അഞ്ജലി മേനോൻ ചിത്രം 'കൂടെ' സൗദിയിൽ റിലീസ് ചെയ്യുന്ന ആദ്യ മലയാളചിത്രം. സൗദിയിൽ രണ്ട് സ്ക്രീനുകളിലാണ് കൂടെ റിലീസ് ചെയ്യുന്നത്. റിയാദിലെ വോക്സ് സിനിമാസിലാകും കൂടെയുടെ പ്രദർശനം. ഇന്ന് രാത്രി 11 മണിക്കാണ് ആദ്യ ഷോ. കേരളത്തിൽ റിലീസിനെത്തി 25 ദിവസം പൂർത്തിയായ വേളയിലാണ് കൂടെ ജി.സി.സി രാജ്യങ്ങളിലേക്ക് എത്തുന്നത്.
കേരളത്തിൽ റിലീസ് ചെയ്ത് ദിവസങ്ങൾക്ക് ശേഷമാണ് അയൽ സംസ്ഥാനങ്ങളിൽ പോലും ചിത്രമെത്തിയത്. ബംഗളൂരുവിലും തമിഴ്നാട്ടിൽ നിന്നുമായി സിനിമ ഒരു കോടി കളക്ഷൻ നേടി. മുംബൈ, പൂനെ, ഡൽഹി, മാംഗ്ലൂർ, ഗോവ തുടങ്ങിയ ഇടങ്ങളിൽ നിന്ന് 11 ദിവസം കൊണ്ട് 80 ലക്ഷവും നേടി ചിത്രം മുന്നേറുകയാണ്.
ബാംഗ്ലൂർ ഡേയ്സിന് ശേഷം അഞ്ജലി മേനോൻ സംവിധാനം ചെയ്ത ചിത്രമാണ് 'കൂടെ'. പൃഥ്വിരാജ്, പാർവതി, നസ്രിയ തുടങ്ങിയവരാണ് പ്രധാനവേഷങ്ങളിൽ എത്തിയത്. അതുൽ കുൽക്കർണി, റോഷൻ മാത്യു, സിദ്ധാർഥ് മേനോൻ, മാല പാർവതി, വിജയരാഘവൻ, രഞ്ജിത്ത് എന്നിവരും ചിത്രത്തിലുണ്ട്. മഞ്ചാടിക്കുരുവിന് ശേഷം അഞ്ജലി മേനോനും പൃഥ്വിരാജും ഒന്നിക്കുന്ന ചിത്രം കൂടിയാണിത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.