ചൈ​നാ​മാ​ൻ ​ഫ്രം കേ​ര​ള

അ​ന്ന് വി​ഗ്നേ​ഷി​ന് പ്രാ​യം 10 വ​യ​സ്സ്. അ​യ​ൽ​വാ​സി​യാ​യ 15കാ​ര​നൊ​പ്പം വീ​ടി​ന് മു​ന്നി​ലെ റോ​ഡി​ൽ മ​ക​ൻ ക്രി​ക്ക​റ്റ് ക​ളി​ക്കു​മ്പോ​ൾ പെ​രി​ന്ത​ൽ​മ​ണ്ണ കു​ന്ന​പ്പ​ള്ളി പൂ​ത്തൂ​ർ വീ​ട്ടി​ൽ ഓ​ട്ടോ ഡ്രൈ​വ​റാ​യ പി. ​സു​നി​ൽ കു​മാ​റും ഭാ​ര്യ കെ.​പി. ബി​ന്ദു​വും അ​തൊ​രു ‘ക​ണ്ടം ക​ളി’​യാ​യേ ക​ണ്ടു​ള്ളൂ.

സ്കൂ​ൾ വി​ട്ടു​വ​ന്നാ​ൽ അ​യ​ൽ​വാ​സി ഷെ​രീ​ഫി​നോ​പ്പം ബാ​റ്റും ബാ​ളും ത​ട്ടി​ക​ളി​ക്കു​ന്ന അ​വ​നി​ൽ​നി​ന്ന് ആ ​കു​ടും​ബം ഒ​രു അ​പ്ര​തീ​ക്ഷി​ത ട്വി​സ്റ്റ് പ്ര​തീ​ക്ഷി​ച്ചു​കാ​ണി​ല്ല. അ​തി​ന​വ​രെ കു​റ്റം പ​റ​യാ​നു​മാ​വി​ല്ല. ഇ​ന്ത്യ​ൻ ക്രി​ക്ക​റ്റി​ലേ​ക്ക് മ​ല​പ്പു​റ​ത്തി​ന്‍റെ ഒ​രു ഗ്രാ​മ​പ്ര​ദേ​ശ​ത്തെ അ​സൗ​ക​ര്യ​ങ്ങ​ളി​ൽ നി​ന്ന് വ​ള​ർ​ന്നു വ​രി​ക​യെ​ന്ന​ത് അ​വ​രു​ടെ പ്ര​തീ​ക്ഷ​ൾ​ക്കും അ​പ്പു​റ​മാ​യി​രു​ന്നു. ഒ​രി​ക്ക​ൽ ഷെ​രീ​ഫ് വീ​ട്ടി​ൽ വ​ന്നു ചോ​ദി​ച്ചു. ‘ക​ണ്ണ​ൻ ന​ന്നാ​യി ക്രി​ക്ക​റ്റ് ക​ളി​ക്കു​ന്നു​ണ്ട്.

അ​വ​നെ പെ​രി​ന്ത​ൽ​മ​ണ്ണ​യി​ലെ കോ​ച്ചി​ങ് ക്യാ​മ്പി​ലേ​ക്ക് വി​ടു​മോ?’. വി​ഘ്നേ​ഷി​ന്‍റെ വി​ളി​പേ​രാ​ണ് ക​ണ്ണ​ൻ. പ​ഠി​ക്കു​ന്ന പ്രാ​യ​ത്തി​ൽ അ​വ​നെ ക​ളി​ക്കാ​ൻ വി​ട​ണോ എ​ന്നാ​യി​രുന്നു അ​വ​രു​ടെ മ​ന​സി​ൽ ആ​ദ്യം തോ​ന്നി​യ​ത്. എ​ന്നാ​ലും അ​വ​ന്‍റെ ആ​ഗ്ര​ഹ​പ്ര​കാ​രം അ​വ​ർ ആ ​തീ​രു​മാ​ന​ത്തി​നൊ​പ്പം നി​ന്നു.

