റെ വളർച്ചയാണുണ്ടായത്. ഡൽഹിയും മഹാരാഷ്ട്രയുമാണ് ആദ്യ സ്ഥാനങ്ങളിൽ.
അതേസമയം അന്താരാഷ്ട്ര യാത്രക്കാരുടെ എണ്ണത്തിൽ സംസ്ഥാനം ഏഴാം സ്ഥാനത്താണ്. എയർപോർട്ടുകളിൽ ആഭ്യന്തര, അന്താരാഷ്ട്ര യാത്രക്കാരുടെ എണ്ണത്തിൽ ബംഗളൂരു കോംപഗൗഡ ഇന്റർനാഷനൽ എയർപോർട്ട് മൂന്നാം സ്ഥാനം നിലനിർത്തി.
അന്താരാഷ്ട്ര യാത്രക്കാരുടെ എണ്ണത്തിൽ കേരളം മൂന്നാം സ്ഥാനത്താണ്. എയർപോർട്ടുകളുടെ പട്ടികയിൽ കൊച്ചി അഞ്ചാം സ്ഥാനത്തും കോഴിക്കോട് ഏഴാം സ്ഥാനത്തുമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.