ആലപ്പുഴ: പുതുച്ചേരി വാഹന റജിസ്ട്രേഷൻ തട്ടിപ്പ് കേസിൽ നടൻ ഫഹദ് ഫാസിലിെൻറ മുൻകൂർ ജാമ്യാപേക്ഷയിൽ നാളെ വിധി. ആലപ്പുഴ ജില്ല സെഷൻസ് കോടതിയാണ് വിധി പറയുക.
നികുതി വെട്ടിച്ച് ആഡംബരക്കാറു വാങ്ങിയ കേസിൽ ഫഹദിെനതിരായ ഹരജിൽ വാദം പൂർത്തിയായി. ഫഹദിന് മുൻകൂർ ജാമ്യം നൽകുന്നതിനെ പ്രോസിക്യുഷൻ എതിർത്തു. തുടർന്ന് മുൻകൂർ ജാമ്യാപേക്ഷ പരിഗണിക്കുന്നത് വ്യാഴാഴ്ച്ചത്തേക്ക് മാറ്റുകയായിരുന്നു.
വാഹന രജിസ്ട്രേഷൻ കേസിൽ നടി അമല പോളിെൻറ മുൻകുർ ജാമ്യാപേക്ഷ ജനുവരി ആറിലേക്ക് മാറ്റി.
പുതുച്ചേരിയിൽ വ്യാജ വിലാസത്തിൽ കാർ രജിസ്റ്റർ ചെയ്ത് 19 ലക്ഷം നികുതി വെട്ടിപ്പ് നടത്തിയെന്നാണ് ഫഹദിനെതിരായ കേസ്. ഫഹദ് ഫാസിൽ പിന്നീട് കേരളത്തിൽ നികുതിയടച്ച് മുൻകൂർ ജാമ്യാപേക്ഷ നൽകുകയായിരുന്നു.
തെൻറ ഇ ക്ലാസ് ബെൻസുമായി ബന്ധപ്പെട്ട് നികുതി വിവാദമുണ്ടായ സാഹചര്യത്തിൽ 17.68 ലക്ഷം ഫഹദ് നികുതിയടച്ചിരുന്നു. എന്നാൽ, വ്യാജ മേൽവിലാസമുണ്ടാക്കി വാഹനം രജിസ്റ്റർ ചെയ്തെന്ന കേസിൽ ചോദ്യംചെയ്യലിന് വിധേയമാകാൻ ക്രൈം ബ്രാഞ്ച് നോട്ടീസ് നൽകിയിരുന്നു. എന്നാൽ
ഫഹദ് ഫാസിലും അമലപോളും ക്രൈംബ്രാഞ്ച് മുമ്പാകെ ചോദ്യം ചെയ്യലിന് ഹാജരായില്ല. നടനും എം.പിയുമായ സുരേഷ് ഗോപിയോട് വ്യാഴാഴ്ച ചോദ്യം ചെയ്യലിന് ഹാജരാകാൻ ൈക്രംബ്രാഞ്ച് ആവശ്യപ്പെട്ടിട്ടുണ്ട്.
അമലപോളിനോട് ചൊവ്വാഴ്ച രാവിലെ 10.30നും ഫഹദിനോട് വൈകീട്ട് മൂന്നരക്കും ക്രൈംബ്രാഞ്ച് ആസ്ഥാനത്ത് ഹാജരായി മൊഴി നൽകാനാണ് ആവശ്യപ്പെട്ടിരുന്നത്. എന്നാൽ, ഇരുവരും മൂന്നാഴ്ചത്തെ സമയം കൂടി ആവശ്യപ്പെട്ടു. ഷൂട്ടിങ് തിരക്കായതിനാലാണ് ഹാജരാകാൻ സാധിക്കാത്തതെന്നും കൂടുതൽ സമയം അനുവദിക്കണമെന്നുമാണ് ഇരുവരും ക്രൈംബ്രാഞ്ചിന് നൽകിയ അപേക്ഷകളിൽ ആവശ്യപ്പെട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.