ആദി എന്ന സിനിമയിലൂടെ അരങ്ങേറ്റം കുറിക്കുന്ന പ്രണവ് മോഹൻലാലിന് ആശംസകളുമായി നടൻ ദുൽഖർ സൽമാൻ. തന്‍റെ ഫേസ്ബുക്ക് പേജിലൂടെയാണ് ആശംസകളുമായി രംഗത്തെത്തിയത്.
പ്രിയപ്പെട്ട അപ്പുവിന് എല്ലാ ആശംസകളും നേരുന്നു. പ്രണവ് ചിത്രത്തിലെ സംഘട്ടന രംഗങ്ങള്‍ക്ക് ഉള്‍പ്പെടെ നടത്തിയ തയ്യാറെടുപ്പുകള്‍ അറിയാമെന്നും എല്ലാവരെയും രസിപ്പിക്കുന്ന ചിത്രമായിരിക്കട്ടെ ഇതെന്നും ദുല്‍ഖര്‍ ഫേസ്ബുക്കിൽ കുറിച്ചു.
ജീത്തു ജോസഫാണ് ചിത്രം സംവിധാനം ചെയ്യുന്നത്. ആദി എന്ന് പേരിട്ടിരിക്കുന്ന ചിത്രത്തിന്‍റെ പൂജ ഇന്ന് തിരുവനന്തപുരത്ത് നടന്നിരുന്നു. ചടങ്ങില്‍ മോഹന്‍ലാലും സുചിത്രയും മകള്‍ വിസ്മയയും പങ്കെടുത്തു. ആശിര്‍വാദ് സിനിമാസിന്‍റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.