ന്യൂഡൽഹി: വിവാഹ ഫോട്ടോഷൂട്ടിന് മയക്കി കിടത്തിയ സിംഹക്കുട്ടിയെ ഉപയോഗിച്ചതിനെതിരെ പ്രതിഷേധം. പാകിസ്താനിലെ നിരവധി മൃഗസ്നേഹികളാണ് പ്രതിഷേധവുമായി രംഗത്തെത്തിയത്.
വെഡ്ഡിങ് സ്റ്റുഡിയോയുടെ ഇൻസ്റ്റഗ്രാം പേജിലാണ് ആദ്യം വിഡിയോ പോസ്റ്റ്ചെയ്തത്. മരുന്ന് നൽകി മയക്കി കിടത്തിയിരിക്കുന്ന സിംഹക്കുട്ടിയുടെ സമീപം നവദമ്പതികൾ കൈകോർത്തിരിക്കുന്നതും സിംഹക്കുട്ടിയുടെ സമീപം ഫോേട്ടാക്ക് പോസ് ചെയ്യുന്നതും വിഡിയോയിൽ കാണാം.
ജെ.എഫ്.കെ ആനിമൽ റെസ്ക്യൂ ആൻഡ് ഷെൽട്ടറിന്‍റെ ഇൻസ്റ്റഗ്രാമിലാണ് ആദ്യം പ്രതിഷേധം ഉയർന്നത്. തുടർന്ന് മൃഗങ്ങളെ സംരക്ഷിക്കണമെന്ന ഹാഷ്ടാഗുകളിൽ മറ്റു സമൂഹമാധ്യമങ്ങളിലൂടെയും പ്രതിഷേധം വ്യാപിച്ചു.
ലാഹോറിലെ സ്റ്റുഡിയോ അധികൃതരുടെ കൈയിൽനിന്നും സിംഹക്കുട്ടിയെ മോചിപ്പിക്കണമെന്നാണ് ആവശ്യം. കൂടാതെ സ്റ്റുഡിയോ അധികൃതർക്കെതിരെ നടപടി സ്വീകരിക്കണമെന്നും പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.