ന്യൂഡൽഹി: ഒളിമ്പിക്സ് ജാവലിൻത്രോയിൽ സ്വർണ മെഡൽ നേടിയ നീരജ് ചോപ്ര ആറ് കോടി സമ്മാനവുമായി ഹരിയാന സർക്കാർ. മുഖ്യമന്ത്രി മനോഹർ ലാൽ ഖട്ടാറാണ് ഇക്കാര്യം അറിയിച്ചത്. ഒളിമ്പിക്സ് ചരിത്രത്തിലെ അത്ലറ്റിക്സിൽ ഇന്ത്യയുടെ ആദ്യ മെഡലാണ് നീരജ് ചോപ്ര സ്വന്തമാക്കിയത്.
ടോക്യോ ഒളിമ്പിക്സ് ജാവലിൻ ത്രോയിൽ ആധികാരികമായാണ് നീരജ് ചോപ്ര സ്വർണത്തിൽ മുത്തമിട്ടത്. 2008ൽ ഷൂട്ടിങ്ങിൽ അഭിനവ് ബിന്ദ്ര നേടിയ സ്വർണം മാത്രമാണ് നൂറ്റാണ്ട് ചരിത്രമുള്ള ഒളിമ്പിക്സിൽ വ്യക്തികത ഇനത്തിൽ ഇന്ത്യക്കുള്ളത്.
87.58 മീറ്റർ എന്ന ദൂരത്തേക്ക് ജാവലിൻ പായിച്ചാണ് നീരജിന്‍റെ മെഡൽ നേട്ടം. ആദ്യ ശ്രമത്തിൽ 87.03 ദൂരമാണ് നീരജ് കണ്ടെത്തിയത്. രണ്ടാം ശ്രമത്തിൽ നീരജ് ദൂരം മെച്ചപ്പെടുത്തി. പിന്നീടുള്ള ശ്രമങ്ങളിൽ 87.58 മീറ്റർ എന്ന ദൂരം മറികടക്കാൻ കഴിഞ്ഞില്ലെങ്കിലും ഇന്ത്യക്കായി ചരിത്ര മെഡൽ നീരജ് നേടുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.