ടോക്യോ: ഒളിമ്പിക്സ് ടെന്നീസിൽ വെങ്കൽ മെഡൽ പോരാട്ടത്തിലും നൊവാക് ദ്യോകോവിച്ചിന് തോൽവി. വെങ്കൽ മെഡലിനായുള്ള മത്സരത്തിൽ സെർബിയൻ താരം സ്പെയിനിന്‍റെ പാബ്ലോ കരേ ബുസ്തയോട് അടിയറവ് പറഞ്ഞു. 6-4, 6-7,6-3 എന്ന സ്കോറിനാണ് ബുസ്ത ദ്യോകോവിച്ചിനെ പരാജയപ്പെടുത്തിയത്. മിക്സ്ഡ് ഡബിൾസിലെ വെങ്കല മെഡൽ പോരാട്ടം മാത്രമാണ് ഇനി ദ്യോകോവിച്ചിന് മുന്നിൽ അവശേഷിക്കുന്നത്.
ടെന്നിസിലെ അത്യപൂർവ നേട്ടമായ ഗോൾഡൻ സ്ലാം ലക്ഷ്യമിട്ടായിരുന്നു ലോക ഒന്നാം നമ്പർ താരം നൊവാക് ദ്യോകോവിച് ടോക്യോയിലെത്തിയത്. എന്നാൽ, അഞ്ചാം റാങ്കുകാരൻ ജർമനിയുടെ അലക്സാണ്ടർ സ്വരേവിനോട് 1-6, 6-3, 1-6 എന്ന സ്കോറിന് അടിയറവ് പറയാനായിരുന്നു ദ്യോകോവിച്ചിന്‍റെ വിധി.
പല പല കാരണങ്ങളും നിരത്തി പ്രമുഖ ടെന്നീസ് താരങ്ങൾ ഒളിമ്പിക്സിൽ നിന്നും മാറിനിൽക്കുന്ന ശീലം തെറ്റിച്ചായിരുന്നു ഇക്കുറി ദ്യോകോ ടോക്യോയിലേക്ക് വന്നത്. രണ്ടര മാസം മുമ്പ് ഇറ്റാലിയൻ ഒാപ്പണിൽ റാഫേൽ നദാലിനോട് തോറ്റ ശേഷം ആദ്യമായാണ് ദ്യോകോവിച്ച് തോൽവിയറിയുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.