ക്രി​ക്ക​റ്റി​ൽ വ​ലി​യ ഭാ​വി​യൊ​ന്നും പ്ര​തീ​ക്ഷി​ച്ചാ​യി​രു​ന്നി​ല്ല അ​വ​ർ അ​വ​നെ ക്രി​ക്ക​റ്റ് പ​രി​ശീ​ല​ന​ത്തി​നാ​യി പ​റ​ഞ്ഞ​യ​ച്ച​ത്. പെ​രി​ന്ത​ൽ​മ​ണ്ണ​യി​ലെ സി.​ജെ. വി​ജ​യ​കു​മാ​റി​ന്റെ കീ​ഴി​ലാ​യി​രു​ന്നു ആ​ദ്യ പ​രി​ശീ​ല​നം. ശാ​രീ​രി​ക​മാ​യി അ​ത്ര ഫി​റ്റ​ല്ലാ​തി​രു​ന്ന​തി​നാ​ൽ അ​വ​ന് ക​ളി​യി​ൽ എ​ത്ര​മാ​ത്രം തി​ള​ങ്ങാ​നാ​വു​മെ​ന്ന ആ​ശ​ങ്ക അ​വ​ർ​ക്കു​ണ്ടാ​യി​രു​ന്നു.

എ​ന്നാ​ൽ വി​ഘ്നേ​ഷ് ഇ​തി​നെ​യെ​ല്ലാം മ​റി​ക​ട​ന്ന് ത​ന്‍റെ ക​ളി മി​ക​വ് ഉ​യ​ർ​ത്തി​ക്യ​ക്കൊ​ണ്ടി​രു​ന്നു. വി​ജ​യ​കു​മാ​റി​ന്‍റെ കീ​ഴി​ലെ പ​രി​ശീ​ല​ന​ത്തി​ന് ശേ​ഷം കേ​ര​ള ക്രി​ക്ക​റ്റ് അ​സോ​സി​യേ​ഷ​ന്‍റെ കീ​ഴി​ലും പ​രി​ശീ​ല​നം ന​ട​ത്തി അ​വ​ൻ ഉ​യ​ർ​ന്നു​വ​ന്നു. കേ​ര​ള​ത്തി​നാ​യി അ​ണ്ട​ർ 14, 16, 19 ടീ​മു​ക​ളി​ൽ മി​ക​ച്ച പ്ര​ക​ട​നം ന​ട​ത്തി.

ക​ഴി​ഞ്ഞ വ​ർ​ഷം ന​ട​ന്ന പ്ര​ഥ​മ കേ​ര​ള ക്രി​ക്ക​റ്റ് ലീ​ഗി​ൽ ആ​ല​പ്പി റി​പ്പി​ൾ​സി​ൽ ക​ളി​ക്കാ​ൻ അ​വ​സ​രം ല​ഭി​ച്ച​ത് ക​രി​യ​റി​ലെ വ​ഴി​ത്തി​രി​വാ​യി. അ​പ്ര​തീ​ക്ഷി​ത​മാ​യി മു​ബൈ ഇ​ന്ത്യ​ൻ​സ് ടീ​മി​ലേ​ക്കും വി​ളി വ​ന്ന​തോ​ടെ​യാ​ണ് വീ​ട്ടു​കാ​ർ​ക്ക് ഇ​വ​ൻ പ്ര​തീ​ക്ഷ എ​ല്ലാം ‘തെ​റ്റി​ക്കു​ക’​യാ​യി​രു​ന്ന​ല്ലോ എ​ന്ന ബോ​ധ്യം വ​ന്ന​ത്. കേ​ര​ള സീ​നി​യ​ര്‍ ടീ​മി​ന്‍റെ ജ​ഴ്‌​സി അ​ണി​ഞ്ഞി​ട്ടി​ല്ല. അ​തി​ന് മു​മ്പാ​ണ് വി​ഘ്നേ​ഷി​നെ ഐ.​പി.​എ​ല്‍ ഭാ​ഗ്യം തേ​ടി​യെ​ത്തി​യ​ത്.

