യുവതാരം അമിത് ചക്കാലക്കൽ നായകനാകുന്ന വാരിക്കുഴിയിലെ കൊലപാതകത്തിെൻറ ട്രൈലർ പുറത്തുവിട്ടു. ലാൽ ബഹദൂർ ശാസ്ത്രിക്കു ശേഷം രജീഷ്‌ മിഥില തിരക്കഥയെഴുതി സംവിധാനം ചെയ്യുന്ന ചിത്രത്തിൽ ദിലീഷ് പോത്തൻ, ലാൽ, നെടുമുടി വേണു എന്നിവരും പ്രധാന വേഷങ്ങളിൽ അഭിനയിക്കുന്നുണ്ട്. ഒരു പള്ളീലച്ചെൻറ വേഷത്തിലാണ് അമിത് ചിത്രത്തിലെത്തുന്നത്.
ഒരു തുരുത്തിലെ കൊലപാതകവും അതിനെ തുടർന്നുള്ള പ്രശ്നങ്ങളുമാണ് ഹാസ്യത്തിെൻറ അകമ്പടിയോടെ ചിത്രത്തിൽ പകർത്തിയിരിക്കുന്നത്. ചിത്രത്തിെൻറ സംഗീതമൊരുക്കിയിരിക്കുന്നത്‌ മെജോ ജോസഫാണ്. 25 വർഷങ്ങൾക്കു ശേഷം കീരവാണി മലയാളത്തിൽ ഗാനം ആലപിക്കുന്നു എന്ന പ്രത്യേകതയും വാരിക്കുഴിയിലെ കൊലപാതകത്തിനുണ്ട്.
നടന്‍ ജയസൂര്യയാണ് ചിത്രത്തിെൻ ട്രെയിലര്‍ ഫേസ്ബുക്കിലൂടെ പുറത്ത് വിട്ടത്. ടേക്ക്‌ വൺ എൻറർടൈൻമെൻറ്സിെൻറ ബാനറിൽ ഷിബു ദേവദത്തും സുജീഷ്‌ കോലോത്തൊടിയും നിർമിക്കുന്ന ചിത്രം ഫെബ്രുവരി 22ന് തിയേറ്ററുകളിലെത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.