നിർമിത ബുദ്ധി പകരംവെക്കാനോ പരിക്കേൽപിക്കാനോ കഴിയില്ലെന്ന്, പ്രശസ്ത ബിസിനസ് മാസിക ഫോബ്സ് ചൂണ്ടിക്കാട്ടുന്ന 10 തൊഴിൽ മേഖലകൾ ഇവയാണ്
1. ലീഡർഷിപ് ജോലികൾ: ദാർശനികത, തന്ത്രപരമായി ചിന്തിക്കൽ-തീരുമാനമെടുക്കൽ, പ്രചോദനം, ടീമിനെ സൃഷ്ടിക്കാനുള്ള കഴിവ്, മൂല്യത്തിലധിഷ്ഠിതമായ സംവിധാനം വികസിപ്പിക്കൽ തുടങ്ങി ഒരു ലീഡർക്കുവേണ്ട കഴിവുകൾ പ്രകടിപ്പിക്കുന്നതിൽ നിർമിത ബുദ്ധിക്ക് പരിമിതിയുണ്ട്.
2. ക്രിയേറ്റിവ് ജോലികൾ: സംഗീതജ്ഞർ, എഴുത്തുകാർ തുടങ്ങി മനുഷ്യ സർഗാത്മകതയിൽ ഊന്നിയുള്ള ജോലികൾ പൂർണാർഥത്തിൽ നിർവഹിക്കാൻ എ.ഐക്ക് കഴിയില്ല.
3. സർഗാത്മകമായ പ്രശ്ന പരിഹാരങ്ങൾ: പുതിയതും സങ്കീർണവുമായ പ്രശ്നങ്ങൾ കൈകാര്യം ചെയ്യുന്ന ജോലികൾക്ക് വിമർശനാത്മകത, വിശകലന സിദ്ധി, സർഗാത്മകത തുടങ്ങിയവ ആവശ്യമാണ്.
ഡേറ്റ വിശകലനത്തിന് കഴിയുമെങ്കിലും പ്രശ്ന പരിഹാരം എ.ഐക്ക് പ്രയാസമാണ്.
4. ആരോഗ്യ മേഖല: രോഗനിർണയത്തിലും ചികിത്സാ ശിപാർശകളിലും എ.ഐക്ക് സഹായിക്കാനാകുമെങ്കിലും ആരോഗ്യരംഗത്തെ മാനുഷിക വശങ്ങളായ വൈദ്യശാസ്ത്രപരമായ അറിവ്, മെഡിക്കൽ സംബന്ധമായ തീർപ്പ് പറയൽ, സഹാനുഭൂതി തുടങ്ങിയവക്ക് പകരമാവാൻ കഴിയില്ല.
5. ഗവേഷണവും വികസനവും: അനുമാനങ്ങൾ, ജിജ്ഞാസ, നിരന്തരമായ പരീക്ഷണങ്ങൾ എന്നിവ ആവശ്യമുള്ള ശാസ്ത്രീയ ഗവേഷണത്തിന് സഹായി ആകാമെന്നല്ലാതെ എ.ഐ പകരക്കാരനാകില്ല.
6. തെറപ്പിസ്റ്റ്, കൗൺസലർ: വൈകാരിക പിന്തുണ, തെറപ്പി, കൗൺസലിങ് എന്നിവക്ക് സഹാനുഭൂതിയും മാനുഷിക ബന്ധവും ആവശ്യമാണ്. ഇവ കൈകാര്യം ചെയ്യാനുള്ള വൈകാരിക ബുദ്ധി എ.ഐക്ക് ഇല്ല.
7. സോഷ്യൽ വർക്ക്: വൈവിധ്യമാർന്നതും പ്രവചനാതീതവുമായ മനുഷ്യ സാഹചര്യങ്ങളെ കൈകാര്യം ചെയ്യാനാവശ്യമായ വൈകാരിക ബുദ്ധിയും ധാർമികതയുമാണ് സാമൂഹിക പ്രവർത്തകന്റെ കൈമുതൽ. ഫീൽഡിൽ ഇങ്ങനെ പെരുമാറാൻ എ.ഐക്ക് സാധ്യമല്ല.
8. പരിചാരക ജോലി: സഹാനുഭൂതിയും ക്ഷമയോടുംകൂടി പരിചരണം നൽകാൻ മാനുഷിക ഗുണങ്ങൾ തന്നെ വേണം.
9. അധ്യാപനം: ബന്ധങ്ങൾ കെട്ടിപ്പടുക്കാനും വിദ്യാർഥിയുടെ ആവശ്യങ്ങൾ മനസ്സിലാക്കാനും മാർഗനിർദേശം നൽകാനും കഴിയുന്നവർക്കാണ് അധ്യാപനത്തിൽ മുന്നോട്ടുപോകാൻ കഴിയുക. ഇതിൽ എ.ഐയുടെ പങ്ക് പരിമിതമാണ്.
10. നൈപുണ്യ ജോലികൾ: ഇലക്‌ട്രീഷ്യന്മാർ, പ്ലംബർമാർ, കരകൗശല വിദഗ്ധർ തുടങ്ങിയ ജോലികൾക്ക് എ.ഐ വെല്ലുവിളിയാകില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.