മ​ല​പ്പു​റം ‘ട്വി​സ്റ്റ്’ ഫ്രം ​മു​ബൈ

2024 ന​വം​ബ​റി​നാ​ണ് വി​ഘ്നേ​ഷി​ന്‍റെ ക​രി​യ​റി​ലെ വ​ലി​യ ട്വി​സ്റ്റ് സം​ഭ​വി​ച്ച​ത്. ന​വം​ബ​ർ 25ന് ​രാ​ത്രി ഐ.​പി.​എ​ല്‍ താ​ര​ലേ​ലം അ​വ​സാ​നി​ക്കാ​ൻ മി​നി​റ്റു​ക​ൾ മാ​ത്രം ബാ​ക്കി. പെ​രി​ന്ത​ൽ​മ​ണ്ണ കു​ന്ന​പ്പ​ള്ളി പു​ത്തൂ​ർ വീ​ട്ടി​ൽ ടി.​വി​യി​ൽ ലേ​ലം ക​ണ്ടു​നി​ന്ന വി​ഘ്നേ​ഷി​നും കു​ടും​ബ​ത്തി​നും പ്ര​തീ​ക്ഷ ഏ​റെ​കു​റെ കൈ​വി​ട്ടി​രു​ന്നു.

എ​ന്നാ​ൽ ലേ​ല​ത്തി​ലെ അ​വ​സാ​നം വി​ളി​ച്ച ര​ണ്ട്പേ​രി​ൽ ഒ​രാ​ളാ​യി വി​ഘ്നേ​ഷി​നെ മു​ബൈ ഇ​ന്ത്യ​ൻ​സ് ടീ​മി​ലെ​ടു​ത്ത​പ്പോ​ൾ അ​തൊ​രു സ്വ​പ്ന സാ​ഫ​ല്യ​മാ​യി. ഇ​ട​ങ്ക​യ്യ​ന്‍ സ്പി​ന്‍ ബൗ​ള​റാ​യ 23കാ​ര​ൻ വി​ഘ്‌​നേ​ഷി​നെ അ​ടി​സ്ഥാ​ന വി​ല​യാ​യ 30 ല​ക്ഷം രൂ​പ ന​ല്‍കി​യാ​ണ് മും​ബൈ ടീ​മി​ലെ​ത്തി​ച്ച​ത്.

മു​ബൈ ഇ​ന്ത്യ​ൻ​സ് ടീ​മി​ലെ​ടു​ത്ത​പ്പോ​ൾ വി​ഘ്നേ​ഷ​ന്‍റെ​യും കു​ടും​ബ​ത്തി​ന്‍റെ​യും സ​ന്തോ​ഷം ബൗ​ണ്ട​റി ക​ട​ന്നി​രു​ന്നു. ‘ലേ​ല​ത്തി​ന് മു​മ്പ് മൂ​ന്ന് ത​വ​ണ മു​ബൈ ഇ​ന്ത്യ​ൻ​സി​ന്‍റെ ട്രെ​യ​ൽ​സി​ൽ പ​ങ്കെ​ടു​ത്തി​രു​ന്നു. ഐ.​പി.​എ​ൽ ലേ​ല​ത്തി​ൽ മു​ബൈ വി​ളി​ക്കു​മെ​ന്ന പ്ര​തീ​ക്ഷ​യി​ലാ​യി​രു​ന്നു. എ​ന്നാ​ലും ലേ​ലം അ​വ​സാ​ന ലാ​പി​ലെ​ത്തി​യ​പ്പോ​ൾ പ്ര​തീ​ക്ഷ കു​റ​ഞ്ഞി​രു​ന്നു.

