രാജ്യത്തെ 2ജി മുക്തമാക്കാൻ മുകേഷ് അംബാനിയുടെ റിലയൻസ് ജിയോ അവതരിപ്പിച്ച 4ജി ഫീച്ചർ ഫോണായ ജിയോഫോണിന് പുതിയ ഒാഫറുകൾ പ്രഖ്യാപിച്ചു. ജിയോഫോൺ പ്രീപെയ്ഡ് ഉപഭോക്താക്കൾക്കാണ് ഒാഫറുകൾ. ഒരു ജിയോഫോൺ വാങ്ങുന്നവർക്ക് ഒന്ന് സൗജന്യമായി നൽകും കൂടാതെ അവർക്ക് കിടിലൻ റീചാർജ് ഒാഫറുകളുമുണ്ട്.
ഒരു ഫോണിൽ 39 രൂപ റീചാർജ് ചെയ്താൽ സൗജന്യമായി ലഭിച്ച മറ്റേ ഫോണിലും അതേ 39 രൂപ പ്ലാൻ ലഭിക്കും. നേരത്തെ ഇതേ പ്ലാനിന് 14 ദിവസത്തെ വാലിഡിറ്റിയിൽ പരിധിയില്ലാത്ത കോളുകളും 100 എംബി ഡാറ്റയുമായിരുന്നു ലഭിച്ചുകൊണ്ടിരുന്നത്. പുതിയ ഒാഫർ പ്രകാരം അത് 28 ദിവസങ്ങൾ ലഭിക്കും. ബോഗോ ഒാഫർ എന്ന് ജിയോ വിളിക്കുന്ന ഇതുപോലുള്ള മറ്റ് ഒാഫറുകൾ ഇവയാണ്.
69 രൂപയുടെ പ്ലാനിൽ 500 എംബി ഡാറ്റ ലഭിക്കും. സൗജന്യ എസ്എംഎസ് ഇല്ലാത്ത ഇൗ പ്ലാൻ രണ്ട് ഫോണുകളിലുമായി 14 ദിവസ വാലിഡിറ്റിയിൽ ഉപയോഗിക്കാവുന്നതാണ്. 75 രൂപയുടെ മറ്റൊരു ബോഗോ ഒാഫറിൽ 28 ദിവസ വാലിഡിറ്റിയിൽ പ്രതിദിനം 100 എംബി ഡാറ്റ ലഭിക്കും. 50 എസ്.എം.എസുകളും അയക്കാവുന്നതാണ്.
125 രൂപയുടേതാണ് മറ്റൊരു പ്ലാൻ. 28 ദിവസം വാലിഡിറ്റിയിൽ 500 എം.ബി പ്രതിദിന ഡാറ്റ, 300 എസ്.എം.എസ് എന്നിവയാണ് ലഭിക്കുക. 155 രൂപയുടേതിൽ, പ്രതിദിനം ഒരു ജിബി ഡാറ്റയാണ് കിട്ടുക. പ്രതിദിനം 100 എസ്.എം.എസുകളുമയക്കാം. 28 ദിവസ കാലാവധിയുള്ള ഇൗ പ്ലാൻ രണ്ട് ഫോണുകളിലും ഉപയോഗിക്കാൻ സാധിക്കും.
185 രൂപയുടെ പ്ലാനിൽ 28 ദിവസത്തേക്ക് പ്രതിദിനം രണ്ട് ജിബി ഡാറ്റയാണ് ലഭിക്കുക. 100 എസ്.എം.എസുമുണ്ടാകും. ഇൗ പ്ലാൻ ഒരു ഫോണിൽ റീചാർജ് ചെയ്താൽ രണ്ടാമത്തെ ഫോണിലും ഉപയോഗിക്കാവുന്നതാണ്. 749 രൂപയുടെ മറ്റൊരു പ്ലാനിൽ 336 ദിവസത്തെ വാലിഡിറ്റിയിൽ പ്രതിദിനം രണ്ട് ജിബി വെച്ച് ഡാറ്റ ലഭിക്കും. 50 എസ്.എം.എസുകളുമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.