മെഗാ സ്റ്റാർ മമ്മൂട്ടിയുടെ തെലുങ്ക് ചിത്രം യാത്രയുടെ ടീസർ തരംഗമാവുന്നു. ആന്ധ്രയിലെ ഏറ്റവും ജനകീയ മുഖ്യമന്ത്രിയായിരുന്ന വൈ.എസ്. രാജശേഖര റെഡ്ഡിയായി മമ്മൂട്ടി വേഷമിടുന്ന യാത്രയുടെ പോസ്റ്ററുകളും ഫസ്റ്റ്ലുക്കും വൈറലായിരുന്നു.
വൈ.എസ്.ആറിെൻറ ജന്മദിനമായ ശനിയാഴ്ച അദ്ദേഹത്തിെൻറ ആരാധകർക്ക് വേണ്ടിയായിരുന്നു ചിത്രത്തിെൻറ ടീസർ പുറത്തുവിട്ടത്. ആന്ധ്രയിലും തെലങ്കാനയിലും ടീസറിന് വൻ വരവേൽപ്പാണ് ലഭിക്കുന്നത്.
മഹി വി. രാഘവ് സംവിധാനം ചെയ്യുന്ന ചിത്രം നിർമിക്കുന്നത് വിജയ് ചില്ല, ശശി ദേവിറെഡ്ഡി എന്നിവർ ചേർന്നാണ്. തമിഴ് നടൻ സൂര്യ ചിത്രത്തിൽ മമ്മൂട്ടിയുടെ മകനായി വേഷമിടുന്നുണ്ടെന്ന സ്ഥിരീകരിക്കാത്ത റിപ്പോർട്ടുകളുണ്ട്. സുഹാസിനി മണിരത്നവും പ്രധാന വേഷത്തിലുണ്ട്.
ടീസറിൽ മമ്മൂട്ടിയുടെ തെലുങ്ക് സംഭാഷണങ്ങളിലെ കൃത്യതയാണ് ഇപ്പോൾ സമൂഹ മാധ്യമങ്ങളിലെ ചർച്ചാ വിഷയം. 1992ൽ പുറത്തുവന്ന സ്വാതികിരണം എന്ന ചിത്രത്തിൽ നായകനായായിരുന്നു മമ്മൂട്ടിയുടെ തെലുങ്ക് അരങ്ങേറ്റം. സ്വാതികിരണം തെലുങ്കിലെ ഒരു ക്ലാസിക് ചിത്രമായാണ് ഇപ്പോഴും കണക്കാക്കപ്പെടുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.