ടോക്യോ: ടോക്യോ ഒളിമ്പിക്സിൽ ഇന്ത്യക്ക് നിരാശ സമ്മാനിച്ച് വനിത വിഭാഗം ബോക്സിങ്ങിൽ മേരി കോം പുറത്ത്. പ്രീ ക്വാർട്ടറിൽ കൊളംബിയയുടെ മൂന്നാം സീഡ് താരം ഇൻഗ്രിറ്റ് വലൻസിയയോട് പരാജയപ്പെട്ടാണ് മേരികോം പുറത്തായത്.
സ്പ്ലിറ്റ് ഡിസിഷനിലൂടെയാണ് കൊളംബിയൻ താരത്തെ വിജയിയായി പ്രഖ്യാപിച്ചത്. അഞ്ച് ജഡ്ജ്മാരിൽ നാല് പേരും കൊളംബിയൻ താരത്തെ അനുകൂലിച്ചപ്പോൾ ഒരാൾ മാത്രമാണ് മേരികോമിനൊപ്പം നിന്നത്. ആദ്യ റൗണ്ടിലെ മോശം പ്രകടനമാണ് മേരികോമിന് തിരിച്ചടിയായത്.
മേരികോമിന്‍റെ വിടവാങ്ങൽ ഒളിമ്പിക്സായിരുന്നു ഇത്. നേരത്തെ ലണ്ടൻ ഒളിമ്പിക്സിൽ മേരികോം രാജ്യത്തിനായി വെങ്കല മെഡൽ നേടിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.