കണ്ണപുരം /കണ്ണൂർ: ബൈക്കും സ്കൂട്ടിയും കൂട്ടിയിടിച്ച് ആറ് വയസുകാരി മരിച്ചു. രണ്ടു പേർക്ക് പരിക്ക്. കെ. കണ്ണപുരം വായനശാലക്ക് സമീപംത്ത് ബൈക്കും സ്കൂട്ടിയും കൂട്ടിയിടിച്ച് ആറ് വയസുകാരി മരിച്ചു. യോഗ ശാലക്ക് സമീപത്തെ എം. ഷഹയാണ് മരിച്ചത്. പരിക്കേറ്റ രണ്ടുപേരെ കണ്ണുരിലെ സ്വകാര്യ ആശുപത്രിയിൽ പ്രവേശിപ്പിച്ചു..
ബുധനാഴ്ച രാവിലെയോടെയായിരുന്നു അപകടം . മദ്രസ വിട്ട് ബന്ധുവിനൊപ്പം സ്കൂട്ടറിൽ വീട്ടിലേക്ക് മടങ്ങുന്നതിനിടെ ബൈക്ക് ഇടിക്കുകയായിരുന്നു. റോഡിലേക്ക് തെറിച്ച് വീണ ഷഹയെയും ബന്ധുവിനെയും ഉടൻ തന്നെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ഷഹ മരണപ്പെടുകയായിരുന്നു. ഷിറാസ് ഹസീന ദമ്പതികളുടെ മകളും പാപ്പിനിശ്ശേരി ഹിദായത്തുൽ സ്കൂൾ ഒന്നാം ക്ലാസ് വിദ്യാർഥിനിയാണ്. മൃതദേഹം പരിയാരത്തെ കണ്ണൂർ ഗവ. മെഡിക്കൽ കോളജ് ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.