മു​ബൈ ഇ​ന്ത്യ​ൻ​സ് ടീ​മി​ൽ ഇ​ടം നേ​ടി​യ​ത് സ്വ​പ്ന തു​ല്യ നേ​ട്ട​മാ​ണ്. ഒ​രു​പാ​ടു​പേ​രു​ടെ പി​ന്തു​ണ​യാ​ണ് നേ​ട്ട​ത്തി​ലേ​ക്ക് വ​ഴി​തെ​ളി​യി​ച്ച​ത് വി​ഗ്നേ​ഷി​ന്‍റെ പി​താ​വ് പ​റ​യു​ന്നു. ആ ​സ​ന്തോ​ഷ​ത്തി​നെ ഇ​ര​ട്ടി​മ​ധു​ര​മാ​ക്കി​യാ​ണ് വി​ഘ്നേ​ഷി​ന്റെ ഐ.​പി.​എ​ൽ അ​ര​ങ്ങേ​റ്റ​വും ന​ട​ന്ന​ത്.

അ​ര​ങ്ങേ​റ്റ​ത്തി​ലെ സ്റ്റാ​ർ

‘മു​ബൈ​യു​ടെ ആ​ദ്യ മ​ത്സ​ര​ത്തി​ന് തൊ​ട്ടു മു​മ്പ് വി​ഘ്നേ​ഷ് വി​ളി​ച്ചി​രു​ന്നു. ആ​ദ്യ ക​ളി​ക്ക് ഇ​റ​ങ്ങാ​ൻ സാ​ധ്യ​ത​യി​ല്ലെ​ന്നും ടീ​മി​നാ​യി പ്രാ​ർ​ഥി​ക്ക​ണ​മെ​ന്നും അ​വ​ൻ പ​റ​ഞ്ഞു. ക​ളി ടി.​വി​യി​ൽ ക​ണ്ടി​രി​ക്കെ അ​പ്ര​തീ​ക്ഷ​ത​മാ​യാ​ണ് അ​വ​ൻ ബോ​ളെ​റി​യാ​ൻ എ​ത്തി​യ​ത്. ആ ​നി​മി​ഷം വ​ല്ലാ​ത്ത സ​ന്തോ​ഷ​മാ​യി​രു​ന്നു.

അ​ര​ങ്ങേ​റ്റ​ത്തി​ൽ ത​ന്നെ മൂ​ന്ന് വി​ക്ക​റ്റു​മെ​ടു​ത്ത് അ​വ​ൻ താ​ര​മാ​യ​പ്പോ​ൾ ഞ​ങ്ങ​ൾ​ക്ക​ത് ഇ​പ്പോ​ഴും ഒ​രു സ്വ​പ്നം പോ​ലെ​യാ​ണ്’ വി​ഘ്നേ​ഷി​ന്‍റെ അ​മ്മ ബി​ന്ദു പ​റ​യു​ന്നു. ആ​ദ്യ ഇ​ല​വ​നി​ൽ ഇ​ടം​പി​ടി​ക്കാ​തി​രു​ന്ന വി​ഘ്നേ​ഷി​നെ രോ​ഹി​ത് ശ​ർ​മ​ക്ക് പ​ക​രം ഇം​പാ​ക്ട് പ്ലെ​യ​റാ​യാ​ണ് ടീ​മി​ൽ ഉ​ൾ​പ്പെ​ടു​ത്തി​യ​ത്.

രോ​ഹി​തി​ന് ചെ​റി​യ പ​രി​ക്കേ​റ്റ​താ​ണ് പ​ക​രം വി​ഘ്നേ​ഷി​നെ ക​ളി​പ്പി​ക്കാ​മെ​ന്ന തീ​രു​മാ​ന​ത്തി​ലെ​ത്തി​ച്ച​ത്. ത​ന്നെ ഏ​ൽ​പ്പി​ച്ച ദൗ​ത്യം നാ​യ​ക​ൻ പ്ര​തീ​ക്ഷി​ക്കു​ന്ന​തി​ലും വേ​ഗ​ത്തി​ൽ നി​റ​വേ​റ്റാ​ൻ മ​ല​യാ​ളി താ​ര​ത്തി​ന് ക​ഴി​ഞ്ഞു. 26 പ​ന്തി​ൽ 53 റ​ൺ​സു​മാ​യി ക്രീ​സി​ൽ ക​ത്തി​നി​ന്ന ചെ​ന്നൈ ക്യാ​പ്റ്റ​ൻ ഗെ​യ്ക്‍വാ​ദി​നെ​ത​ന്നെ ത​ന്‍റെ ആ​ദ്യ ഇ​ര​യാ​ക്കി​യാ​ണ് വി​ഘേ​നേ​ഷ് ഐ.​പി.​എ​ൽ ക​രി​യ​റി​ലെ ത​ന്റെ ആ​ദ്യ വി​ക്ക​റ്റെ​ടു​ത്ത​ത്.

