ശ്രീകുമാർ മേനോൻ സംവിധാനം ചെയ്ത് മോഹൻലാൽ നായകനാവുന്ന ഒടിയൻ സിനിമയുടെ ലോക്കേഷനിൽ പുലിറ്റ്സർ ജേതാവും ഫോേട്ടാഗ്രാഫറുമായ നിക്ക് ഉട്ട് എത്തി. വെള്ളിയാഴ്ചയായിരുന്നു സിനിമയുടെ ലോക്കേഷനായ ഒളപ്പമണ്ണമനയിലേക്കുള്ള നിക്ക് ഉട്ടിെൻറ സന്ദർശനം.
ഒടിയൻ സിനിമയെ കുറിച്ചും ഭാവി പദ്ധതിയായ മഹഭാരതത്തെ സംബന്ധിച്ചും നിക്ക് ഉട്ടിന് സംവിധായകൻ ശ്രീകുമാർ മേനോൻ വിശദീകരിച്ചു നൽകി. മഹാഭാരതത്തെ അറിയുമോയെന്ന ശ്രീകുമാർ മേനോെൻറ ചോദ്യത്തിന് അതെയെന്നായിരുന്നു നിക്കിെൻറ മറുപടി. പിന്നീട് സിനിമയുടെ അണിയറ പ്രവർത്തകർക്കൊപ്പം ഉച്ചഭക്ഷണവും കഴിച്ചാണ് നിക്ക് ലോക്കേഷനിൽ നിന്ന് മടങ്ങിയത്. വ്യാഴാഴ്ച മമ്മുട്ടിയുമായും നിക്ക് ഉട്ട് കൂടികാഴ്ച നടത്തിയിരുന്നു.
പാലക്കാട് ജില്ലയിലെ ഒടിയൻ മിത്ത് പ്രമേയമാക്കി മോഹൻലാലിനെ പ്രധാനകഥാപാത്രമാക്കി ശ്രീകുമാർ മേനോൻ സംവിധാനം ചെയ്യുന്ന ചലച്ചിത്രമാണ് ഒടിയൻ. മഞ്ജു വാര്യരാണ് നായിക. സിദ്ധിഖ്, ഇന്നസെൻറ്, സന, നരേൻ, കൈലാഷ് എന്നിവരും ചിത്രത്തിൽ വേഷമിടുന്നുണ്ട്. ആശിര്‍വാദ് സിനിമാസിെൻറ ബാനറില്‍ ആൻറണി പെരുമ്പാവൂരാണ് ചിത്രം നിർമിക്കുന്നത്. ദേശീയ അവാര്‍ഡ് നേടിയ തിരക്കഥാകൃത്തും പത്രപ്രവര്‍ത്തകനുമായ ഹരികൃഷ്ണനാണ് തിരക്കഥാകൃത്ത്. നടൻ പ്രകാശ് രാജ് ആണ് പ്രതിനായക കഥാപാത്രമായി വരുന്നത്. സാബു സിറിലാണ് പ്രൊഡക്ഷന്‍ ഡിസൈന്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.