ജയഘോഷ് എടത്തറയിൽ കുട്ടികൾക്ക് ഫുട്ബാൾ കൈമാറുന്നു
പറളി: തെരഞ്ഞെടുപ്പിൽ ചുരുങ്ങിയ വോട്ടുകൾക്ക് പരാജയപ്പെട്ടിട്ടും വോട്ടഭ്യർഥന സമയത്ത് കുട്ടികൾക്കും യുവാക്കൾക്കും നൽകിയ വാക്ക് പാലിക്കാൻ ഫുട്ബാളുമായി ജയഘോഷ് എത്തി.
കെ.എസ്.യു ജില്ല പ്രസിഡൻറും ജില്ല പഞ്ചായത്ത് പറളി ഡിവിഷൻ യു.ഡി.എഫ് സ്ഥാനാർഥിയുമായിരുന്ന കെ.എസ്. ജയഘോഷാണ് ഫുട്ബാളുമായി പറളി എടത്തറ - അഞ്ചാംമൈലിൽ കുട്ടികളെ കാണാനെത്തിയത്. സ്ഥാനാർഥിയായി മത്സരിക്കുന്ന സമയത്ത് പ്രചാരണത്തിനിടയിൽ എടത്തറയിൽ വെച്ച് രണ്ട് ക്ലബിലെ കുട്ടികൾ ജയിച്ചാൽ കളിക്കാൻ ഫുട്ബാൾ വാങ്ങിത്തരണമെന്ന് ആവശ്യപ്പെട്ടിരുന്നു. മത്സരത്തിൽ പരാജയം രുചിച്ചാലും കുട്ടികൾ ആവശ്യപ്പെട്ട രണ്ട് ഫുട്ബാളുകളുമായി ജയഘോഷ് അവരുടെ കളിസ്ഥലത്ത് എത്തി കുട്ടികൾക്ക് കൈമാറി.
പറളി മണ്ഡലം കോൺഗ്രസ് പ്രസിഡൻറ് എം.ആർ. ഗുരുവായൂരപ്പൻ, മണ്ഡലം ഭാരവാഹികളായ കെ.കെ. കൃഷ്ണദാസ്, കുഞ്ചൂസ് എടത്തറ, കെ. മണികണ്ഠൻ, വി. രമേശ്‌, എച്ച്. അബ്ദുല്ല, എ. സുരേഷ്, റിൻഷാദ്, കെ.എ. സുലൈമാൻ എന്നിവർ ജയഘോഷിനൊപ്പം എത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.