മുംബൈ: തമിഴക രാഷ്ട്രീയത്തിലേക്ക് പ്രവേശിക്കുന്ന രജനീകാന്തിന് ആശംസകളുടെ പ്രവാഹം. വിജയാശംസകൾ അർപ്പിച്ചവരിൽ മുൻനിര നടന്മാരായ അമിതാഭ് ബച്ചനും കമൽ ഹാസനും അനുപം ഖേറുമൊക്കെയുണ്ട്. പ്രിയ സുഹൃത്തും സഹപ്രവർത്തകനും വിനയാന്വിതനായ മനുഷ്യസ്നേഹിയുമായ രജനികാന്ത് രാഷ്ട്രീയ പ്രവേശനം പ്രഖ്യാപിച്ചിരിക്കുന്നു. അദ്ദേഹത്തിെൻറ വിജയത്തിന് എല്ലാവിധ ആശംസകളും അർപ്പിക്കുന്നു എന്നായിരുന്നു ബച്ചെൻറ ട്വീറ്റ്. സഹോദരൻ രജനിയുടെ സാമൂഹികപ്രതിബദ്ധതയെയും രാഷ്ട്രീയ പ്രവേശനത്തെയും സ്വാഗതം ചെയ്യുന്നുവെന്ന് കമൽ ഹാസനും ട്വീറ്റ് ചെയ്തു. ഇൗ വർഷത്തെ ഏറ്റവും വലിയ വാർത്തയായാണ് നടൻ അനുപം ഖേർ ഇതിനെ വിശേഷിപ്പിച്ചത്. 2017െൻറ അവസാന ദിനം കടന്നുവന്നത് ഇൗ വർഷത്തിലെ ഏറ്റവും വലിയ ന്യൂസ്മേക്കറോടൊത്താണ്. രജനി രാഷ്ട്രീയത്തിൽ പ്രവേശിച്ചിരിക്കുന്നു. വിജയം ഭവിക്കെട്ട - ഖേർ എഴുതി. സൂപ്പർതാരത്തിെൻറ ഉദ്ദേശ്യശുദ്ധിയുടെ മാഹാത്മ്യം സ്നേഹാദരങ്ങളോടെ സ്വീകരിക്കപ്പെടുമെന്ന്് നടൻ റിതേഷ് ദേശ്മുഖും പ്രതികരിച്ചു. ജനാധിപത്യത്തിലും വികസനത്തിലും രജനി അർപ്പിക്കുന്ന വിശ്വാസം എല്ലാവർക്കും അറിയാമെന്നും എല്ലാവിധ ആശംസകളും അർപ്പിക്കുന്നുവെന്നും നടിയും കോൺഗ്രസ് വക്താവുമായ ഖുശ്ബു ട്വീറ്റ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.