ആ​ദ്യ ഓ​വ​റി​ലെ അ​ഞ്ചാം പ​ന്തി​ലാ​യി​രു​ന്നു വി​ക്ക​റ്റ്. ത​ന്റെ ര​ണ്ടാം ഓ​വ​റി​ലെ നാ​ലാം പ​ന്തി​ൽ തി​ല​ക് വ​ർ​മ​യെ​യും മൂ​ന്നാം ഓ​വ​റി​ൽ ദീ​പ​ക് ഹൂ​ഡ​യെ​യും വി​ഘ്നേ​ഷ് വി​ക്ക​റ്റി​ന് മു​മ്പി​ൽ കു​ടു​ക്കി. നാ​ല് ഓ​വ​റി​ൽ 32 റ​ൺ​സ് വ​ഴ​ങ്ങി മൂ​ന്ന് വി​ക്ക​റ്റു​മെ​ടു​ത്ത് ഞെ​ട്ടി​ച്ചാ​ണ് യു​വ​താ​രം മ​ട​ങ്ങി​യ​ത്.

പ്ര​തീ​ക്ഷ വാ​നോ​ളം

ഐ.​പി.​എ​ൽ വ​ഴി ഭാ​ഗ്യം തെ​ളി​ഞ്ഞ് ഇ​ന്ത്യ​ൻ ടീ​മി​ലെ​ത്ത​ണ​മെ​ന്നാ​ണ് വി​ഘ്നേ​ഷി​നെ​റ​യും വീ​ട്ടു​കാ​രു​ടെ​യും ആ​ഗ്ര​ഹം. കൂ​ടാ​തെ കേ​ര​ള​ത്തി​നാ​യി ര​ഞ്ജി മ​ത്സ​ര​ങ്ങ​ളി​ലും അ​വ​ന്‍റെ സാ​ന്നി​ധ്യം അ​വ​ർ കാ​ത്തി​രി​ക്കു​ക​യാ​ണ്. ക​ഴി​ഞ്ഞ വ​ർ​ഷം പെ​രി​ന്ത​ല്‍മ​ണ്ണ പി.​ടി.​എം ഗ​വ​ണ്‍മെ​ന്‍റ് കോ​ള​ജി​ല്‍നി​ന്നാ​ണ് വി​ഘ്നേ​ഷ് എം.​എ പൂ​ർ​ത്തി​യാ​ക്കി​യ​ത്. തൃ​ശൂ​ർ സെ​ന്‍റ് തോ​മ​സ് കോ​ള​ജി​ലാ​യി​രു​ന്നു ബി​രു​ദം. അ​ങ്ങാ​ടി​പ്പു​റം ത​ര​ക​ൻ എ​ച്ച്.​എ​സി​ലാ​ണ് സ്കൂ​ൾ പ​ഠ​നം പൂ​ർ​ത്തി​യാ​ക്കി​യ​ത്. ക്രി​ക്ക​റ്റി​ൽ ഏ​റെ പേ​രു​കേ​ട്ട ചൈ​നാ​മാ​ൻ ബോ​ളി​ങ്ങാ​ണ് കേ​ര​ള​താ​രം പി​ന്തു​ട​രു​ന്ന​ത്.