മിഥുൻ മാനുവൽ തോമസ് സംവിധാനം ചെയ്ത ആട് ഒരു ഭീകരജീവിയാണ് എന്ന ചിത്രം മലയാളികൾക്ക് വിവിധതരത്തിലുള്ള സ്വാധീനമാണ ് ഉണ്ടാക്കിയത്. ചിത്രം തിയേറ്ററുകളിൽ വലിയ ഒാളമുണ്ടാക്കിയില്ലെങ്കിലും ഷാജിപ്പാപ്പനും പിള്ളേരും ആരാധകരുടെ ഹൃ ദയത്തിൽ കയറി.
ഷാജിപ്പാപ്പാന്‍റെ വസ്ത്രവും മ്യൂസിക്കും ട്രെൻഡ് ആയി മാറി. സാമൂഹിക മാധ്യമത്തിൽ ഒന്നാം ഭാഗത്തിന്‍റെ പിന്തുണ കണ്ടാണ് വിജയ് ബാബുവും മിഥുനും ചിത്രത്തിന്‍റെ രണ്ടാം ഭാഗം ഒരുക്കിയത്. ആട് 2 ജനങ്ങൾ ഏറ്റെടുത്തു. തിയേറ്ററുകൾ പൂരപ്പറമ്പാക്കിയാണ് ചിത്രം ജൈത്രയാത്ര നടത്തിയത്. അതിന് പിന്നാലെയാണ് മൂന്നാം ഭാഗം ഉണ്ടാകുമെന്ന പ്രഖ്യാപനം ഉണ്ടായിരിക്കുന്നത്. നിർമാതാവ് വിജയ് ബാബു ഫേസ്ബുക്കിലൂടെയാണ് മൂന്നാം ഭാഗവുമായി ടീം എത്തുമെന്ന് അറിയിച്ചത്.
ഫെബ്രുവരി ആറിനാണ് ആട് 1 റിലീസായത്. അതുപോലെ മറ്റൊരു ഫെബ്രുവരി ആറിനാണ് ആട് 2 ചെ‍യ്യണമെന്ന് തീരുമാനിച്ചത്. ഇന്ന് തന്നെ പറയുന്നു ആട് 3 വരും -വിജയ് ബാബു ഫേസ്ബുക്കിൽ കുറിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.